| e-texts navigator |
| Wylie |
48a1 གལ་ཏེ། རིགས་ཀྱི་བུ་དེ་དག་རབ་ཏུ་བྱུང་ནས་གཟུངས་སྔགས་ཀྱི་གཞི་དག་ཟློས་པར་བྱེད་ནའོ། །སྱཱད་ཡ་ཐེ་དན། ཨ་དཙྪ། ཨ་དཙྪ་བ་ཏི། ཨ་ན་བི་ལེ། ཨ་ཤེ་ཥེ། ཨ་ཀྲི་ཏེ། ཨ་ནཱ་ཡཱུ་ཧེ། ཨ་བེ། ཨ་པི་ཛི་རི་ཏེ། བྷ་བ་ཏུ། བཾ་ག་མ།
48a2 ཡུ་ཏ་ད་ཉ་བ། པྲཀྴི་བེ། ནི་ག་ཊེ། ཨུ་གྲ་ཧེ། ཧུ་ཧུ་མེ། ཙ་བ་ལེ། ས་དེ། ས་མེ། ས་མ་དེ། ཡོ་ཏི། ན་ཡོ། པ་རི་ཤོ་དྷི། རིགས་ཀྱི་བུ་འམ་རིགས་ཀྱི་བུ་མོ་དེ་དག་གིས་གཟུངས་སྔགས་ཀྱི་གཞི་འདི་དག་བཟླས་ལ། ཞག་བདུན་དུ་འཛིན་པ་མེད
48a3 པ་དང་། འཇོག་པ་མེད་པ་དང་། གཟུགས་མེད་པ་དང་། རྣམ་པར་རྟོག་པ་མེད་པ་དང་། རབ་ཏུ་དང་བ་མེད་པ་དང་། ཡུན་རིང་པོ་འགྲོ་བ་མེད་པ་དང་། བྱེད་པ་མེད་པ་དང་། གོས་པ་མེད་པ་དང་། མཉམ་པའི་སེམས་དང་བྲལ་བ་དང་།
48a4 ཕུང་པོ་ལྔ་དང་བྲལ་བ་དང་། མི་བཟོད་པ་མེད་པའི་ཚུལ་གྱིས་སངས་རྒྱས་རྗེས་སུ་དྲན་པའི་ཏིང་ངེ་འཛིན་བསྒོམ་པར་བྱ་དགོས་ཏེ། དེ་ནི་དེ་དག་ཕྱོགས་བཅུའི་སངས་རྒྱས་སྟོང་གི་ཞལ་མཐོང་བར་བྱེད་པ་དང་། ཉེས་པ་འཆགས་སུ་འཇུག
48a5 པར་བྱེད་པའོ། །དེ་ནས་རིགས་ཀྱི་བུ་དེ་དག་གིས་རབ་ཏུ་བྱུང་སྟེ། གསང་སྔགས་ཀྱི་གཞི་འདི་དག་བཟླས་ནས་ཞག་བདུན་དུ་བརྩོན་པར་འཛིན་པ་མེད་པ་ལ་སོགས་པས་སངས་རྒྱས་རྗེས་སུ་དྲན་པའི་ཏིང་ངེ་འཛིན་བསྒོམས
48a6 ཏེ། སངས་རྒྱས་སྟོང་ཡང་མཐོང་ངོ་། །ལས་ཀྱི་སྒྲིབ་པ་དེ་ཡང་བཤགས་སོ། །དེ་ཉིད་ཀྱི་ཚེ་ཐམས་ཅད་སྒྲུབ་པའི་ཡེ་ཤེས་ཀྱི་སྒོ་ཞེས་བྱ་བའི་གཟུངས་ཀྱང་ཐོབ་བོ། །འཁོར་བ་ལས་བསྐལ་པ་སུམ་བཅུ་ཡང་ཕྱིར་བསྙིལ
48a7 ལོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པར་གྱུར་ཏོ། །བག་ཚ་བ་མེད་པར་གནས་པ་དེ་ལ་གང་རྒྱལ་པོ་ཟླ་བས་བྱིན་ཞེས་བྱ་བ་གང་གིས་ཆོས་སྨྲ་བ་དེ་ལ་མཆོད་པ་བྱས་པར་གྱུར་པ་དེ་ནི་དེ
48a8 བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་ཏུ་མེད་པ་ཡིན་ཏེ། དེའི་ཚེ་དེའི་དུས་ན་རྒྱལ་པོ་ཟླ་བས་བྱིན་པར་གྱུར་ཏོ། །གང་སྤོབས་པ་བརྩེགས་པ་ཞེས་བྱ་བ་ཆོས་སྨྲ་བ་བྱུང་བ་དེ་ནི་དེ་བཞིན
iiif viewer powered by OpenSeadragon
