| e-texts navigator |
| Wylie |
54a1 བསམ་པར་བྱའོ། །ལྡང་བ་ན་ཡང་བསམ་པར་བྱའོ། །འཇིག་རྟེན་གྱི་བྱ་བ་གང་ཅི་མང་རུང་བ་དག་རྩོམ་པ་དག་ན་ཡང་ཐམས་ཅད་ལ་མཚན་འདི་དག་བསམ་ནས་དེའི་འོག་ཏུ་བརྩམས་ན་དེར་ཡང་ཁྱེད་ལ་འཕེལ
54a2 བ་ཉིད་དུ་འགྱུར་གྱི་འགྲིབ་པར་ནི་མ་ཡིན་པར་ཤེས་པར་བྱ་སྟེ། འདིས་ཁྱོད་གནས་པར་གྱིས་ཤིག་།དེ་ནས་ལིད་ཙ་བིའི་བུ་རྩལ་རབ་ཀྱིས་བསྟན་པ་འདི་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ནས་དགའ་བ་དང་ཡིད
54a3 བདེ་བ་སྐྱེས་ཏེ། དེ་བཞིན་གཤེགས་པ་རྣམས་ཀྱི་མཚན་འདི་དག་ཡོངས་སུ་རྗོད་ཅིང་རིན་པོ་ཆེ་སྣ་བདུན་གྱི་མེ་ཏོག་བརྒྱད་སྟོང་གིས་བཅོམ་ལྡན་འདས་ལ་མངོན་པར་གཏོར་ཏེ་བསྐོར་བ་བྱས་ནས། དེ་བཞིན་གཤེགས་པའི
54a4 མཚན་ཡོངས་སུ་བརྗོད་པ་བཀྲ་ཤིས་བརྒྱད་པའི་ཆོས་ཀྱི་རྣམ་གྲངས་འདི་བཟུང་སྟེ་བཅོམ་ལྡན་འདས་ཀྱི་ཐད་ནས་སོང་ངོ་། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འཁོར་དེ་ཉིད་དུ་འདུས་པར་གྱུར་ནས་འདུག་པ་དེས་བཅོམ་ལྡན་འདས་ལ་ཕྱག
54a5 འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་དེ་བཞིན་གཤེགས་པའི་མཚན་ཡོངས་སུ་བརྗོད་པ་བཀྲ་ཤིས་བརྒྱད་པའི་ཆོས་ཀྱི་རྣམ་གྲངས་འདི་ཉམས་སུ་བླངས་ལགས་སོ། །བཅོམ
54a6 ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་དེའི་ཕྱིར་ཁྱོད་ཀྱིས་ལྷ་དང་། ལྷ་མ་ཡིན་གཡུལ་འགྱེད་པ་ན་ཆོས་ཀྱི་རྣམ་གྲངས་འདི་ཡོངས་སུ་བརྗོད་པར་བྱའོ། །ཡོངས་སུ་བརྗོད་པ་ན་ལྷའི་དབང་པོ་ཁྱོད་རྒྱལ་བར་འགྱུར་རོ། །དེ་ཅིའི་ཕྱིར
54a7 ཞེ་ན། དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་བདེ་ཞིང་འཇིགས་པ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ། །མཚན་ཡོངས་སུ་བརྗོད་པ་གང་ཡིན་པ་འདི་ནི་ཀུན་ནས་ལྡང་བ་མེད་པར་ཡོངས་སུ་བརྗོད
54a8 པ་ཡིན་པའི་ཕྱིར་རོ། །དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་ཡང་དག་པའི་མཚན་ཡོངས་སུ་བརྗོད་པ་ཡིན་པའི་ཕྱིར་རོ། །དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི
iiif viewer powered by OpenSeadragon
