| e-texts navigator |
| Wylie |
333a1 པར་བྱེད་པ། དམ་པའི་ཆོས་སྤོང་བར་བྱེད་པ། སངས་རྒྱས་དང་། ཆོས་དང་། འདོད་ཆགས་དང་བྲལ་བ་རྣམས་སུན་འབྱིན་པ་དེ་རྣམས་གཞིག་པའི་ཐབས་གང་གིས་བྱང་ཆུབ་ལ་མཆོག་ཏུ་གཞོལ་བར་འགྱུར་བའི་ཐབས
333a2 བསྟན་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཁྱོད་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བའི་ཕྱིར་དང་། སངས་རྒྱས་དང་། དགེ་འདུན་ཡང་དག་པར་བསྲུང་བའི་ཕྱིར
333a3 འདྲི་བར་བྱེད་པ་ལེགས་སོ་ལེགས་སོ། །དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་ངས་བཤད་པར་བྱའོ། །དེ་ནས་བཅོམ་ལྡན་འདས་དེའི་ཚེ་ཀུན་དུ་སྒྲ་སྒྲོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །
333a4 བཅོམ་ལྡན་འདས་ཏིང་ངེ་འཛིན་གང་ལ་སྙོམས་པར་ཞུགས་པ་དེའི་ཚེ་དམྱལ་བ་ཐམས་ཅད་རྒྱུན་ཆད་པ་དང་། སྡང་བའི་སེམས་དང་ལྡན་པ་ཐམས་ཅད་ཀྱང་སྡང་བའི་སེམས་དང་བྲལ་ཞིང་བྱང་ཆུབ་ཀྱི་སེམས་ལ་རབ་ཏུ་གཞོལ་བར་གྱུར
333a5 པ་དང་། བཅོམ་ལྡན་འདས་ཀྱིས་བཀའ་སྩལ་པ། གསལ་རྒྱལ་ཁྱོད་ཀྱིས་མཐོང་ངམ། ཀུན་དུ་ཐོས་སམ། ཤེས་སམ། རྟོགས་སམ། བཅོམ་ལྡན་འདས་མཐོང་ལགས་སོ། །བདེ་བར་གཤེགས་པ་མཐོང་ལགས་སོ། །ཁུམས
333a6 ཤིང་ཀུན་དུ་ཁུམས་ལ་འཚལ་ཞིང་རྟོགས་སོ། །བཅོམ་ལྡན་འདས་ཀྱིས་བཀའ་སྩལ་པ། གསལ་རྒྱལ་འདི་ནི་སེམས་ཅན་ཐམས་ཅད་ཀྱི་མ་སངས་རྒྱས་དང་། བྱང་ཆུབ་སེམས་དཔའ་སྐྱེད་པ། ཉན་ཐོས་དང་། རང་སངས་རྒྱས
333a7 དང་། ཡང་དག་པར་རྫོགས་པའི་སངས་རྒྱས་ཐམས་ཅད་ཀྱིས་ཕྱག་བྱས་པ། མཆོད་པ། བསམས་པ། བསྒོམས་པ། ཤེས་རབ་ཀྱི་ཕ་རོལ་དུ་ཕྱིན་པ་སྒྲའི་གཟུགས་ཀྱིས་སེམས་ཅན་ཐམས་ཅད་ཡོངས་སུ་སྐྱོང་བར
333a8 བྱེད་པ། མུ་སྟེགས་པ་ཐམས་ཅད་རྣམ་པར་འཇིག་པར་བྱེད་པ། སྡང་བའི་སེམས་འདུལ་བར་བྱེད་པ། སྡིག་པའི་སེམས་འཇོམས་པར་བྱེད་པ། ཞེ་སྡང་བའི་སེམས་རྣམ་པར་སེལ་བར་བྱེད་པ། གཏི་མུག་གི
iiif viewer powered by OpenSeadragon
