| e-texts navigator |
| Wylie |
334a1 མི་འབྱུང་བའི། །སངས་རྒྱས་ཡུམ་འདི་བརྡུངས་ན་ནི། །ཡུལ་འཁོར་འཚེ་བ་ངེས་པར་འབྱུང་། །གཙུག་ལག་ཁང་དུ་དགེ་སློང་རྣམས། །དེ་བཞིན་བློ་ནི་མི་མཐུན་དང་། །ཉེ་བར་གདུང་བ་འབྱུང་འགྱུར་ཞིང་། །རྣམ་པ
334a2 དུ་མར་རྩོད་པར་འགྱུར། །མུ་སྟེགས་ཅན་གྱི་དབང་འགྱུར་ཞིང་། །བདུད་ཀྱང་འབྱུང་བར་འགྱུར་བ་ཡིན། །གདུག་པའི་ཀླུ་ནི་དུ་མ་ཡིས། །འབྲུ་རྣམས་ཀྱང་ནི་ཉམས་པར་བྱེད། །རྒྱལ་ཁམས་འདིར་མང་སེམས་ཅན་རྣམས། །
334a3 རྣམ་པར་འཇིག་པ་ཉིད་དུ་འགྱུར། །གཙུག་ལག་ཁང་ཡང་འཇིག་འགྱུར་ཞིང་། །ཆོས་ཀྱང་ནུབ་པར་འགྱུར་བ་ཡིན། །བདུད་ཀྱི་ལྷ་རྣམས་དགེ་སློང་གི། །དགེ་འདུན་ཤིན་དུ་མ་བསྡམས་བྱེད། །དེ་ལྟར་ཡང་དག་ཤེས་ནས་ཀྱང་། །
334a4 ལེགས་པར་ཡོངས་སུ་བརྟགས་ཏེ་བྱ། །ཚད་ནི་ཆུང་ངུ་སོར་བརྒྱད་ཀྱི། །བརྒྱད་ཅུ་རྩ་བཞི་ཉིད་བྱ་ཞིང་། །ཞེང་དུ་སོར་ནི་དྲུག་བྱ་སྟེ། །འཕངས་སུ་ཡང་ནི་གཉིས་བྱའོ། །སོར་མོའི་ཚིགས་ཀྱི་ཚད་དག་གིས། །ཟུར་བཞིར་ཚད
334a5 ནི་གཉིས་པ་ཡིན། །ལེགས་མཉམ་ཉིད་ནི་ཤིན་དུ་གསལ། །རྩེ་གཉིས་སྦལ་པའི་མགོ་བཞིན་ནོ། །དེ་ནས་རྡུང་བར་བྱེད་པ་ཡང་། །ཤིང་དེ་ཉིད་ལས་བཅད་དེ་བྱ། །སོར་བཅུ་གཉིས་ཀྱི་ཚད་དག་ལ། །ཟླུམ་ཞིང་རྩེ
334a6 གཉིས་ནེའུ་ལེའི་མགོ། །ཆང་ཟུངས་ཚད་ཀྱང་དེ་བཞིན་ཏེ། །ཤིན་དུ་འཇམ་དང་རྩིབས་མཉམ་པར། །གང་ཕྱིར་དེ་བརྡུངས་གཞན་དགོངས་པ། །འོག་ཏུའང་དེ་ཡི་ཁྲི་བྱ་བ། །གཙུག་ལག་ཁང་གི་སྒོ་སྟེངས་སམ། །ཡང
334a7 ན་དབུས་མའི་སྟེང་དུ་བྱ། ། དེ་ཡི་རབ་གནས་བྱ་བ་ནི། །ཤིན་དུ་བརྟན་པའི་ཆོས་ཀྱི་སྐུ། །སྐྱེད་པ་མ་ཡིན་འཇིག་བྱེད་མིན། །གདོད་ནས་མ་སྐྱེས་པ་དགེ་བ། །དེ་ལྟར་རབ་གནས་བྱས་ནས་ནི། །དེ་ནི་སྤྱན་དབྱེར་གྱུར་པ་ཡིན། །
334a8 གཎ་ཌཱི་སྤྱན་དབྱེ་བྱས་ནས་ཀྱང་། །དེ་འོག་གཙུག་ལག་ཁང་ཀུན་དུ། །ཀླུ་བདུན་གྱིས་ནི་བརྒྱན་པ་ལྟར། །བསྐྱེད་པའི་རིམ་གྱིས་བརྡུང་བར་བྱ། །དེ་འོག་དཀོན་མཆོག་གསུམ་ལ་ནི། །ཕྱག་བྱས་ནས་ནི་བརྡུང་བྱ་ཞིང་། ། ཤང་རྩ
iiif viewer powered by OpenSeadragon
