| e-texts navigator |
| Wylie |
302b1 བདེ་བ་ལས་ཀྱང་ཡང་དག་པར་འདས། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པའི་ཚོར་བ་ལས་ཀྱང་ཡང་དག་པར་འདས་ནས། འདི་སྐད་ཅེས་ང་ནི་ཞི་བའོ། །ང་ནི་མྱ་ངན་ལས་འདས་པའོ། །ང་ནི་སྲེད་པ་མེད
302b2 པའོ། །ང་ནི་ཉེ་བར་ལེན་པ་མེད་པ་སྟེ། ང་ལ་སྔོན་བདག་ཡོད་པར་གྱུར་པ་དེ་ནི་ད་ལྟར་ང་ལ་མེད་དོ་ཞེས་ཟེར་ཏེ། དེ་བཞིན་གཤེགས་པས་དགེ་སྦྱོང་ངམ་བྲམ་ཟེ་གང་སྔོན་གྱི་མཐའ་དང་ལྡན་པའི་ལྟ་བའི་རྣམ་པ་དག
302b3 རབ་ཏུ་སྤངས་ཤིང་ཕྱི་མའི་མཐའ་དང་ལྡན་པའི་ལྟ་བའི་རྣམ་པ་དག་ཀྱང་རབ་ཏུ་སྤངས་ནས་ཚེ་འདི་ཉིད་ལ་འདོད་པའི་ཀུན་དུ་སྦྱོར་བ་རབ་ཏུ་སྤངས་ཏེ། རབ་ཏུ་དབེན་པའི་དགའ་བ་ལས་ཡང་དག་པར་འདས་ཤིང་ཟང་ཟིང
302b4 མེད་པའི་བདེ་བ་ལས་ཀྱང་ཡང་དག་པར་འདས། སྡུག་བསྔལ་ཡང་མ་ཡིན། བདེ་བ་ཡང་མ་ཡིན་པའི་ཚོར་བ་ལས་ཀྱང་ཡང་དག་པར་འདས་ནས་འདི་སྐད་ཅེས། ང་ནི་ཞི་བའོ། །ང་ནི་མྱ་ངན་ལས་འདས་པའོ། །ང་ནི་སྲེད
302b5 པ་མེད་པའོ། །ང་ནི་ཉེ་བར་ལེན་པ་མེད་པ་སྟེ། ང་ལ་སྔོན་བདག་ཡོད་པར་གྱུར་པ་དེ་ནི་ད་ལྟར་ང་ལ་མེད་དོ་ཞེས་ཟེར་བ་དེ་ཡང་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ནི་འདི་ལྟར་རིག་པར་བྱ་སྟེ། ཚེ་དང་ལྡན
302b6 པ་དེ་ནི་ཉེ་བར་ལེན་པ་དང་འཐུན་པར་འགྲོ་བའི་ལམ་གང་ཡིན་པ་ལས་ཡང་དག་པར་མ་འདས་པར་རིག་པར་བྱའོ། །དེས་ནི་འདི་ལྟར་འདོད་པར་བྱ་སྟེ། ཡང་སྔོན་གྱི་མཐའ་དང་ལྡན་པའི་ལྟ་བའི་རྣམ་པ་གང་ཡིན་པ་དག
302b7 ཉེ་བར་ལེན་པར་འགྱུར་བ་དང་། ཕྱི་མའི་མཐའ་དང་ལྡན་པའི་ལྟ་བའི་རྣམ་པ་དག་ཀྱང་ཉེ་བར་ལེན་པར་འགྱུར་བ་དང་། ཚེ་འདི་ཉིད་ལ་འདོད་པའི་ཀུན་དུ་སྦྱོར་བ་ཡང་ཉེ་བར་ལེན་པར་འགྱུར་བ་དང་། རབ་ཏུ་དབེན་པའི་དགའ
302b8 བ་ཡང་ཉེ་བར་ལེན་པར་འགྱུར་བ་དང་། ཟང་ཟིང་མེད་པའི་བདེ་བ་ཡང་ཉེ་བར་ལེན་པར་འགྱུར་བ་དང་། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ཡང་ཉེ་བར་ལེན་པར་འགྱུར་བར་འདོད་པར་བྱའོ། །ཡང་དེ་འདི་སྐད་ཅེས
iiif viewer powered by OpenSeadragon
