| e-texts navigator |
| Wylie |
129b1 ངོ་། །བློན་པོ་རྣམས་བསྐྱེད་མོས་ཚལ་གྱི་བྱི་དོར་བྱས་ནས་སྒོར་བྱུང་བ་དང་གཞོན་ནུ་རྣམས་ཀྱིས་དྲིས་པ། འདི་སུའི་བསྐྱེད་མོས་ཚལ་དེ་རྣམས་ཀྱིས་སྨྲས་པ། ལྷའི་ལགས་སོ། །དེ་རྣམས་སླར་ལོག་པར་བརྩམས་པ་དང་བློན་པོ་རྣམས་ཀྱིས་སྨྲས་པ།
129b2 གཞོན་ནུ་རྣམས་ནང་དུ་ཞུགས་ཤིག་།ཅིའི་ཕྱིར་སླར་ལྡོག་།དེ་རྣམས་ཀྱིས་སྨྲས་པ། ལྷའི་བསྐྱེད་མོས་ཚལ་ཡིན་ན་འདིར་འཇུག་ཏུ་ག་ལ་རུང་། བློན་པོ་རྣམས་ཀྱིས་སྨྲས་པ། ལྷ་འམ་གཞོན་ནུ་རྣམས་རོལ་པ་འདི་ལ་འགལ་བ་ཅི་མཆིས། དེ་རྣམས
129b3 ནང་དུ་ཞུགས་ཏེ་རྩེ་བར་བརྩམས་སོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་བསྐྱེད་མོས་ཚལ་ལེགས་པར་བྱི་དོར་བགྱིས་ལགས་ཀྱིས་ལྷ་གཟིགས་པའི་དུས་ལ་བབ་ལགས་སོ། །རྒྱལ་པོ་ཆས་པ་དང་བསྐྱེད་མོས་ཚལ་ན་ཀུ་ཅོའི་སྒྲ་ཐོས་སོ། །
129b4 ཐོས་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་བསྐྱེད་མོས་ཚལ་ན་ཀུ་ཅོའི་སྒྲ་གྲག་ན་འདི་ན་སུ་ཞིག་འདུག་།བློན་པོ་རྣམས་ཀྱིས་སྨྲས་པ། ལྷ་གཞོན་ནུ་རྣམས་སོ། །གལ་ཏེ་དེ་ལྟ་ན་ངས་གཞོན་ནུ་རྣམས་སྤངས་སོ། །བློན་པོ་རྣམས་ཀྱིས་རྐང་པ་གཉིས་ལ
129b5 གཏུགས་ཏེ་སྨྲས་པ། ལྷ་བཟོད་པར་མཛད་ཅིང་གཞོན་ནུ་རྣམས་སྤང་བར་གསོལ། །རྒྱལ་པོས་སྨྲས་པ། དེ་བཞིན་དུ་བྱའོ་ཞེས་གཞོན་ནུ་དེ་རྣམས་སྤྱུག་པར་ཆད་པ་དང་རྒྱལ་པོའི་རྐང་པ་གཉིས་ལ་གཏུགས་ནས་སྨྲས་པ། ལྷ་གལ་ཏེ་དེ་ལྟ་ན་བདག་ཅག
129b6 འཁོར་གྱི་སྐྱེ་བོ་དང་ལྷན་ཅིག་མཆི་ན་དེ་ཅི་ནས་ཀྱང་མི་དགག་པ་ད་ལྟར་བཀའ་སྩལ་པའི་རིགས་སོ། །རྒྱལ་པོས་བསྒོ་ནས། དེ་རྣམས་ཆས་པ་ན། དེ་རྣམས་ལ་དགའ་བའི་ཕོ་བྲང་འཁོར་གྱི་མི་སྐྱེ་བོའི་ཚོགས་ཆེན་པོ་དང་དེ་རྣམས་ལྷན་ཅིག་ཆས་ཏེ
129b7 ཞག་བདུན་དུ་གྲོང་ཁྱེར་གྲུ་འཛིན་གྱི་སྒོ་ཕྱེ་ནས་ནི་སྐྱེ་བོའི་ཚོགས་རྒྱུས་སོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་གལ་ཏེ་གྲོང་ཁྱེར་གྱི་སྒོ་མ་བཀུམ་ན་རིང་པོ་མི་ཐོགས་པར་གྲུ་འཛིན་སྟོངས་པར་འགྱུར་རོ། །གལ་ཏེ་དེ་ལྟ་ན་སྒོ་ཆོད་ཅིག་།
129b8 དེ་ནས་གཞོན་ནུ་དེ་རྣམས་རང་གི་སྲིང་མོ་ཁྲིད་ནས་མཐར་ཀྱིས་རི་བོ་གངས་རི་དང་ཉེ་བ་ཆུ་བོ་སྐལ་ལྡན་ཤིང་རྟའི་འགྲམ་ན། དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བ་ཞིག་ཏུ་ཕྱིན་ནས་དེ་རྣམས་ཀྱིས་དེར་ལོ་མའི་སྤྱིལ་བུ་དག
iiif viewer powered by OpenSeadragon
