| e-texts navigator |
| Wylie |
60b1 དགའ་བ་ཉེ་བར་སྐྱེ་བར་འགྱུར། །ཆོས་རྣམས་མང་པོ་ཚོལ་བྱེད་ཅིང་། །ཐོས་པ་མང་ལ་ལེགས་གནས་ན། །གང་གིས་ཐེ་ཙོམ་གཅོད་བྱེད་པའི། །དེས་དེའི་ཤེས་རབ་འཕེལ་བར་འགྱུར། །སྐྱེ་དང་འཆི་བའི་རྒྱུན་དག་ལས། །འདི་དག་ཇི་ལྟར་དགྲོལ་བྱ་ཞེས། །
60b2 ལྟོས་མེད་ཕན་པའི་སེམས་དག་གིས། །དམ་པའི་ཆོས་ཀྱང་སྟོན་པར་བྱེད། །གནོད་སེམས་དོན་དུ་མི་གཉེར་བས། །བྱམས་པའི་སེམས་ཀྱང་སྒོམ་པར་བྱེད། །མི་འཇིགས་པ་དང་ཕན་པའི་སེམས། །བདག་དང་སེམས་ཅན་མཉམ་པ་ཉིད། །
60b3 བྱང་ཆུབ་ལ་བརྟན་ཟིལ་གནོན་པའི། །བརྩོན་པ་དག་ཀྱང་ལེགས་པར་རྩོམ། །གང་དག་བྱང་ཆུབ་ལ་རྟེན་པའི། །དགེ་བའི་ཆོས་རྣམས་ཚོལ་བ་དང་། །བསྒོམ་པར་བྱ་བ་བསྒོམ་པ་དང་། །སྤང་བར་བྱ་བའང་རྣམ་པར་སྤོང་། །ཇི་ལྟར་སྤང་བྱ་སྤངས་པ་ཡིས།
60b4 མྱུར་དུ་མྱ་ངན་འདའ་བར་འགྱུར། །དགོན་པའི་གནས་ལ་མངོན་ཕྱོགས་ཤིང་། །གནོད་པ་དག་ལ་རྒྱབ་ཀྱིས་ཕྱོགས། །ཐོས་པ་ཚོལ་ལ་བརྩོན་པ་དག་།གོ་འཕང་མཆོག་ནི་རྟོགས་པར་འགྱུར། །དགེ་སློང་དགེ་སློང་མ་རྣམས་དང་། །དགེ་བསྙེན་དེ
60b5 བཞིན་དགེ་བསྙེན་མ། །ཐམས་ཅད་དང་ནི་དེ་དག་གིས། །འདྲིས་པ་རྣམ་པར་སྤང་བར་བྱ། །བྱིས་པའི་ལམ་ལ་རྟེན་པ་ཡི། །རྨོངས་པ་ཀུན་ཀྱང་སྐྱབས་མེད་དེ། །གང་ཞིག་ཆོས་ལ་རྟེན་པ་དང་། །དེ་དག་སངས་རྒྱས་མཆོག་ཏུ་གཞོལ། །མི་གང
60b6 སེམས་ཅན་དོན་དགའ་བའི། །སངས་རྒྱས་ཕ་དང་མ་ཡིན་ནོ། །གཡོ་མེད་ཆོས་ལ་འདོད་པ་དག་།བྱང་ཆུབ་ལ་ནི་རབ་ཏུ་དད། །སངས་རྒྱས་དག་ཏུ་མི་ལྟ་བའི། །མི་རྣམས་མཚན་ཉིད་གསུམ་གསུངས་ཏེ། །གཡོ་དང་ཆོས་མིན་འདོད་པ་དང་། །
60b7 སྙོམ་ལས་དག་ལས་རྟག་དགའ་བའོ། །འདོད་ཆགས་ཞེ་སྡང་ང་རྒྱལ་དང་། །དེ་བཞིན་སྡིག་པ་རབ་སྤངས་ནས། །བློ་ལྡན་བརྩོན་འགྲུས་ལྡན་གྱུར་པ། །བྱང་ཆུབ་ལ་ནི་རབ་གུས་འགྱུར། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ
60b8 ནས། ཚེ་དང་ལྡན་པ་ཤཱ་རིའི་བུ་དང་། ལྷ་དང་མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །བྱང་ཆུབ་སེམས་དཔའི་སོ་སོར་ཐར་པ་ཆོས་བཞི་སྒྲུབ་པ་ཞེས
iiif viewer powered by OpenSeadragon
