| e-texts navigator |
| Wylie |
178b1 འབབ་བོ། །དེ་མ་ཡིན་པ་བསོད་ནམས་ཆེན་པོ་དང་ལྡན་པ། དགེ་ཞིང་ཤིས་པ། འཇིག་རྟེན་ཐམས་ཅད་མཁྱེན་པ། སངས་རྒྱས་བཅོམ་ལྡན་འདས་ཀྱང་དེ་ནའོ་ཞེས་བྱས་པ་དང་། རབ་མཐོང་གིས་སྒྲ་དེ་ཐོས་པ་དང་། བུ་སྤུ་ལངས་ཡིད
178b2 གཡོས་རབ་ཏུ་དགའ་སྟེ་དེར་འགྲོའོ་སྙམ་ནས། ཕའི་གན་དུ་སོང་སྟེ་ཕྱིན་ནས་ཡབ་བདག་ནི་ཡུལ་དབུས་སུ་མཆིའོ། །དེ་ནས་མུ་སྟེགས་པ་དག་ལས་རྒྱལ་བར་བགྱིའོ། །མཁས་པར་བགྲངས་པ་དག་དང་ངེས་པར་ལྷན་ཅིག་སྨྲ
178b3 བར་བགྱིའོ་ཞེས་གསོལ་པ་དང་། ཕས་དེ་ལྟར་གནང་ངོ་། །དེ་ནས་བསོད་ནམས་ཆེན་པོ་སྦྱིན་པས་དབང་ཕྱུག་ཆེན་པོ་དང་ལྡན་པ། སེམས་ཅན་ཐམས་ཅད་ལ་གཏོང་བ་ཆེན་པོ་ཅན་དེ་ལྷ་དག་གིས་བསྲུངས་པ་ཞིག་པས་ལྷ
178b4 དག་ཉེ་བར་འོང་ཞིང་སྔོན་དུ་འགྲོ་སྟེ། རབ་མཐོང་ཆེན་པོ་ལ་མཆོད་པ་བྱོས་ཤིག་དང་། ཕན་ཡོན་མང་པོ་དག་གི་འབྲས་བུ་ཆེན་པོ་འབྱུང་བར་འགྱུར་རོ་ཞེས་སྒྲ་སྒྲོགས་ཤིང་སོང་བ་དང་། རིམ་གྱིས་ལྷ་དང་མིས་མཆོད་པ་བྱས
178b5 ཤིང་མཉན་ཡོད་དུ་ཕྱིན་ནོ། །དེ་ནས་ལམ་གྱིས་དུབ་པ་རྟ་བསྟིས་ཏེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེ་ནས་བཅོམ
178b6 ལྡན་འདས་ཀྱིས་དེ་དག་ལ་ཆོས་བསྟན་པ་མཛད་དེ། དེའི་འཁོར་ལྔ་བརྒྱ་པོ་དག་ལྟ་བ་མཆོག་ཏུ་འཛིན་པ་བཤིག་བཅོམ་སྟེ། བདེན་པ་མཐོང་སྟེ་དེ་ཉིད་དུ་རབ་ཏུ་བྱུང་དགེ་སློང་གི་དངོས་པོ་བཟུང་སྟེ། ཉོན་མོངས་པ་ཐམས་ཅད
178b7 བཅོམ་ནས་དགྲ་བཅོམ་པ་མངོན་དུ་བྱས་ཏེ་དགའ་བོ་ནི་མ་གཏོགས་སོ། །སྐྱེ་བོ་མང་པོ་ཀུན་གྱིས་ཀྱང་ཆོས་ཁོང་དུ་ཆུད་དོ། །སྟོན་པ་ཆེན་པོ་རབ་མཐོང་ལྟ་བའི་ཕྱིར་ལྷ་ལ་སོགས་པ་དག་ཀྱང་འོངས་ཏེ་དེར་ཕྱིན་པ་དང་།
178b8 བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་རབ་མཐོང་འདི་ནི་ངའི་དགེ་སློང་དང་དགེ་སློང་དག་གི་ཉན་ཐོས་དག་ལ་ཇི་ལྟར་ལྷ་དང་མི་མཆོད་པ་བྱེད་དེ། དེ་དག་གི་ནང་ན་ལྷ་དང་མིས་མཆོད
iiif viewer powered by OpenSeadragon
