| e-texts navigator |
| Wylie |
133b1 བྱ་བས། གང་ལ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་བརྒྱན་པའི་བུ་བཙའ་བར་འགྱུར་བ་དེ་ཡང་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ལུང་བསྟན་པ་དེ་རེ་ཤིག་འདོད་དོ། །གཅིག་ཤོས་ཀྱང་ཚོགས་ལ་བརྟག
133b2 པར་བྱའོ། །དེས་དེ་འཁོར་ལྔ་བརྒྱ་དང་བཀྲིའོ། །དེའི་ཚེ་ཤཱཀྱ་རྣམས་ཀྱི་ཕྱིར་རྒོལ་བ་སྐྱ་བསེང་ཞེས་བྱ་བ་རི་ཁྲོད་པ་ཅིག་ཡོད་ནས་ཤཱཀྱ་རྣམས་འདུས་ཏེ། རྒྱལ་པོ་སེང་གེ་འགྲམ་གྱི་དྲུང་དུ་སོང་ནས། ལྷ་སྐྱ་བསེང་རི་ཁྲོད་པ་བདག་ཅག
133b3 ལ་གནོད་པ་བགྱིད་ཀྱིས་གྲོགས་མཛད་དུ་གསོལ། དེས་སྨྲས་པ། ཤེས་ལྡན་དག་ཁོ་བོ་རྒས་པས་དེ་རྣམས་དང་ལྷན་ཅིག་གཡུལ་སྤྲད་པར་མི་ནུས་སོ། །ལྷ་གཞོན་ནུ་ཟས་གཙང་གཏང་དུ་གསོལ། དམ་ཞིག་བཅའ་སྟེ། གལ་ཏེ
133b4 གཞོན་ནུ་ཇི་ལྟ་བུ་འདོད་པའི་དམ་པ་གཅིག་བསླངས་པའི་དམ་པ་དེ་སྦྱིན་པ་བལྟ་ན་གཏང་ངོ་། །དེ་རྣམས་ཀྱིས་སྨྲས་པ། ལྷ་བཀའ་བཞིན་འཚལ་སྩལ་བར་བགྱིའོ། །རྒྱལ་པོས་དཔུང་གི་ཚོགས་ཡན་ལག་བཞི་པ་གཞོན་ནུ་ཟས་གཙང་ལ
133b5 བསྔོ་ནས་དེས་རི་ཁྲོད་པ་དེ་རྣམས་བཅོམ། རབ་ཏུ་བཅོམ་སྟེ་རྨེག་བཏའོ། །དེ་ནས་ཤཱཀྱ་རྣམས་མགུ་ནས་རྒྱལ་པོ་སེང་གེ་འགྲམ་གྱི་དྲུང་དུ་དོང་སྟེ་ལྷ་གཞོན་ནུས་རི་ཁྲོད་པ་རྣམས་བཅོམ་རབ་ཏུ་བཅོམ་སྟེ་རྨེག་བཏའ་ལགས་པས
133b6 བདག་ཅག་གློ་བ་དགའ་ན། གཞོན་ནུ་མཆོག་ཅི་བཞེད་གསུངས་ཤིག་དབུལ་ལོ། །ཤེས་ལྡན་དག་ཤཱཀྱ་རྣམས་ཀྱི་ཁྲིམས་སུ་བཅས་པ་སུས་ཀྱང་མཉམ་པ་ལས་ཆུན་མ་གཞག་པར་མི་བྱའོ་ཞེས་བཅས་སོ། །ལྷ་ཅི་ཁྲིམས
133b7 འདྲལ་ལམ། དེས་སྨྲས་པ། ལྷག་པར་ཤིན་དུ་བསྡམ་གྱི་དྲལ་བར་མི་བྱ་ན། འོན་ཀྱང་གཞོན་ནུའི་དམ་པ་གཅིག་སློང་བ་ནི་མཉམ་པ་ལས་ཆུན་མ་བླང་བ་ཡིན་ནོ། །ལྷ་རུང་གིས་དེ་བཞིན་དུ་མཛོད་ཅིག་།དེ་ནས་སེང་གེ་འགྲམ་གྱིས
133b8 ལེགས་པར་རབ་སད་ལ་ཕོ་ཉ་བཏང་ནས། ཁོ་བོས་ཚོགས་བརྟགས་ཟིན་གྱིས་བུ་མོ་གཅིག་ཤོས་ཀྱང་བཀྲི་ཤིག་།དེས་དེ་ཡང་འཁོར་ལྔ་བརྒྱ་དང་བཀྲི་སྟེ། གཞོན་ནུ་ཟས་གཙང་གིས་གཉི་ག་བླངས་སོ། །ཇི་ཙམ་དུས
iiif viewer powered by OpenSeadragon
