| e-texts navigator |
| Wylie |
132b1 པོ་ནས་ཀྱེ་མའོ་བདག་གི་རྒྱུད་ལ་འཁོར་ལོས་སྒྱུར་བ་སྐྱེ་བར་གྱུར་ཀྱང་ཅི་མ་རུང་སྙམ་པའི་བསམ་པ་འདི་ཡོད་དོ། །རྒྱལ་པོ་ལེགས་པར་རབ་སད་ལ་ཡང་ཡུན་རིང་པོ་ནས་ཀྱེ་མའོ་བདག་ནི་སེང་གེ་འགྲམ་དང་ལྷན་ཅིག་གཉེན་དུ་གྱུར་ཀྱང་ཅི
132b2 མ་རུང་སྙམ་པའི་བསམ་པ་འདི་ཡོད་དོ། །ཇི་ཙམ་དུ་དུས་གཞན་ཞིག་ན་དེའི་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་དགུར་སྤྱོད་པ་ལས་དུས་གཞན་ཞིག་ན་བཙུན་མོ་སེམས་ཅན་དང་ལྡན་པར་གྱུར་ནས། དེ་ཟླ་བ
132b3 བརྒྱད་དམ་དགུ་འདས་པ་ན་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང་། ཉིང་ལག་ཐམས་ཅད་དང་ལྡན་པ་ཞིག་བཙས་སོ། །བཙས་པ་དེའི་གཟུགས་བཟང་པོས་རྒྱལ་པོ་ལེགས་པར་རབ་སད
132b4 བཙུན་མོའི་འཁོར་དང་བཅས་པ་དང་ལྷས་བསྟན་ན་གནས་པའི་སྐྱེ་བོའི་ཚོགས་རྣམས་མཆོག་ཏུ་ངོ་མཚར་སྐྱེས་ཏེ། ཐེ་ཙོམ་དུ་གྱུར་ནས་ཅི་འདི་བུ་མོ་ཡིན་ནམ། འོན་ཏེ་ལས་སྣ་ཚོགས་པས་སྤྲུལ་པའི་སྒྱུ་འཕྲུལ་ཡིན་སྙམ
132b5 མོ། །དེའི་བཙས་པའི་བཙས་སྟོན་ཉི་མ་བདུན་གསུམ་ཉི་ཤུ་གཅྀག་ཏུ་རྒྱ་ཆེར་བྱས་ནས་བུ་མོ་འདིའི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། ལྷས་བསྟན་ན་གནས་པའི་སྐྱེ་བོའི
132b6 ཚོགས་ལམ་པོ་ཆེ་དང་། ཚོང་འདུས་དང་། སུམ་མདོ་དང་། བཞི་མདོ་རྣམས་སུ་གླེང་བ་ཁ་ཅིག་གི་མཆིད་ནས་ནི་འདི་བུ་མོ་ཁོ་ན་ལགས་ཏེ། སྔོན་གྱི་ལས་ཀྱི་རྣམ་པར་སྨིན་པས་གཟུགས་བཟང་ཞིང་ཁ་དོག་ཕུན་སུམ་ཚོགས་པར་གྱུར
132b7 ཏོ་ཞེས་མཆིའོ། །གཞན་དག་གི་མཆིད་ནས་ནི་འདི་བུ་མོ་མ་ལགས་ཀྱི་འོ་ན་ཅི་ཞེ་ན་ལས་སྣ་ཚོགས་པས་སྤྲུལ་པའི་སྒྱུ་འཕྲུལ་ལགས་སོ་ཞེས་མཆི་ལགས་པས། དེ་བས་ན་བུ་མོའི་མིང་སྒྱུ་འཕྲུལ་ཞེས་བགྱི་བར་གདགས་སོ
132b8 ཞེས་བཏགས་སོ། །བུ་མོ་སྒྱུ་འཕྲུལ་མ་མ་བརྒྱད་ལ་རྗེས་སུ་གཏད་དེ་ཞེས་བྱ་བ་ནས་ཆེན་མོར་གྱུར་ཏོ་ཞེས་བྱ་བའི་བར་གོང་མ་བཞིན་དུའོ། །དེ་ལ་མཚན་མཁན་རྣམས་ཀྱིས་ལུང་བསྟན་པ། མཚན་ཕུན་སུམ་ཚོགས་པ་དུ་མ
iiif viewer powered by OpenSeadragon
