| e-texts navigator |
| Wylie |
148a1 ཆན་ལྷུང་བཟེད་དུ་བླངས་ནས་ཆོག་པའི་མཚན་མ་ལ་ཉེ་བར་རྟོག་ཅིང་། དེའི་འོག་ཏུ་མི་བླང་བའི་མཚན་མ་ལ་མཁས་པ་ཡིན་ཏེ། གོམས་པ་ན་ལྟོའི་ཚད་ཀྱང་ཤེས་པར་འགྱུར་རོ། །ཟས་ཆོག་པ་པ་ནི་ཟས་མང་པོ་སྤོང་བ་ཡིན་ནོ།
148a2 ཟས་ཚད་ལས་ལྷག་པས་ནི་ཟས་ཆོག་པ་པ་ཉིད་འཇིག་གོ། །ཟས་ཕྱིས་མི་ལེན་པ་ཉིད་ཇི་ལྟར་ཡང་དག་པར་ལེན་ཅེ་ན། ཟས་ལྷག་པར་ཟོས་ན་ཕུལ་སྐྱེ་བ་དང་། གཞན་ལ་རག་ལས་པ་ཉིད་དང་། ཡོ་བྱད་བསྙུངས་པ་མ་ཡིན་པའི་ཉེས
148a3 དམིགས་ཀྱང་མཐོང་། ཟས་ཕྱིས་མི་ལེན་པ་ཉིད་ཀྱི་ཡོན་ཏན་དག་ཀྱང་མཐོང་ནས་འདི་སྐད་དུ་དེང་སླན་ཆད་ཟས་ལྷག་པ་སྤོང་སྟེ། ཟས་ཕྱིས་མི་ལེན་པ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་ཟས་ཕྱིས་མི་ལེན་པ
148a4 ཉིད་ཀྱི་ཡོན་ཏན་ནི་འདི་དག་ཡིན་ཏེ། རེ་བ་རབ་ཏུ་ཆད་པ་དང་། དགང་སླ་བ་དང་། གཞན་ལ་རག་མ་ལས་པ་ཉིད་དང་། གསོག་འཇོག་ཡོངས་སུ་སྤོང་བ་དང་། ཡང་མི་ཚོལ་བ་ཉིད་དང་། བརྐམ་ཆགས་མེད་པ་ཉིད་དང་། ཕུལ་མི་སྐྱེ་བ་ཉིད་དང་།
148a5 སྐྱེས་བུ་དམ་པའི་སྤྱོད་པ་ཉིད་དང་། ཡོ་བྱད་བསྙུངས་པའི་ཚུལ་ཏེ། དེ་ལྟ་བུ་ལ་སོགས་པ་ནི་ཟས་ཕྱིས་མི་ལེན་པའི་ཡོན་ཏན་དག་ཡིན་ནོ། །ཟས་ཕྱིས་མི་ལེན་པ་ནི་དུ་ཞིག་།ཟས་ཕྱིས་མི་ལེན་པ་ནི་གང་ཞིག་ཡིན། གང་གིས་ནི་ཟས
148a6 ཕྱིས་མི་ལེན་པ་ཉིད་འཇིག་ཅེ་ན། ཟས་ཕྱིས་མི་བླང་བ་ནི་གཉིས་ཏེ། ལྷག་པའི་མཐའ་པ་ཉིད་དང་། གཟུང་བའི་མཐའ་པའོ། །དེ་ལ་ལྷག་པའི་མཐའ་པ་ཞེས་བྱ་བ་ནི་ཟོས་ཏེ་སྤངས་ནས་མི་ཟ་བའོ། །བཟུང་བའི་མཐའ་པ་ཞེས་བྱ
148a7 བ་ནི་བདག་ཉིད་ཀྱི་རང་བཞིན་གྱིས་སྐལ་བ་གཅིག་། ཟས་ཕྱིས་མི་ལེན་པ་ནི་ཟས་ལྷག་པར་སྤོང་བ་ཡིན་ནོ། །ཟས་ལྷག་པ་ཟ་བས་ནི་ཟས་ཕྱིས་མི་ལེན་པ་ཉིད་འཇིག་གོ། །དགོན་པ་པ་ཉིད་ཇི་ལྟར་ཡང་དག་པར་ལེན་ཞེ་ན། གྲོང་མཐར
148a8 གནས་ན་མི་འདོད་པའི་ཡུལ་གྱིས་འཁྲུག་པ་དང་། ཆགས་པ་སྐྱེ་བ་དང་། འཛིངས་པར་གནས་པ་ཉིད་ཀྱི་ཉེས་དམིགས་ཀྱང་མཐོང་། དགོན་པ་པ་ཉིད་ཀྱི་ཡོན་ཏན་དག་གྱང་མཐོང་ནས་འདི་སྐད་དུ་དེང་སླན་ཆད་གྲོང་མཐར་གནས་པ་སྤོང་སྟེ།
iiif viewer powered by OpenSeadragon
