| e-texts navigator |
| Wylie |
333b1 སེམས་རབ་ཏུ་འཇིག་པར་བྱེད་པ། འདོད་ཆགས་ཀྱི་སེམས་རྣམ་པར་སྤོང་བར་བྱེད་པ། བྱང་ཆུབ་ཀྱི་སེམས་ཡོངས་སུ་སྐྱོང་བར་བྱེད་པ། སངས་རྒྱས་ཀྱི་སེམས་འཕེལ་བར་བྱེད་པ། སངས་རྒྱས་འབྱུང་བ་བསྟེན་པར་བྱེད་པ།
333b2 འཐབ་པ་དང་། འགྱེད་པ་དང་། འཁྲུག་པ་དང་། རྩོད་པ་དང་། སྡུག་བསྔལ་བ་དང་། རྨི་ལམ་ངན་པ་དང་། ཀུན་འདུལ་བ་ཐམས་ཅད་འཇིག་པ། གློ་བུར་གྱི་ནད་དང་། འཆི་བ་ཞི་བར་བྱེད་པ་དང་། དུས་མ་ཡིན་པར་འཆི་བ་དང་། རིམས
333b3 ལ་སོགས་པ་ཞི་བར་བྱེད་པ། ཕ་རོལ་གྱི་དཔུང་འདུལ་བར་བྱེད་པ། བདུད་རྣམ་པར་འཇིག་པར་བྱེད་པ། གདུང་བ་སེལ་བར་བྱེད་པ། སྐལ་བ་བཟང་པོ་ཡང་དག་པར་འཕེལ་བར་བྱེད་པ། ཚེ་དང་ནད་མེད་པ་སྟེར་བར་བྱེད
333b4 པ། འཆི་བའི་འཇིགས་པ་ཞི་བར་བྱེད་པ། ཐར་པ་དང་དཔལ་འཕེལ་བར་བྱེད་པ། གང་གིས་ཐོས་ནས་རྗེས་སུ་ཡི་རང་བ་དེ་ལ་ཡིད་བཞིན་གྱི་ནོར་བུ་ལྟར་འབྲས་བུ་རབ་ཏུ་སྟེར་བ། ཡུམ་ཤེས་རབ་ཀྱི་ཕ་རོལ་དུ་ཕྱིན་པ
333b5 གཎ་ཌཱིའི་གཟུགས་ཀྱིས་བཞུགས་སོ་ཞེས་ཐོས་པ་དང་། གསལ་རྒྱལ་སེམས་དང་བ་སྐྱེས་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདིའི་ཚད་ནི་ཇི་ཙམ་ལགས། མདོག་ནི་ཅི
333b6 འདྲ་བ་ལགས། བྱེ་བྲག་ནི་དུ་ཞིག་ལགས། བརྡུང་བ་ནི་ཅི་ལྟ་བ་ལགས། གང་གིས་བརྡུང་བར་བགྱི། གང་གི་ཚེ་གང་གི་དུས་ན་ཇི་སྲིད་དུ་བརྡུང་བར་བགྱི། ཇི་ལྟར་གཞག་པར་བགྱི། དེ་སྐད་ཅེས་གསོལ་པ་དང་། བཅོམ
333b7 ལྡན་འདས་ཀྱིས་བཀའ་སྩལ་པ། འབྱོར་པར་འདོད་པས་ཤིང་རྣམས་ནི། །རབ་ཏུ་འབད་དེ་བརྟག་པར་བྱ། །ཙན་དན་བིལ་བ་པ་ལ་ཤ་། ཤྭད་ཐ་དང་ཙན་དན་དམར། །རྒྱ་སྟར་ཏ་ལ་ཀིང་ཤུ་ཀ་།ཤིང་ཤ་པ་དང་ཏ་མ་ལ། ། མྲ
333b8 སྟར་བུ་སྐྱུ་རུ་ར། །ཏིང་ཏི་ས་ར་ཨ་ཤོ་ཀ་།འདི་དག་ཐམས་ཅད་མེད་ན་ཡིད། །འོ་སེ་ལས་ནི་འབད་དེ་བྱ། །རྒྱལ་པོ་འབད་པས་ཐམས་ཅད་དུ། །འདི་དག་མེད་ན་མི་བྱའོ། །ཚད་མེད་ཤིང་ངན་ལས་བྱས་དང་། །བརྡུངས་དང་སྒྲ་ནི
iiif viewer powered by OpenSeadragon
