| e-texts navigator |
| Wylie |
157b1 ཚེའི་མཐའ་བསྟན་པ་ཐོས་ནས་དགེ་སློང་དག་འཛིན་པར་བགྱིད་ལགས་སོ། །དགེ་སློང་དག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །དགེ་སློང་དག་འདི་ལྟ་སྟེ། འདི་ལ་ཏིལ་ཡུལ་ཀོ་ས་ལའི
157b2 ཁལ་བཅུ་ཚད་ཉི་ཤུ་ཤོང་བའི་ཁལ་བཅུ་ཚད་ཉི་ཤུ་པ་ཏིལ་གྱིས་བྱུར་བུར་གང་བར་གྱུར་པ་དེ་ལས་མི་ལ་ལ་ཞིག་གིས་ལོ་བརྒྱ་འདས་ཤིང་ཏིལ་འབྲུ་གཅིག་བོར་ཏེ། ཏིལ་ཁལ་བཅུ་ཚད་ཉི་ཤུ་ཤོང་བའི་ཁལ་བཅུ་ཉི་ཤུ
157b3 པ་དེ་ཐབས་འདིས་མྱུར་དུ་ཡོངས་སུ་ཟད་ཅིང་གཏུགས་པར་གྱུར་ཀྱང་། དགེ་སློང་དག་ཆུ་བུར་ཅན་དུ་སྐྱེས་པའི་སེམས་ཅན་རྣམས་ཀྱི་ཚེའི་ཚད་ནི་དེ་ལྟ་མ་ཡིན་པར་ང་སྨྲའོ། །ཆུ་བུར་ཅན་གྱི་ཉི་ཤུ་ཇི་ལྟ་བ་དེ་ལྟར་ཆུ་བུར་རྡོལ་གྱི
157b4 གཅིག་ཡིན་ནོ། །ཆུ་བུར་རྡོལ་གྱི་ཉི་ཤུ་ཇི་ལྟ་བ་དེ་ལྟར་སོ་ཐམས་ཐམས་ཀྱི་གཅིག་ཡིན་ནོ། །སོ་ཐམས་ཐམས་ཀྱི་ཉི་ཤུ་ཇ་ལྟ་བ་དེ་ལྟར་ཀྱི་ཧུད་ཟེར་གྱི་གཅིག་ཡིན་ནོ། །ཀྱི་ཧུད་ཟེར་གྱི་ཉི་ཤུ་ཇི་ལྟ་བ་དེ་ལྟར་ཨ་ཅུ་ཟེར་གྱི་གཅིག
157b5 ཡིན་ནོ། ། ཅུ་ཟེར་གྱི་ཉི་ཤུ་ཇི་ལྟ་བ་དེ་ལྟར་ཨུད་པ་ལ་ལྟར་གས་པའི་གཅིག་ཡིན་ནོ། །ུད་པ་ལ་ལྟར་གས་པའི་ཉི་ཤུ་ཇི་ལྟ་བ་དེ་ལྟར་པད་མ་ལྟར་གས་པའི་གཅིག་ཡིན་ནོ། །པད་མ་ལྟར་གས་པའི་ཉི་ཤུ་ཇི་ལྟ་བ་དེ་ལྟར་པད
157b6 མ་ལྟར་གས་པ་ཆེན་པོའི་གཅིག་ཡིན་ནོ། །ལྷ་སྦྱིན་གྱི་ཕྱོགས་དགེ་སློང་ཀོ་ཀ་ལི་ཀས་དགེ་སློང་ཤཱ་རིའི་བུ་དང་། མཽད་གལ་གྱི་བུ་ལ་ཞེ་སྡང་གི་སེམས་བསྐྱེད་པས་རང་གི་ལུས་དེ་ཉིད་ཀྱིས་སེམས་ཅན་དམྱལ་བ་ཆེན་པོ་པད་མ་ལྟར
157b7 གས་པ་ཆེན་པོར་སྐྱེས་སོ། །དགེ་སློང་དག་དེ་ལྟ་བས་ན་དེའི་ཕྱིར་འདི་ལྟར་བསླབ་པར་བྱ་སྟེ། སྡོང་དུམ་ཚིག་པ་ལ་ཡང་ཞེ་སྡང་གི་སེམས་བསྐྱེད་པར་མི་བྱ་ན་རྣམ་པར་ཤེས་པ་དང་ལྡན་པའི་ལུས་ལ་ལྟ་སྨོས་ཀྱང་ཅི་དགོས་པ་དེ་ལྟར་དགེ
157b8 སློང་དག་ཁྱེད་ཀྱིས་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། མི་ཞིག་སྐྱེས་པར་གྱུར་པ་ན། །གང་གིས་བདག་ནི་གཅོད་བྱེད་པའི། །ཁ་ནས་སྟ་རེའི་ཚིག་འབྱུང་བ།
iiif viewer powered by OpenSeadragon
