| e-texts navigator |
| Wylie |
98b1 སེམས་ཅན་རྣམས་ལ་སྙིང་བརྩེ་བས། །ཉན་ཐོས་རྣམས་ཀྱི་བདེན་པ་བཞི། །ཆོས་རྣམས་རྟག་ཏུ་ཡུན་གནས་དང་། །ཟག་པ་མེད་ཕྱིར་ངས་བཤད་དོ། །ཉན་ཐོས་བདེན་པས་འདུལ་བ་ནི། །སྲིད་པའི་མཚོ་ལས་ངས་བསྒྲལ
98b2 ལོ། །བྱང་ཆུབ་སྤྱོད་པ་ཐམས་ཅད་ཀྱང་། །ཕྱི་ནས་ཁྱེད་ལ་བསྟན་པར་བྱའོ། །དེ་ནས་དེའི་ཚེ་ཐམས་ཅད་དང་ལྡན་པའི་མི་མཇེད་ཀྱི་སངས་རྒྱས་ཀྱི་ཞིང་དུ་གཏོགས་པའི་སེམས་ཅན་རྣམས་འདི་སྙམ་དུ་སེམས་ཏེ། ཀྱེ་མ་ད་ལྟར་དེ
98b3 བཞིན་གཤེགས་པ་འདི་ནི་ཉན་ཐོས་ཀྱི་གཏམ་ཡང་དག་པར་རབ་ཏུ་སྟོན་པར་མཛད་ཀྱི་ཐེག་པ་ཆེན་པོའི་གཏམ་ནི་མི་མཛད་དོ་སྙམ་མོ། །དེ་ནས་དེའི་ཚེ་བྱང་ཆུབ་སེམས་དཔའ་དེ་དག་ཐམས་ཅད་འདི་སྙམ་དུ་སེམས་ཏེ། ཀྱེ་མ་ད
98b4 ལྟར་དེ་བཞིན་གཤེགས་པ་འདི་ནི་སངས་རྒྱས་ཀྱི་ཞིང་འདིར་ས་ཡོངས་སུ་སྤྱད་པའི་ཕྱིར་དང་། མ་འོངས་པའི་དུས་ན་ཆོས་ཀྱི་ཚུལ་རིང་དུ་གནས་པར་བྱ་བའི་ཕྱིར་དང་། ད་ལྟར་སངས་རྒྱས་ཀྱི་ཞིང་འདིར་གང་དཀོན་མཆོག་གསུམ་གྱི
98b5 གདུང་རྒྱུན་མི་འཆད་པར་བྱ་བའི་ཕྱིར་དང་། མ་འོངས་པའི་དུས་ན་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན
98b6 པ་མ་དད་པ་རྣམས་མངོན་པར་དད་པར་བྱ་བའི་ཕྱིར་དང་། དད་པ་རྣམས་ཕྱིར་ཞིང་འཕེལ་བར་བྱ་བའི་ཕྱིར་དང་། སེམས་ཅན་ཆོས་ལ་མངོན་པར་བརྩོན་པ་དག་དང་། ཆོས་ལ་གནས་པ་དག་དང་། ཡོན་ཏན་གྱིས
98b7 ཕྱུག་པ་དག་དང་། ཚུལ་ཁྲིམས་ཀྱི་དྲི་དང་ཡང་དག་པར་ལྡན་པ་རྣམས་བདེ་བ་ལ་རེག་པ་དང་། རྣམ་པར་ཐོ་འཚམ་པ་མེད་པར་བྱ་བའི་ཕྱིར་དང་། བྱང་གྲོལ་གྱི་བདེ་བ་ཡོངས་སུ་རྫོགས་པར་བྱ་བའི་ཕྱིར་དང་། ཇི་ནས་སངས
98b8 རྒྱས་ཀྱི་ཞིང་འདི་ཤིན་དུ་ཡོན་ཏན་དག་གིས་བསྒོ་བར་བྱ་བའི་ཕྱིར་དང་། ཕྱོགས་བཅུ་ན་གནས་པའི་སངས་རྒྱས་ཀྱི་ཞིང་གཞན་ཐམས་ཅད་ཀྱང་བསྒོ་བའི་འོས་སུ་གྱུར་པ་དང་། བླ་མ་ལ་གུས་པ་དང་། ཕྱག་བྱ་བའི་འོས་སུ་གྱུར
iiif viewer powered by OpenSeadragon
