| e-texts navigator |
| Wylie |
131a1 སྟེ། ཀྱེ་མ་གཞོན་ནུ་རྣམས་ནི་ཕོད་པ་ཡིན་ནོ། །ཀྱེ་མ་གཞོན་ནུ་རྣམས་ནི་ཤིན་དུ་ཕོད་པ་ཡིན་ནོ་ཞེས་བྱས་པས་དེ་རྣམས་ཤཱཀྱ་ཤཱཀྱ་ཞེས་བྱ་བར་གྱུར་ཏོ། །དེ་རྣམས་དུས་གཞན་ཞིག་ན་རྒྱལ་པོ་བུ་རམ་ཤིང་པ་འཕགས
131a2 སྐྱེས་པོ་ཤི་ནས་རྒྱལ་སྲིད་དགའ་རྒྱལ་སྲིད་ལ་དབང་བསྐུར་རོ། །དེ་ཡང་བུ་མེད་པར་ཤི་ནས་སྐར་མདའ་གཏོང་རྒྱལ་སྲིད་ཀྱི་དབང་ཕྱུག་ལ་དབང་བྱེད་ཏུ་བཅུག་གོ། །དེ་ཡང་བུ་མེད་པར་ཤི་ནས་ལག་རྣ་རྒྱལ་པོར་གྱུར་ཏོ། །དེ་ཡང་བུ་མེད
131a3 པར་ཤི་ནས་གླང་པོ་ཆེ་འདུལ་རྒྱལ་པོར་གྱུར་ཏོ། །དེ་ཡང་བུ་མེད་པར་ཤི་ནས་རྐང་གདུབ་ཅན་རྒྱལ་པོར་གྱུར་ཏོ། །དེའི་བུ་གནས་འཇོག་གོ། །གཽ་ཏ་མ་དག་གནས་འཇོག་གི་བུ་ས་ཁྱིམ་མོ། །གཽ་ཏ་མ་དག་རྒྱལ་པོ་ས་ཁྱིམ་གྱི་བུ་དང་། ཚ
131a4 བོ་དང་། ཡང་ཚ་དང་། སུམ་ཚའི་རྒྱུད་རྒྱལ་པོ་ལྔ་ཁྲི་ལྔ་སྟོང་གྲོང་ཁྱེར་སེར་སྐྱའི་གཞིར་བྱུང་སྟེ། དེ་རྣམས་ཀྱི་ཐ་མ་ནི་ཤིང་རྟ་བཅུ་པ་དང་། ཤིང་རྟ་བརྒྱ་པ་དང་། ཤིང་རྟ་དགུ་བཅུ་དང་། ཤིང་རྟ་ཁྲ་བོ་དང་། ཤིང་རྟ་རྒྱལ་དང་། བརྟན་པའི་ཤིང་རྟ་དང་།
131a5 གཞུ་བཅུ་པ་དང་། གཞུ་བརྒྱ་པ་དང་། གཞུ་དགུ་བཅུ་དང་། གཞུ་རྒྱལ་དང་། གཞུ་བཀྲ་དང་། གཞུ་བརྟན་ནོ། །གཽ་ཏ་མ་དག་གཞུ་བརྟན་ལ་བུ་གཉིས་ཏེ། སེང་གེའི་འགྲམ་དང་། སེང་གེའི་སྒྲའོ། །གཽ་ཏ་མ་དག་འཛམ་བུའི་གླིང་གི་གཞུ་ཐོགས་ཇི
131a6 སྙེད་ཡོད་པ་དེ་རྣམས་ཀྱི་ནང་ན་སེང་གེའི་འགྲམ་མཆོག་ཏུ་གྲགས་སོ། །གཽ་ཏ་མ་དག་སེང་གེའི་འགྲམ་ལ་བུ་བཞི་སྟེ། ཟས་གཙང་དང་། ཟས་དཀར་དང་། བྲེ་བོ་ཟས་དང་། བདུད་རྩིའི་ཟས་སོ། །བུ་མོ་གཙང་མ་དང་། དཀར་མོ་དང་། བྲེ་མོ
131a7 མ་དང་། བདུད་རྩི་མའོ། །ཟས་གཙང་ལ་བུ་གཉིས་ཏེ། བཅོམ་ལྡན་འདས་དང་། ཚེ་དང་ལྡན་པ་དགའ་བོའོ། །ཟས་དཀར་ལ་བུ་གཉིས་ཏེ། ཚེ་དང་ལྡན་པ་རྒྱལ་དང་། ཤཱཀྱའི་རྒྱལ་པོ་བཟང་ལྡན་ནོ། །བྲེ་བོ་ཟས་ལ་བུ་གཉིས་ཏེ། མིང་ཆེན
131a8 དང་། ཚེ་དང་ལྡན་པ་མ་འགགས་པའོ། །བདུད་རྩི་ཟས་ཀྱི་བུ་གཉིས་ཏེ། ཚེ་དང་ལྡན་པ་ཀུན་དགའ་བོ་དང་། ལྷ་སྦྱིན་ནོ། །གཙང་མའི་བུ་ནི་ལེགས་པར་རབ་སད་དོ། །དཀར་མོའི་བུ་ནི་ཕྲེང་བ་ཅན་ནོ། །བྲེ་བོ་མའི་བུ་ནི་བཟང་ལེན་ནོ། །
iiif viewer powered by OpenSeadragon
