| e-texts navigator |
| Wylie |
280b1 ལུས་ཀྱི་ཐམས་ཅད་ཡང་དག་པར་མྱོང་ཞིང་དྲན་པ་དང་ཤེས་བཞིན་གྱིས་ལན་མང་དུ་གནས་སོ། །ང་གནས་པ་འདིས་གནས་པ་ན་དགའ་བ་དང་། ཤིན་དུ་སྦྱངས་པ་དང་། བདེ་བ་དང་། ཏིང་ངེ་འཛིན་སྐྱེས་ཏེ། ང་ཏིང་ངེ་འཛིན་དེས
280b2 ལུས་ཀྱི་ཐམས་ཅད་ཡང་དག་པར་མྱོང་ཞིང་དྲན་པ་དང་ཤེས་བཞིན་གྱིས་ལན་མང་དུ་གནས་སོ། །ང་གནས་པ་འདིས་གནས་པ་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ཉེ་བར་ལྷགས་པར་གྱུར
280b3 ནས། ང་དེ་ལ་གཞོལ་བ་དང་། དེ་ལ་འབབ་པ་དང་། དེ་ལ་བབ་པའི་སེམས་ཀྱིས་དེ་དག་ལ་འདི་ལྟ་སྟེ། བརྩོན་འགྲུས་སུ་རུང་བར་བྱ་བའི་ཕྱིར་ཕན་ཚུན་ཀུན་དགའ་བར་གཏམ་འདྲེ་བར་སྨྲ། ཕེབས་པར་སྨྲ་ཞིང་ཆོས་ཀྱི་གཏམ་ཡང་ཟེར་རོ། །
280b4 ཀུན་དགའ་བོ་དེ་ལྟ་བས་ན་དགེ་སློང་ཡང་ཀྱེ་མ་བདག་ཕྱི་སྟོང་པ་ཉིད་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་བྱའོ་ཞེས་འདོད་པར་གྱུར་ན། ཀུན་དགའ་བོ་དགེ་སློང་དེས་སེམས་ནང་ཁོ་ནར་བཞག་པར་བྱ། ཡང
280b5 དག་པར་བཞག་པར་བྱ། བསྡུས་ཏེ་བཞག་པར་བྱ། ཉེ་བར་བཞག་པར་བྱ། དུལ་བར་བྱ། ཞི་བར་བྱ། ཉེ་བར་ཞི་བར་བྱ། རྒྱུད་གཅིག་ཏུ་བྱ་ཞིང་ཏིང་ངེ་འཛིན་དུ་བྱའོ། །ཀུན་དགའ་བོ་དགེ་སློང་གང་འདི་སྐད་ཅེས། བདག་གིས
280b6 སེམས་ནང་ཁོ་ནར་མ་བཞག་། ཡང་དག་པར་མ་བཞག་།བསྡུས་ཏེ་མ་བཞག་།ཉེ་བར་མ་བཞག་།དུལ་བར་མ་བྱས། ཞི་བར་མ་བྱས། ཉེ་བར་མ་བྱས། ཉེ་བར་ཞི་བར་མ་བྱས། རྒྱུད་གཅིག་ཏུ་མ་བྱས་ཤིང་། ཏིང་ངེ་འཛིན
280b7 དུ་མ་བྱས་པར་ཕྱི་སྟོང་པ་ཉིད་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་བྱའོ་ཞེ་ཟེར་ན། ཀུན་དགའ་བོ་དེ་ནི་རྣམ་པར་འཁྲུལ་པ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ་དེ་ནི་གནས
280b8 མ་ཡིན་ཞིང་སྐབས་མ་ཡིན་ཏེ། གང་སེམས་ནང་ཁོ་ནར་མ་བཞག་།ཡང་དག་པར་མ་བཞག་།བསྡུས་ཏེ་མ་བཞག་།ཉེ་བར་མ་བཞག་།དུལ་བར་མ་བྱས། ཞི་བར་མ་བྱས། ཉེ་བར་ཞི་བར་མ་བྱས། རྒྱུད་གཅིག་ཏུ
iiif viewer powered by OpenSeadragon
