| e-texts navigator |
| Wylie |
45b1 དགུང་ལོ་བདུན་དུ་གཟུངས་ཀྱི་དོན་ལ་བརྩོན་པར་གྱུར་ན་དེ་དག་བསམ་པ་མ་གྲུབ་ཅིང་བསྟན་པ་འདི་ལས་སླར་མཆིས་པ་ཁྱིམ་ན་གནས་པར་གཡར་གྱིས་བླངས་པ་ལགས་ན། དེའི་སླད་ཏུ་བཅོམ་ལྡན་འདས་ཀྱིས་རིགས་ཀྱི་བུ་དེ་དག་ལ་ཅི་ནས་མྱུར་བ་ཁོ་ནར
45b2 ཡེ་ཤེས་ཐོབ་པར་འགྱུར་བ་དེ་ལྟར་ལེགས་པར་ལུང་དབོག་པར་མཛད་ཏུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བག་ཚ་བ་མེད་པར་གནས་པ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་འདི
45b3 ལྟར་དེ་དག་གིས་སངས་རྒྱས་མི་སྤང་བ་ཞེས་བྱ་བའི་ཆོས་ཀྱི་རྣམ་གྲངས་འདི་མ་ཐོས་ལ། སངས་རྒྱས་སྤོང་བ་ནི་རྗེས་སུ་ཐོབ་སྟེ། དེས་ན་རིགས་ཀྱི་བུ་དེ་དག་མྱུར་དུ་ཤེས་པ་འདི་ལ་མ་སྐྱེས་སོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས
45b4 དཔའ་ཆེན་པོ་བག་ཚ་བ་མེད་པར་གནས་པས་ཚིགས་སུ་བཅད་པ་འདི་དག་གིས་ཞུས་སོ། །ཆོས་ཀྱི་རྒྱལ་པོ་འོད་མཛད་པ། །མི་ཡི་ཉི་མ་ཁྱོད་ལ་ཞུ། །བྱང་ཆུབ་སེམས་དཔའི་ལས་སྤྱོད་པ། །སྤྱོད་པ་གང་ལགས་དེ་བསྟན་གསོལ། །དཔག་མེད་ཁྱབ
45b5 པར་འཕགས་པའི་བློ་གྲགས་པ། །སངས་རྒྱས་ཐོགས་མེད་སྟོབས་བཅུ་མཚུངས་མ་མཆིས། །སྲིད་གསུམ་འབྱུང་བ་རྣམ་གྲོལ་སྤྲོས་མི་མངའ། །སངས་རྒྱས་བྱང་ཆུབ་སྤྱོད་པ་དྲི་མེད་གསུངས། །དཔག་མེད་ཡེ་ཤེས་མངའ་བ་ཁྱོད་ལ་ཞུ། །
45b6 ཡིད་གཉིས་གཅོད་པར་མཛད་པ་ཁྱོད་ལ་ཞུ། །བཅོམ་ལྡན་མཚུངས་པ་མི་མངའ་ཁྱོད་ལ་ཞུ། །བྱང་ཆུབ་སེམས་དཔའི་སྤྱོད་པའི་ཚུལ་གང་ལགས། །རྒྱལ་བ་བདུད་ཐུལ་བདེ་གཤེགས་གང་གིས་ན། །ཉོན་མོངས་ཀུན་ལས་རྣམ
45b7 པར་གྲོལ་བར་འགྱུར། །ཐུགས་རྗེས་ཉོན་མོངས་ཐུལ་ལ་བྱང་ཆུབ་ལམ། །འཕགས་པ་དེ་ནི་རབ་ཏུ་བཤད་དུ་གསོལ། །ལེགས་གསལ་ལེགས་བྱུང་ལེགས་འབྲེལ་གསུང་བ་པོ། །སྲིད་སེལ་སྲིད་འགྲོ་རྣམ་འཇོམས་ལྷུར་མཛད་པ། །
45b8 དགེ་སྦྱོང་བཟང་པོ་སྨྲ་མཆོག་ཡིད་གཉིས་སེལ། །རྒྱལ་བ་བདེ་གཤེགས་དྲི་མེད་སྤྱོད་ཀུན་གསུངས། །སྔོན་གྱི་སྲིད་བརྒྱར་ལེགས་སྤྱད་ཡོན་ཏན་དགེ། །འགྲོ་བ་ཕན་བདེར་བསྔོ་ལ་བརྩོན་པ་པོ། །རིན་ཆེན་གླང་པོ་རྟ་སྤངས་ཡུན་ཀྱང་རིང་། །
iiif viewer powered by OpenSeadragon
