| e-texts navigator |
| Wylie |
280a1 གཏམ་ལ་ཀུན་དུ་དགའ་བ་དང་། བྲེ་མོ་གཏམ་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་དང་། ཚོགས་ལ་དགའ་བ་དང་། ཚོགས་ལ་ཀུན་དུ་དགའ་བ་དང་། ཚོགས་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ
280a2 སྦྱོར་བ་ལ་གནས་ཤིང་། ཚོགས་ལས་གཅིག་པུ་ལོགས་ཤིག་ན་མི་གནས་པ་དེས་ནི་རེ་ཤིག་དུས་དང་སྦྱོར་ཞིང་སྲུང་བའི་སེམས་རྣམ་པར་གྲོལ་བ་འམ། དུས་དང་མི་སྦྱོར་ཞིང་མི་ཉམས་པ་ལུས་ཀྱིས་མངོན་སུམ་དུ
280a3 བྱས་ནས་བསྒྲུབས་ཏེ་གནས་པར་འགྱུར་བ་དེ་ནི་གནས་མེད་དོ། །ཀུན་དགའ་བོ་དགེ་སློང་བྲེ་མོ་གཏམ་ལ་མི་དགའ་བ་དང་། བྲེ་མོ་གཏམ་ལ་ཀུན་དུ་མི་དགའ་བ་དང་། བྲེ་མོ་གཏམ་ལ་ཀུན་དུ་དགའ་བ་ཉིད་ལ་བརྩོན་པའི
280a4 རྗེས་སུ་མི་སྦྱོར་བ་དང་། ཚོགས་ལ་མི་དགའ་བ་དང་། ཚོགས་ལ་ཀུན་དུ་མི་དགའ་བ་དང་། ཚོགས་ལ་ཀུན་དུ་དགའ་བ་ཉིད་ལ་བརྩོན་པའི་རྗེས་སུ་མི་སྦྱོར་བ་ལ་གནས་ཤིང་། ཚོགས་ལས་གཅིག་པུ་ལོགས་ཤིག་ན་གནས
280a5 པ་དེས་ནི་རེ་ཤིག་དུས་དང་སྦྱོར་ཞིང་སེམས་རྣམ་པར་གྲོལ་བ་འམ། དུས་དང་མི་སྦྱོར་ཞིང་མི་ཉམས་པ་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་འགྱུར་བ་དེ་ནི་གནས་ཡོད་དོ། །ཀུན་དགའ་བོ་ངས
280a6 གང་ལ་ཀུན་དུ་དགའ་བ་དང་། མངོན་པར་དགའ་བའི་གཟུགས་དེའི་རྣམ་པར་འགྱུར་བ་དང་གཞན་དུ་འགྱུར་བ་ལས་མྱ་ངན་དང་། སྨྲི་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་དག
280a7 འབྱུང་བར་མི་འགྱུར་བའི་གཟུགས་ནི་གཅིག་ཀྱང་ཡང་དག་པར་རྗེས་སུ་མ་མཐོང་ངོ་། །ཀུན་དགའ་བོ་དེ་ལྟ་བས་ན་ངའི་གནས་པ་ནི་འདི་ལྟ་སྟེ། རྣམ་པ་ཐམས་ཅད་དུ་གཟུགས་ཀྱི་འདུ་ཤེས་ལས་ཡང་དག་པར
280a8 འདས་ནས་ཕྱི་སྟོང་པ་ཉིད་སྐུས་མངོན་སུམ་དུ་མཛད་ནས་བསྒྲུབས་ཏེ་བཞུགས་པ་འདི་ཡང་རྗེས་སུ་རྟོགས་ཤིང་རབ་ཏུ་རྟོགས་སོ། །ང་གནས་པ་འདིས་གནས་པ་ན་མཆོག་ཏུ་དགའ་བ་སྐྱེས་ཏེ། ང་མཆོག་ཏུ་དགའ་བ་དེས
iiif viewer powered by OpenSeadragon
