| e-texts navigator |
| Wylie |
180a1 ཁྲི་དང་དེ་ཉིད་དུ་གཤེགས་ཤིང་ཐབས་གཅིག་ཏུ་གཞུགས་པར་གྱུར། དེ་དག་མྱ་ངན་ལས་འདས་བསྟན་པ་ནུབ་ནས་རང་སངས་རྒྱས་ལྔ་ཁྲི་ཡང་གཤེགས་ཤིང་བཞུགས་པར་གྱུར། རང་སངས་རྒྱས་དེ་དག་ཀྱང་མྱ་ངན
180a2 ལས་འདས་ནས་དྲང་སྲོང་མངོན་པར་ཤེས་པ་ལྔ་དང་ལྡན་པ་བཞི་ཁྲི་ཡང་གནས་པར་གྱུར་ཏོ། །འདིར་ནི་བཙུན་པ་རབ་མཐོང་ཆེན་པོ་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་བཞི་ཁྲི་ཐུབ་པ་ན། ཡང་དག་པར་རྫོགས
180a3 པའི་སངས་རྒྱས་ལོག་པར་དད་སེལ་ཞེས་བྱ་བ་འཇིག་རྟེན་དུ་བྱུང་སྟེ། དེའི་དགེ་སློང་ཆོས་ལྡན་ཞེས་བྱ་བ་ལྷ་དང་མིས་མཆོད་པའི་མཆོག་ཏུ་གྱུར་པ་ཡང་དེ་ཉིད་ནའོ། །མཚམས་ཀྱི་རིའི་རྩཝའི་རིགས་ཀཽ་ཤི་ཀ་ཞེས་བྱ་བ་སྐྱེ་བས
180a4 ཀཽ་ཤི་ཀ་རི་ཞེས་བཏགས་པར་གྱུར། སྤྲིན་ཅེས་བྱ་བའི་ཀླུ་མོ་གཅིག་གནས་པས་སྤྲིན་གྱི་ནགས་ཞེས་བཏགས་པར་གྱུར། ཤིང་ཨུ་དུམ་བ་ར་སྐྱེ་བས་ཨུ་དུམ་བ་རའི་ཕུག་ཅེས་བཏགས་པར་གྱུར། ཡང་དག་པར་རྫོགས་པའི
180a5 སངས་རྒྱས་ལོག་པར་དད་སེལ་འཁོར་དགྲ་བཅོམ་པ་ལྔ་ཁྲི་དང་ཐབས་གཅིག་ཏུ་གཤེགས་ཤིང་བཞུགས་པར་གྱུར། དེ་དག་ཀྱང་མྱ་ངན་ལས་འདས་ནས་མངོན་པར་ཤེས་པ་ལྔ་དང་ལྡན་པ་དྲང་སྲོང་སུམ་ཁྲི་ཡང་དེ་ན་གནས་པར
180a6 གྱུར་ཏོ། །འདིར་ནི་བཙུན་པ་རབ་མཐོང་ཆེན་པོ་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་སུམ་ཁྲི་ཐུབ་པ་ན་ཡང་དག་པར་རྫོགས་པའི་སངས་རྒྱས་གསེར་ཐུབ་ཅེས་བྱ་བ་འཇིག་རྟེན་དུ་བྱུང་སྟེ། དེའི་དགེ་སློང
180a7 ཆོས་འཕགས་ཞེས་བྱ་བ་ལྷ་དང་མིས་མཆོད་པའི་མཆོག་ཏུ་གྱུར་པ་ཡང་དེ་ཉིད་ནའོ། །མཚམས་ཀྱི་རི་དེ་ལ་རྩཝའི་རིགས་ཁ་དོག་ལྗང་ལོ་ཅན་ཞེས་བྱ་བ་སྐྱེ་བས་ཁ་དོག་ལྗང་ལོ་རི་ཞེས་བཏགས་པར་གྱུར། ཐིག་ལེ་ཞེས་བྱ
180a8 བའི་ཀླུ་མོ་གནས་པས་ཐིག་ལེའི་ནགས་ཞེས་བཏགས་པར་གྱུར། ཤིང་ཀ་པི་ཏ་སྐྱེ་བས་ཀ་པི་ཏའི་ཕུག་ཅེས་བཏགས་པར་གྱུར། ཡང་དག་པར་རྫོགས་པའི་སངས་རྒྱས་གསེར་ཐུབ་འཁོར་གྱི་དགྲ་བཅོམ་པ་བཞི་ཁྲི་དང
iiif viewer powered by OpenSeadragon
