| e-texts navigator |
| Wylie |
294a1 @#། །རྒྱ་གར་སྐད་དུ། པཉྩ་ཏྲི་ཡན་ནཱ་མ་མ་ཧཱ་སཱུ་ཏྲམ། བོད་སྐད་དུ། མདོ་ཆེན་པོ་ལྔ་གསུམ་པ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
294a2 མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སྦྱོང་དང་བྲམ་ཟེ་གང་དག་མོས་པའི
294a3 གཞི་རྣམ་པ་དུ་མ་དག་མངོན་པར་རྗོད་པར་བྱེད་པ་དེ་དག་ཐམས་ཅད་ནི་གནས་ལྔ་མངོན་པར་རྗོད་པར་བྱེད་དེ། ལྔ་གང་ཞེ་ན། ཁ་ཅིག་ནི་དེ་ཕན་ཆད་བདག་འདུ་ཤེས་ཅན་དུ་འགྱུར་རོ་ཞེས་བྱ་བ་དང་། ཡང་ཁ་ཅིག་ནི་འདུ
294a4 ཤེས་མེད་པ་དང་། འདུ་ཤེས་ཡོད་པ་ཡང་མ་ཡིན། འདུ་ཤེས་མེད་པ་ཡང་མ་ཡིན་པ་དང་། ཆད་པའོ་ཞེས་བྱ་བ་དང་། ཡང་ཁ་ཅིག་ནི་ཚེ་འདི་ཉིད་ལ་མྱ་ངན་ལས་འདའོ་ཞེས་མངོན་པར་རྗོད་པ་མངོན་པར་རྗོད་པར་བྱེད་དོ།
294a5 དགེ་སྦྱོང་དང་བྲམ་ཟེ་ཤེས་པ་དང་ལྡན་པ་འདུ་ཤེས་ཅན་དུ་སྨྲ་བ་དེ་དག་ཁ་ཅིག་ནི་བདག་ཡོད་པར་སྲིད་དེ། དེ་ཕན་ཆད་འདུ་ཤེས་ཅན་དུ་འགྱུར་རོ་ཞེས་བྱ་བ་དང་། ཡང་ཁ་ཅིག་ནི་ཆད་པའོ་ཞེས་བྱ་བ་དང་། ཡང་ཁ་ཅིག་ནི་ཚེ
294a6 འདི་ཉིད་ལ་མྱ་ངན་ལས་འདའོ་ཞེས་མངོན་པར་རྗོད་པ་མངོན་པར་རྗོད་པར་བྱེད་དེ། ལྔ་པོ་དེ་དག་ཡོད་ན་གསུམ་དུ་འགྱུར་ལ། གསུམ་ཡོད་ན་ལྔར་འགྱུར་ཏེ། དེ་ནི་ལྔ་གསུམ་པའི་ཆོས་ཀྱི་རྣམ་གྲངས་མདོར་བསྟན་པ་ཡིན
294a7 ནོ། །དགེ་སློང་དག་དེ་ལ་དགེ་སྦྱོང་དང་བྲམ་ཟེ་གང་དག་འདུ་ཤེས་ཅན་དུ་སྨྲ་བ་དེ་དག་ཁ་ཅིག་ནི་དེ་ཕན་ཆད་བདག་ཏུ་འདུ་ཤེས་ཅན་དུ་འགྱུར་རོ་ཞེས་མངོན་པར་རྗོད་པ་མངོན་པར་རྗོད་པར་བྱེད་པའི་དགེ་སྦྱོང་དང་བྲམ་ཟེ་ཤེས་པ
294a8 དང་ལྡན་པ་འདུ་ཤེས་ཅན་དུ་སྨྲ་བ་དེ་དག་ཁ་ཅིག་ནི་བདག་ཡོད་པར་སྲིད་དེ། དེ་ཕན་ཆད་གཟུགས་ཅན་འདུ་ཤེས་ཅན་དུ་འགྱུར་རོ་ཞེས་བྱ་བ་དང་། གཟུགས་ཅན་མ་ཡིན་པ་དང་། འདུ་ཤེས་གཅིག་པ་དང་། འདུ་ཤེས་ཐ་དད་པ
iiif viewer powered by OpenSeadragon
