| e-texts navigator |
| Wylie |
296b1 ཡང་ཡོད་པས་ན། དེ་བཞིན་གཤེགས་པས་དེ་ཡོད་པར་ཐུགས་སུ་ཆུད་ནས་དེ་ལས་ཕྱིར་ལོག་ཅིང་དེ་ལ་ཞི་བར་གཟིགས། ངེས་པར་འབྱུང་བར་གཟིགས་ཤིང་བཞུགས་སོ། །དགེ་སློང་དག་དེ་ལ་དགེ་སྦྱོང་དང
296b2 བ་རམ་ཟེ་གང་དག་ཆད་པར་སྨྲ་བ་དེ་དག་ཁ་ཅིག་དེ་ཕན་ཆད་བདག་ཆད་པར་འགྱུར་རོ་ཞེས་མངོན་པར་རྗོད་པ་མངོན་པར་རྗོད་པར་བྱེད་པ་དེ་དག་ནི་དགེ་སྦྱོང་དང་བྲམ་ཟེ་གང་དག་འདུ་ཤེས་ཅན་དུ་སྨྲ་བ་དེ་དག་ཁ་ཅིག་དེ་ཕན
296b3 ཆད་བདག་འདུ་ཤེས་ཅན་དུ་འགྱུར་རོ་ཞེས་མངོན་པར་རྗོད་པ་མངོན་པར་རྗོད་པར་བྱེད་པ་དེ་དག་གིས་སྨྲས་པ་ལ་ཕྱིར་རྒོལ་བར་བྱེད། སྨོད་པར་བྱེད་ཅིང་། དགེ་སྦྱོང་དང་བྲམ་ཟེ་གང་དག་འདུ་ཤེས་མེད་པར་སྨྲ་བ་དེ་དག་ཁ
296b4 ཅིག་དེ་ཕན་ཆད་བདག་འདུ་ཤེས་མེད་པར་འགྱུར་རོ་ཞེས་མངོན་པར་རྗོད་པ་མངོན་པར་རྗོད་པར་བྱེད་པ་དེ་དག་གིས་སྨྲས་པ་ལ་ཡང་ཕྱིར་རྒོལ་བར་བྱེད། སྨོད་པར་བྱེད་ལ། དགེ་སྦྱོང་དང་བྲམ་ཟེ་གང་དག་འདུ་ཤེས་ཡོད་པ་ཡང་མ
296b5 ཡིན། འདུ་ཤེས་མེད་པ་ཡང་མ་ཡིན་པར་སྨྲ་བ་དེ་དག་ཁ་ཅིག་དེ་ཕན་ཆད་བདག་འདུ་ཤེས་ཡོད་པ་ཡང་མ་ཡིན། འདུ་ཤེས་མེད་པ་ཡང་མ་ཡིན་པར་འགྱུར་རོ་ཞེས་མངོན་པར་རྗོད་པ་མངོན་པར་རྗོད་པར་བྱེད་པ་དེ་དག་གིས་སྨྲས
296b6 པ་ལ་ཡང་ཕྱིར་རྒོལ་བར་བྱེད། དམོད་པར་བྱེད་ཅིང་། དེ་དག་འདི་སྙམ་དུ་སེམས་ཏེ། དགེ་སྦྱོང་དང་བྲམ་ཟེ་ཤེས་པ་དང་ལྡན་པ། ཕྱིས་འཁོར་ཞིང་ལེགས་སུ་སྨོན་པར་སྨྲ་བ་འདི་དག་ཐམས་ཅད་ནི་འདི་ལྟར་བདག་ཅག་ཕྱི
296b7 མ་ལ་འདི་ལྟ་བུ་དང་འདི་ལྟ་བུར་འགྱུར་བར་བྱའོ། །འདི་ལྟར་བདག་ཅག་ཕྱི་མ་ལ་འདི་ལྟ་བུ་དང་། འདི་ལྟ་བུར་འགྱུར་བར་བྱའོ་ཞེས་ལེགས་སུ་སྨོན་པ་ཁོ་ན་མངོན་པར་རྗོད་པར་བྱེད་དེ་འདི་ལྟ་སྟེ། དཔེར་ན་སྐྱེས་བུ་ཚོང་པ་ཞིག
296b8 ཚོང་ཟོང་གིས་ཚོང་བྱེད་པ་ན་འདི་སྙམ་དུ་སེམས་ཏེ། བདག་གིས་ཚོང་ཟོང་འདི་ལས་འདི་ལྟ་བུ་དང་འདི་ལྟ་བུ་དག་བླངས་ཤིང་གཞན་དུ་འགྲོ་བར་བྱ་སྟེ། དེར་སོན་ན་བདག་ལ་ཁེ་སྤོགས་འདི་ལྟ་བུ་དང་འདི་ལྟ་བུ་དག
iiif viewer powered by OpenSeadragon
