| e-texts navigator |
| Wylie |
52a1 རྒྱས་མཉེས་པར་བྱེད། །དེ་ཡི་སེམས་ནི་དང་བར་འགྱུར། །རྟག་ཏུ་འཇིག་རྟེན་མགོན་མཐོང་ནས། །མཆོད་པ་དམ་པ་བྱེད་པར་འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །དེ་ནི་འདུ་བའི་སྒོ་རྙེད་ཅིང་། །
52a2 དེ་ནི་རྟག་ཏུ་བཀུར་བར་འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །ལྷ་རྣམས་ཀྱིས་ནི་རྟག་ཏུ་མཆོད། །མྱུར་དུ་བྱང་ཆུབ་འཚང་རྒྱར་འགྱུར། །མཚན་རྣམས་འདི་དག་འཛིན་བྱེད་པ། །དེ་ནི་ཤེས་རབ
52a3 འཆལ་པ་འམ། །བླུན་པ་འམ་འོན་པར་ཡོང་མི་འགྱུར། །ཀུན་དུ་སངས་རྒྱས་མཐོང་བར་འགྱུར། །སངས་རྒྱས་རྣམས་ཀྱི་མཚན་འཛིན་པ། །དེ་ལ་ལྷ་ཀླུ་གནོད་སྦྱིན་དང་། །གསང་བ་ལྷ་དང་ལྷ་མིན་རྣམས། །ཉིན་དང་མཚན་དུ་སྲུང་བར་བྱེད། །མཚན
52a4 རྣམས་འདི་དག་འཛིན་བྱེད་པ། །དེ་ནི་གཟུགས་མཚན་ཕུན་སུམ་ཚོགས། །འབྱོར་པའི་རིགས་སུ་སྐྱེ་འགྱུར་ཞིང་། །དེ་ནི་སྦྱིན་པའི་བདག་པོར་འགྱུར། །ཐུབ་པ་རྣམས་ཀྱི་མཚན་འཛིན་པས། །བསྐལ་པ་བྱེ་བ་བརྒྱ་མང་དུ། །དེ་ཡི་ཁ་ནས་དྲི
52a5 འབྱུང་བ། །དྲི་བསུང་ཞིམ་པོ་འབྱུང་བར་འགྱུར། །ཐུབ་པ་རྣམས་ཀྱི་མཚན་འཛིན་པ། །རྫུ་འཕྲུལ་ཆེ་ཞིང་ཡིད་གཞུངས་ལ། །འདབ་མ་བྱེ་བ་སྟོང་ལྡན་པའི། །རིན་ཆེན་པད་མ་སྐྱེ་བར་འགྱུར། །མཚན་རྣམས་འདི་དག་འཛིན་བྱེད་པ། །
52a6 ཕ་དང་མ་དང་རྩ་ལག་དང་། །སྤུན་རྣམས་ཀྱི་ནི་ཡིད་འོང་ཞིང་། །ནམ་ཡང་ཕོངས་པ་མཐོང་མི་འགྱུར། །བུད་མེད་ཀྱིས་ཀྱང་བློ་ལྡན་པ། །དེ་དག་རྣམས་ཀྱི་མཚན་ཐོས་ན། །བུད་མེད་ལུས་ལ་ཡིད་བྱུང་ནས། །མཁས་ཤིང
52a7 སྐྱེས་པར་སྐྱེ་བར་འགྱུར། །ལུས་ཅན་ཀུན་ལ་ཕན་པའི་ཕྱིར། །མྱུར་དུ་བྱང་ཆུབ་འཚང་རྒྱ་སྟེ། །ལྷ་དང་བཅས་པའི་འཇིག་རྟེན་གྱི། །རྟེན་དང་སྐྱབས་སུ་འབྱུང་བར་འགྱུར། །དེ་ལ་མཚོན་གྱིས་མི་ཚུགས་ཏེ། །དུག་གིས
52a8 མི་ཚུགས་མེས་མ་ཡིན། །གཡོན་ཅན་དག་དང་ཆོམ་རྐུན་དང་། །རྒྱལ་པོ་འང་དེ་ལ་གནོད་མི་འགྱུར། །ཐུབ་པ་རྣམས་ཀྱི་མཚན་འཛིན་པ། །དེ་ལ་སྡིག་དང་ལྡན་པའི་བདུད། །ནག་པོའི་རྩ་ལག་བཞོན་བཅས་པས། །
iiif viewer powered by OpenSeadragon
