| e-texts navigator |
| Wylie |
181a1 ལེགས་སོ། །དེ་ནས་ཡང་ཚངས་པ་དང་། ལྷའི་དབང་པོ་བརྒྱ་བྱིན་དང་། འཇིག་རྟེན་སྐྱོང་བ་དག་གིས་གནས་བརྟན་ཆེན་པོའི་རྐང་པ་ལ་ཕྱག་འཚལ་ཏེ་ཐལ་མོ་སྦྱར་བ་བྱས་ནས་རབ་ཏུ་གུས་པས་འདི་སྐད་ཅེས་སྨྲས
181a2 སོ། །ཐུགས་བརྩེ་བ་ཅན་ནགས་འདི་ནི་གཤེགས་ཤིང་བཞུགས་པའི་གནས་ཡིན་ཏེ་བདག་ཅག་ཀྱང་ཉེ་གནས་བགྱིད་ལ་གཞན་དག་ཀྱང་གཟུང་དུ་གསོལ། དེ་ནི་སྙན་པར་གྲགས་ཤིང་ལེགས་ཏེ་ཆུ་ནི་གཟིགས་པར་དབྱུང་བར
181a3 འཚལ་ལོ་ཞེས་གསོལ་བ་བཏབ་པོ། །གཞན་ཡང་གནོད་སྦྱིན་གྱི་སྡེ་དཔོན་བརྒྱད་པོ་འདི་དག་སྟེ། སིང་ག་ལ་ཞེས་བྱ་བ་དང་། ཆོས་སྐྱོང་ཞེས་བྱ་བ་དང་། དོན་གྲུབ་ཅེས་བྱ་བ་དང་། གཞན་ལས་རྒྱལ་ཞེས་བྱ་བ་དང་། གླང་རྣ་ཞེས
181a4 བྱ་བ་དང་། དབྱིག་རྣ་བ་ཞེས་བྱ་བ་དང་། ཆོས་ལྡན་ཞེས་བྱ་བ་དང་། ཆོས་འཕགས་ཞེས་བྱ་བས་ཀྱང་གནས་བརྟན་ཆེན་པོའི་རྐང་པ་ལ་ཕྱག་འཚལ་ཏེ་ཐལ་མོ་སྦྱར་ནས་རབ་ཏུ་གུས་པས་འདི་སྐད་ཅེས་སྨྲས་སོ། །ཐུགས
181a5 བརྩེ་བ་ཅན་ནགས་དེ་ནི་གཤེགས་ཤིང་བཞུགས་པའི་གནས་ཡིན་ཏེ་བདག་ཅག་ཀྱང་ཉེ་གནས་བགྱིད་ལ་གཞན་དག་ཀྱང་གཟུང་དུ་གསོལ། དེ་ནི་སྙན་པར་གྲགས་ཤིང་ལེགས་ཏེ་ཆུ་ནི་གཟིགས་པར་དབྱུང་བར་འཚལ་ལོ་ཞེས
181a6 གསོལ་བ་བཏབ་པོ། །གཞན་ཡང་གནོད་སྦྱིན་མ་ཆེན་མོ་བརྒྱད་འདི་དག་སྟེ། ཨ་ཤི་ཌི་ཞེས་བྱ་བ་དང་། མུ་མངས་ཤེ་ཞེས་བྱ་བ་དང་། འཕྱང་མ་ཞེས་བྱ་བ་དང་། རབ་ཏུ་འཕྱང་མ་དང་། དྲག་མོ་ཞེས་བྱ་བ་དང་། གཏུམ་མོ་ཞེས་བྱ
181a7 བ་དང་། མདུང་ཐུང་འཛིན་ཅེས་བྱ་བ་དང་། བར་སྣང་མ་ཞེས་བྱ་བས་ཀྱང་གནས་བརྟན་ཆེན་པོའི་རྐང་པ་ལ་ཕྱག་འཚལ་ཏེ་ཐལ་མོ་སྦྱར་བ་བྱས་ནས་རབ་ཏུ་གུས་པས་འདི་སྐད་ཅེས་སྨྲས་སོ། །ཐུགས་བརྩེ་བ་ཅན་ནགས
181a8 དེ་ནི་གཤེགས་ཤིང་བཞུགས་པའི་གནས་ཡིན་ཏེ་བདག་ཅག་ཀྱང་ཉེ་གནས་བགྱིད་ལ་གཞན་དག་ཀྱང་གཟུང་དུ་གསོལ། དེ་ནི་སྙན་པར་གྲགས་ཤིང་ལེགས་ཏེ་ཆུ་ནི་གཟིགས་པར་དབྱུང་བར་འཚལ་ལོ་ཞེས་གསོལ་བ
iiif viewer powered by OpenSeadragon
