| e-texts navigator |
| Wylie |
98a1 སྤྱོད་པ་སྤྱད་ཅིང་སྤྱོད་འགྱུར་བ། །དེ་དག་ཉན་ཐོས་ཆོས་རྣམས་ལ། །ནམ་ཡང་དགའ་བར་མི་བྱ་སྟེ། །སངས་རྒྱས་ཆོས་ལས་ཉམས་འགྱུར་བའི། །ལྟུང་བ་གཉིས་པ་གཞན་མེད་དེ། །དེ་ནི་ཡང་དང་ཡང་དུ་ཡང་། །
98a2 གཉི་གར་སེམས་ནི་འཇུག་པ་ཡིན། །ཁྲོ་དང་ཉན་ཐོས་ཆོས་རྣམས་དང་། །རྐྱེན་གྱི་བྱང་ཆུབ་འཇུག་པ་ཡི། །ཆོས་གསུམ་རྣམ་པར་སྤངས་པས་ན། །སངས་རྒྱས་ཆོས་རྣམས་རྫོགས་པར་འགྱུར། །སྐྱེ་གནས་བཞི་ལྡན་སེམས
98a3 ཅན་འདི། །སངས་རྒྱས་ཞིང་འདིར་ལྷགས་པ་དག་།ཐམས་ཅད་འདོད་པ་རྟེན་མི་བྱེད། །ཐམས་ཅད་མི་སྡུག་ཐོབ་པ་ཡིན། །འདི་ན་སེམས་ཅན་མཁས་པ་གང་། །བྱང་ཆུབ་མཆོག་གི་ཕྱིར་ཞུགས་ཤིང་། །གང་བློ་གཟུངས
98a4 དང་བཟོད་པ་ལ། །བརྩོན་ཞིང་ལེགས་པར་གོམས་བྱས་ལ། །དབང་པོ་དྲུག་གི་སྒོ་བསྡམས་ཤིང་། །སྐྱིལ་མོ་ཀྲུང་གིས་དྲན་གཞག་ནས། །རང་གི་སྤྱོད་ཡུལ་ས་ནོན་པ། །ཕྱི་མའི་དུས་ཀྱི་དེ་བཞིན་གཤེགས། །ནོར་བདུན
98a5 རབ་ཏུ་རྫོགས་པའང་ཡིན། །འདིར་ནི་མི་སྡུག་ཚུལ་བཤད་ན། །ཀུན་གཞི་གང་ཡིན་སེམས་ཅན་གྱི། །འཆིང་བ་བརྟན་པ་འདིར་བཤད་འགྱུར། །ངས་ནི་ཆོས་ཀྱི་སེར་སྣ་སྤངས། །སེམས་ཅན་སྲུང་ཕྱིར་མ་བཤད་དེ། །བྱང་ཆུབ
98a6 ཕྱིར་སེམས་འདིར་མ་བཏང་། །ཕྱོགས་བཅུའི་སངས་རྒྱས་དེ་དག་གིས། །ཆོས་འདི་ཡུན་རིང་གནས་བྱ་ཞེས། །ས་འདི་ཡོངས་སུ་སྤྱད་མཛད་ཅིང་། །ས་འདི་བྱིན་གྱིས་བརླབས་པ་ཡིན། །དེ་བཞིན་དུ་ནི་ཁྱོད་ཀྱིས་ཀྱང་། །
98a7 ཞིང་འདི་ལ་ནི་རྩེ་བར་བྱོས། །དེ་བཞིན་བཟོད་པ་དག་གིས་རྩེས། །བསྡམས་ནས་ཡུན་རིང་གནས་པར་བྱོས། །ཉན་ཐོས་ཐེག་པ་ངས་བཤད་དེ། །སེམས་ཅན་ཆགས་ལས་ཐར་བྱ་ཞིང་། །ཕུང་པོ་དག་དང་ཁམས
98a8 རྣམས་དང་། །སྐྱེ་མཆེད་སྟོང་པ་ངས་བཤད་དེ། །ཞི་གནས་རྣམ་པ་བཅུ་གསུམ་དང་། །ལྷག་མཐོང་ང་ཡིས་བཤད་བྱ་སྟེ། །འདོད་པའི་འཆིང་བས་དམ་བཅིངས་པའི། །སེམས་ཅན་དེ་ཡིས་རྣམ་དག་འགྱུར། །
iiif viewer powered by OpenSeadragon
