| e-texts navigator |
| Wylie |
48b1 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ཡིན་ཏེ། དེའི་ཚེ་དེའི་དུས་ན་ཆོས་སྨྲ་བ་སྤོབས་པ་བརྩེགས་པ་ཞེས་བྱ་བར་གྱུར་ཏོ། །གང་དག་ཁྱིམ་པ་ཤིང་སཱ་ལ་ཆེན་པོ་ལྟ་བུའི་གཞོན
48b2 ནུར་གྱུར་པ་བཅུ་པོ་དེ་དག་ནི་རིགས་ཀྱི་བུ་འདི་དག་ཡིན་ཏེ། དེའི་ཚེ་དེའི་དུས་ན་གང་དག་གིས་ཆོས་སྨྲ་བ་སྤོབས་པ་བརྩེགས་པ་དེ་ལ་འཆལ་པའི་ཚུལ་ཁྲིམས་ཀྱིས་གླེངས་པ་སྟེ། ཁྱིམ་བདག་ཤིང་སཱ་ལ་ཆེན་པོ་ལྟ་བུའི
48b3 གཞོན་ནུ་བཅུ་པོར་གྱུར་ཏོ། །རིགས་ཀྱི་བུ་དེ་བས་ན་བྱང་ཆུབ་སེམས་དཔའ་ཇི་ལྟར་གནས་པས་གནས་ཀྱང་རུང་སྟེ། བྱང་ཆུབ་སེམས་དཔས་སྲོག་གི་ཕྱིར་ཡང་འཁྲུལ་པ་ལ་ལྟ་བར་མི་བྱའོ། །དེ་ཅིའི་ཕྱིར་ཞེ་ན། རིགས་ཀྱི
48b4 བུ་ཆོས་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཡོངས་སུ་སྦྱོང་བར་བྱེད་པའི་ཕྱིར་རོ། །བཞི་གང་ཞེ་ན། སྟོང་པ་ཉིད་སྒོམ་པ་དང་། སེམས་ཅན་ཐམས་ཅད་ལ་ཞེ་འདྲས་པ་མེད་པའི་སེམས་དང་། བྱང་ཆུབ་སེམས་དཔའ
48b5 རྣམས་ལ་རྟག་ཏུ་ཕན་པ་ཉེ་བར་སྒྲུབ་པ་དང་། ཟང་ཟིང་མེད་པའི་སེམས་ཀྱིས་ཆོས་སྦྱིན་པ་ཡང་དག་པར་བསྟན་པ་སྟེ། རིགས་ཀྱི་བུ་ཆོས་བཞི་པོ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བྱང་ཆུབ་ཡོངས་སུ
48b6 སྦྱོང་བར་བྱེད་པའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཚིགས་སུ་བཅད་པ་འདི་དག་གིས་བཀའ་སྩལ་ཏོ། །རྒྱལ་བས་གང་གིས་དེ་དག་རྣམ་དག་པ། །སྟོང་ལ་མོས་པ་ལམ་གྱི་དང་པོར་གསུངས། །དེ་ལ་རྟག་ཏུ་བག་ཡོད་གང
48b7 གནས་པ། །དེ་ནི་སངས་རྒྱས་ཐོབ་ནས་འཇིག་རྟེན་སྣང་། །སེམས་ཅན་ཀུན་ལ་རྟག་ཏུ་དང་བ་དང་། །གང་ལ་འང་ཀྭ་ཞེས་རྗོད་པར་མི་འདོད་ཅིང་། །ང་རྒྱལ་སྤངས་ནས་སྐྱེ་བོ་རྣམས་ལ་བཟོད། །འདི་ནི་སྦྱོང་བར་བྱེད་པའི་ལམ་གཉིས
48b8 པའོ། །སྡུག་པའི་དངོས་པོ་དྲི་མེད་གང་ཅི་འང་རུང་། །བྱང་ཆུབ་མཆོག་བརྩོན་རྣམས་ལ་དེ་སྦྱིན་ཞིང་། །དེ་དག་ལས་ནི་ལན་འདོད་མི་བྱ་སྟེ། །བྱང་ཆུབ་རབ་མཆོག་གི་ནི་ལམ་གསུམ་པའོ། །སྙིང་རྗེ་ཅན་གྱིས་ངེས་པར་སྐྱེ
iiif viewer powered by OpenSeadragon
