| e-texts navigator |
| Wylie |
72b1 དག་པར་བླངས་ཏེ་གནས་པར་བྱེད་དོ། །གསུམ་པོ་གང་ཞེ་ན། འདི་ལྟ་སྟེ། མ་ཆགས་པ་དང་། སེར་སྣ་མེད་པ་དང་། བག་ཡོད་པའོ། །དགེ་སློང་དག་དམ་པའི་ཆོས་གསུམ་པོ་དེ་དག་དང་ལྡན་ན་སྐྱེས་བུ་དམ་པ་སྦྱིན་པ
72b2 དག་བྱིན་ཞིང་། བསོད་ནམས་དག་བྱེད་ལ། ཚུལ་ཁྲིམས་ཡང་དག་པར་བླངས་ཏེ་གནས་པར་བྱས་པས་ལུས་ཞིག་སྟེ་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །
72b3 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །གང་ཕྱིར་སེར་སྣ་བག་མེད་པས། །སྦྱིན་པ་སྦྱིན་པར་མི
72b4 བྱེད་དེ། །དེ་ཕྱིར་བསོད་ནམས་འདོད་པ་ཡི། །མཁས་པས་སྦྱིན་པ་སྦྱིན་པར་བྱ། །སེར་སྣ་ཅན་གྱིས་འཇིགས་པ་ནི། །བཀྲེས་དང་སྐོམ་པ་འདི་ཡིན་ན། །གང་གིས་འཇིགས་པས་འདིར་མ་བྱིན། །དེ་ཉིད་མི་ཡི
72b5 འཇིགས་པ་ཡིན། །གང་གིས་སེར་སྣའི་དབང་གིས་ན། །ཡོད་མ་བྱིན་པ་འཇིགས་པ་སྟེ། །འཇིག་རྟེན་འདི་དང་ཕ་རོལ་དུ། །དེ་ཡིས་བྱིས་པ་བགོས་པར་འགྱུར། །གང་དག་སེར་སྣ་སྤངས་ནས་ཀྱང་། །དུས་སུ་སྦྱིན
72b6 པ་སྦྱིན་བྱེད་ན། །ཤི་ཡང་དེ་ནི་ཤི་མ་ཡིན། །རྒྱགས་བཟང་པོ་ཡི་འགྲོན་པོ་བཞིན། །གང་དག་ཤིན་དུ་བཏང་དཀའ་བ། །ཉུང་ངུ་འམ་མང་པོ་གཏོང་བྱེད་ན། །བཏང་དཀའ་གཏོང་བ་དེ་དག་ནི། །དཀའ་བའི་ལས་དག་བྱེད་པ
72b7 ཡིན། །དམ་པ་མིན་པས་མི་རྟོགས་ཏེ། །དམ་པ་ཆོས་ལས་འདའ་མི་བྱེད། །དེ་ཕྱིར་དམ་པ་དམ་པ་མིན། །འདི་ནས་ཤི་བར་འགྱུར་བ་ན། །དམ་པ་མིན་པ་དམྱལ་བར་འགྲོ། །དམ་པ་དག་ནི་མཐོ་རིས་འགྲོ། །རྒ་བས
72b8 གཙེས་པ་ལ་ནི་སྐྱབས་མེད་དེ། །ཚེ་ཐུང་བས་ནི་སྲོག་ཁྱེར་དུས་ཀྱང་ཉེ། །འཆི་བའི་འཇིགས་པ་འདི་མཐོང་རྣམས་ཀྱིས་ནི། །བསོད་ནམས་བདེ་སྦྱོར་དག་ནི་བྱ་བའི་རིགས། །བུད་མེད་སྤངས་འདིར་སྦྱོར་བས་འཚོ་བ་གང་། །
iiif viewer powered by OpenSeadragon
