| e-texts navigator |
| Wylie |
334b1 ལན་གསུམ་བརྗོད་པས་ནི། །ཆོས་ཀྱི་རྔ་རྣམས་བརྡུང་བར་བྱ། །མེ་ཏོག་གིས་ནི་དེ་བཞིན་ཁྲུས། །ཟན་ཟ་ཉི་མ་འཆར་ནུབ་ཚེ། །དུས་གསུམ་ལ་ནི་ལན་གསུམ་སྟེ། །སྐུ་ཁྲུས་ཚེ་ན་ལན་གཉིས་བསྔགས། །གློ་བུར
334b2 གནོད་པ་ཆར་མི་འབབ། །དེ་བཞིན་འཐབ་དང་རྩོད་པ་དང་། །གློག་དང་གནོད་པ་ཆེན་པོ་དང་། །གནས་བརྟན་རྣམས་ནི་སྤྱན་འདྲེན་དང་། །ནད་དང་མུ་གེ་ཞི་བའི་ཕྱིར། །མ་འཚོལ་རིམ་གྱིས་བརྡུང་བར་བྱ། །དགེ་སློང་རྣམས
334b3 དང་དགེ་ཚུལ་གྱིས། །དུས་རྣམས་རྟག་ཏུ་བརྡུང་བ་སྟེ། །གསོ་སྦྱོང་ལ་ནི་གནས་ཚེ་ཡི། །དགེ་བསྙེན་གྱིས་ཀྱང་བརྡུང་བར་བྱ། །མཚན་ཉིད་ཐམས་ཅད་རྫོགས་པ་དང་། །ཀླུ་བདུན་གྱིས་ནི་བརྒྱན་པར་བྱ། །རྒྱལ་པོ་གང་ཚེ
334b4 ཡུལ་འཁོར་དུ། །གཎ་ཌཱི་དེ་ནི་གྲག་གྱུར་པ། །དེར་ནི་དཔལ་དང་གྲགས་པ་དང་། །འདོད་པ་དང་ནི་ལོ་ལེགས་འགྱུར། །ཕ་རོལ་དཔུང་གིས་འཇིགས་མེད་ཅིང་། །འབྲུ་རྣམས་ཀྱང་ནི་ཉམས་མི་འགྱུར། །སངས་རྒྱས
334b5 བྱིན་བརླབས་འབྱོར་པ་ཡིས། །དེར་ནི་བདུད་རྣམས་འདུལ་བར་འགྱུར། །ཆོས་ཀྱི་རྔ་ནི་སྲིད་རྩེར་བཅས། །ཀུན་ནས་རབ་ཏུ་གཡོ་བར་འགྱུར། །དམྱལ་དང་ཡི་དགས་འཇིག་རྟེན་རྣམས། །འཇིག་པར་འགྱུར་བར་ཐེ་ཚོམ
334b6 མེད། །ཐམས་ཅད་སངས་རྒྱས་རྟག་དད་ཅིང་། །ཐམས་ཅད་ཆོས་ལ་གཞོལ་བར་འགྱུར། །དེས་ནི་དགེ་འདུན་འདུལ་བར་ལྡན། །མཁས་པ་རྣམས་ཀྱང་འཕེལ་བར་འགྱུར། །འདོད་ཆགས་ཞེ་སྡང་གཏི་མུག་རྣམས། །
334b7 དེར་ནི་ནུབ་པར་འགྱུར་བ་ཡིན། །རྒྱལ་པོ་ཚེ་རིང་ཆོས་ལྡན་ཞིང་། །བདེ་བ་དག་དང་ལྡན་པར་འགྱུར། །རྒྱལ་པོ་གཙུག་ལག་ཁང་ཀུན་དུ། །ཆོས་ཀྱི་རྔ་ནི་བརྡུངས་པ་ཡིས། །སྒྲ་ནི་གང་གི་རྣ་བ་ཡི། །ལམ་དག་ཏུ
334b8 ནི་གྲག་གྱུར་ཅིང་། །དུས་བཞི་དག་ཏུ་ཐོས་མ་ནི། །དེ་རྣམས་བྱང་ཆུབ་ཐོབ་པར་འགྱུར། །གང་ཞིག་སྙིང་ནས་ཡིད་རང་པ། །དེ་ནི་གྲོལ་འགྱུར་ཐེ་ཚོམ་མེད། །གཎ་ཌཱིའི་མདོ་ནི་ལན་ཅིག་ཐོས། །མི་དེ་སྐྱེ་བ་དྲན
iiif viewer powered by OpenSeadragon
