| e-texts navigator |
| Wylie |
177b1 བརྗོད་ན་དཔལ་དུ་བྱེད་པར་འགྱུར། །གང་གིས་བྲིས་ཏེ་སྐྱེས་པ་དང་། །བུད་མེད་ལུས་ལ་བཏགས་ན་ནི། །སྐལ་པ་བཟང་དང་གཟི་བརྗིད་དང་། །དེ་ཡི་དཔལ་ཡང་སྐྱེ་བར་འགྱུར། །ལུས་དང་ངག་དང་ཡིད་ཀྱིས་སུ། །མི་དགེ་ཅུང་ཟད་གང
177b2 བྱས་པ། །དེ་དག་ཐམས་ཅད་བཟང་པོའི་མདོས། །དུས་མ་ཡིན་པར་འཆི་བས་སྐྱོབ། །རྒྱལ་པོ་ཆུ་དང་མེ་དང་གློག་།ཆོམ་པོ་ནད་དང་དགྲ་དག་དང་། །གཡུལ་སྤྲོད་ས་དང་འཐབ་པར་ཡང་། །བཟང་པོ་དྲན་ན་སྐྱོབ་པར་བྱེད། །རིག་པ་བཟང
177b3 པོ་འདི་དང་ནི། །གསང་སྔགས་འདི་དག་རྟག་བརྗོད་ན། །མི་དག་མི་ཞུམ་དུས་ཀུན་དུ། །དེ་བས་འདི་ནི་ཡིད་ཀྱིས་བརྗོད། །འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
177b4 སངས་རྒྱས་རྣམས་ལ་ཕྱག་འཚལ་ལོ། །ཕྱག་འཚལ་ནས་རིག་སྔགས་འདི་དག་བརྗོད་པར་བྱ་སྟེ། རིག་སྔགས་འདིས་བདག་འབྱོར་པར་གྱུར་ཅིག་།ཏཏྱ་ཐཱ། ནི་མི་ནི་མིན་དྷ་རེ། ཏི་མི་ཏི་མིང་ག་ལི། ཏྲཻ་ལོ་ཀ་ཨ་བ་ལོ་ཀ་ནི། ཏྲི་ཤུ་ལ
177b5 དྷ་ར་ཎི། ཨ་ཀུ་ཕི་ནི། ཀྲི་མཱི་ཀྲི་ཏི། ཀི་ལི་ཀི་ལི། ཀུད་ཏོ་ཀུད་ཏོ། ཀུད་ཏོ་ཀུད་སི། ཀུརྟི་ཀུ་པི་ཏི། བདག་དང་སེམས་ཅན་ཐམས་ཅད་ལག་ན་རྡོ་རྗེ་དང་ལྷན་ཅིག་ཏུ་འཇིགས་པ་ཐམས་ཅད་དང་། ནད་ཐམས་ཅད་དང་། དུག་ཐམས་ཅད་དང་། རིམས
177b6 ཐམས་ཅད་དང་། གདོན་ཐམས་ཅད་དང་། གདུག་པས་ཟིན་པ་ཐམས་ཅད་དང་། ཆོམ་རྐུན་ཐམས་ཅད་དང་། མི་དང་། མི་མ་ཡིན་པ་ཐམས་ཅད་དང་། འཇིགས་པ་དང་། གནོད་པ་དང་། ནད་འགོ་བ་ཐམས་ཅད་དང་། འཐབ་པ་དང་། རྙོག་པ་དང་།
177b7 སྡིག་པ་དང་། རྩོད་པ་དང་། འགྱེད་པ་དང་། མཚང་འདྲུ་བ་ཐམས་ཅད་དང་། ལུས་དང་། ངག་དང་། ཡིད་ཀྱིས་ངན་པར་སྤྱད་པ་ཐམས་ཅད་དང་། ཐམས་ཅད་དུ་འཇིགས་པ་ཐམས་ཅད་ལས་སྲུངས་ཤིག་།སྲུངས་ཤིག་།ཏ་ཏྱ་ཐཱ། ཧི་ལི་མི་ལི།
177b8 ཙི་ལི། ཨི་ལི། མི་ལི། པི་ཤ་ཙི་པཱརྞ་ཤ་བ་རི་ཙི། ལི་ཙི་ལི་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། ནམ
iiif viewer powered by OpenSeadragon
