| e-texts navigator |
| Wylie |
130a1 བྱས་ཏེ། གནས་བཏབ་ནས་རི་དགས་བསད་ཅིང་བསད་ནས་འཚོ་བ་བྱེད་ཅིང་དུས་གསུམ་དུ་དྲང་སྲོང་སེར་སྐྱའི་བསྟི་གནས་སུ་འདོང་བར་བྱེད་དོ། །ལང་ཚོ་དང་དར་ལ་བབ་པའི་དྲེགས་པས་ཟིན་པས་འདོད་ཆགས་ཀྱིས་ཤིན
130a2 དུ་ཉེན་ཏེ། ཤ་བྲི་ངན་པ་སྐྱ་བོ་བསེང་བསེང་པོར་གྱུར་ཏོ། །ཇི་ཙམ་དུ་གཞན་ཞིག་ན་དྲང་སྲོང་སེར་སྐྱས་དེ་ལྟ་བུ་མཐོང་ནས་དྲིས་པ། ཁྱེད་ཅག་ཅིའི་ཕྱིར་སྐྱ་བོ་བསེང་བསེང་པོར་གྱུར། དེ་རྣམས་ཀྱིས་སྨྲས་པ། དྲང་སྲོང་ཆེན་པོ
130a3 བདག་ཅག་འདོད་པའི་འདོད་ཆགས་ཀྱིས་ཤིན་དུ་ཉེན་པས་སོ། །དེས་སྨྲས་པ། རང་རང་གི་སྲིང་མོ་སྤོངས་ལ་མས་དབྱེན་གྱི་སྲིང་མོ་རྣམས་དང་ལྷན་ཅིག་འདུག་ཤིག་།དྲང་སྲོང་ཆེན་པོ་བདག་ཅག་གིས་དེ་ལྟ་བུ་བགྱིར་རུང་ངམ། ཤེས་ལྡན་དག
130a4 འདི་ལྟར་རྒྱལ་རིགས་རྒྱལ་སྲིད་སྟོར་བ་རྣམས་ཀྱིས་རུང་ངོ་། །དེ་ནས་དེ་རྣམས་དྲང་སྲོང་གི་ཚིག་ནི་ཚད་མ་ཡིན་ནོ་སྙམ་ནས་འདོད་པའི་འདོད་ཆགས་ཀྱིས་ཉེན་པས་དགའ་བ་དང་མགུ་བ་སྐྱེས་ཏེ། མས་དབྱེན་གྱི་སྲིང་མོ་རྣམས་དང་ལྷན་ཅིག་རྩེ
130a5 བར་བྱེད། དགའ་བར་བྱེད། དགའ་དགུར་སྤྱོད་པར་བྱེད་དོ། །དེ་རྣམས་དང་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་དགུར་སྤྱོད་པར་བྱེད་པ་ན་བུ་ཕོ་དང་། བུ་མོ་དག་བཙས་ཏེ་དེ་རྣམས་ཆེན་པོར་གྱུར་པ་དང་། བསམ
130a6 གཏན་གྱི་ཚེར་མ་ནི་སྒྲ་ཡིན་པས་དྲང་སྲོང་སེར་སྐྱ་སེམས་རྩེ་གཅིག་པ་ཉིད་ཏུ་མ་བཏུབ་ནས་ཤེས་ལྡན་དག་མཐོང་ཟིན་གྱིས་ཁོ་བོ་གཞན་དུ་འགྲོའོ། །དྲང་སྲོང་ཆེན་པོ་ཅིའི་ཕྱིར། བསམ་གཏན་གྱི་ཚེར་མ་ནི་སྒྲ་ཡིན་པས
130a7 སེམས་རྩེ་གཅིག་པ་ཉིད་དུ་མ་བཏུབ་པས་སོ། །དྲང་སྲོང་ཆེན་པོ་ཁྱོད་འདི་ཉིད་ན་བཞུགས་ཤིག་།བདག་ཅག་གཞན་དུ་མཆི་ན། འོན་ཀྱང་སའི་ཕྱོགས་ཤིག་བདག་ཅག་ལ་ཕོག་ཤིག་།ཤེས་ལྡན་དག་རུང་ངོ་། །དྲང་སྲོང་བདག་ཉིད
130a8 ཆེན་པོ་དེ་རྣམས་ནི་འདོད་པ་བཞིན་ཡིད་ལ་རེ་བ་འགྲུབ་པ་ཡིན་པས་དེས་གསེར་གྱི་བྱ་མ་བུམ་བླངས་ཏེ། ཆུའི་རྒྱུན་གྱིས་གྲོང་ཁྱེར་གྱི་རྣམ་པ་དག་བྲིས་ནས་དེ་རྣམས་ཀྱིས་གྲོང་ཁྱེར་བརྩིགས་སོ། །དྲང་སྲོང་སེར་སྐྱས་དེ་རྣམས་ཀྱི
iiif viewer powered by OpenSeadragon
