| e-texts navigator |
| Wylie |
60a1 ཅན་དེ་ཟིལ་གྱིས་མནན། །ས་ལ་སྤྲིན་གྱི་ཚོགས་བཞིན་དུ། །ཆོས་ཀྱིས་ཡོངས་སུ་ཚིམ་པར་བྱེད། །སེམས་ཅན་རྣམས་ཀྱི་སྡུག་བསྔལ་ནི། །སྨན་པའི་རྒྱལ་པོ་བཞིན་དུ་སེལ། །སེམས་ནི་རྩེ་གཅིག་མཉམ་བཞག
60a2 པས། །དེ་དག་རྣམ་རྟོག་སྤྱོད་ཡུལ་མིན། །དེ་དག་ཁྲོ་བ་ལྷུར་མི་ལེན། །འཕྱར་བ་ལ་ཡང་མི་གནས་སོ། །དུས་དང་དུས་མིན་རྣམ་ཤེས་ཤིང་། །དོན་ཤེས་པ་ཡིས་རྣམ་པར་འདྲེན། །རྟག་ཏུ་བཟོད་སྟོབས་ལ་དགའ་རྣམས། །ཤེས་པའི་ལས
60a3 རྣམས་བྱེད་པར་འགྱུར། །མཁས་དང་མཐུ་ལ་བརྟན་པ་དང་། །ཆོས་ཤེས་པ་ལ་མཁས་པ་དང་། །དཔའ་ཞིང་སེམས་སྟོབས་ཆེ་བ་སྟེ། །རླུང་གིས་ཆང་བའི་རྡུལ་བཞིན་དུ། །སྡིག་ཅན་རྣམས་ནི་ཟིལ་གྱིས་གནོན། །ཕྱོགས
60a4 རྣམས་དག་ཏུ་གསལ་གནས་པ། །ཉི་མ་འཆར་བ་ཇི་བཞིན་ནོ། །མཁས་པ་དེ་དག་རང་དོན་ལ། །ཆེད་དུ་སྨྲ་བ་བརྗོད་མི་བྱེད། །འཇིག་རྟེན་རྣམས་ལ་ཕན་པའི་ཕྱིར། །བསམ་གཏན་མངོན་ཤེས་དག་ལ་མཁས། །དེ་དག་རྣམ་པ
60a5 འདི་འདྲ་བས། །བདུད་ཀྱི་སྟེང་ན་གནས་པ་ཡིན། །སེམས་ཅན་རྣམས་ལ་བརྩེ་བའི་ཕྱིར། །འཇིག་རྟེན་མར་མེ་བྱེད་ཅིང་རྒྱུ། །ཤཱ་རིའི་བུ་གཞན་ཡང་ཆོས་བཞི་དང་ལྡན་ན་བྱང་ཆུབ་སེམས་དཔའ་བཟོད་པ་སྒྲུབ་པ་ཡིན་ཏེ།
60a6 བཞི་གང་ཞེ་ན་གུས་པས་ཚུལ་ཁྲིམས་སྲུང་ཞིང་སོ་སོར་ཐར་པ་ལ་ཁྱད་དུ་མི་གསོད་པ་དང་། གུས་པས་བྱམས་པ་སྒོམ་པར་བྱེད་ཅིང་གནོད་སེམས་ལ་སྦྱོར་བར་ཡང་སྦྱོང་བར་བྱེད་པ་དང་། ཐམས་ཅད་མཁྱེན་པ་ལ་འདུན་པ་དྲག་པོ
60a7 སྐྱེད་པར་ཡང་བྱེད་པ་དང་། དགེ་བའི་ཆོས་ཐམས་ཅད་ལ་གཅེས་པ་མི་འདོར་བ་སྟེ། ཤཱ་རིའི་བུ་ཆོས་བཞི་པོ་དེ་དག་དང་ལྡན་ན་བྱང་ཆུབ་སེམས་དཔའ་བཟོད་པ་སྒྲུབ་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ
60a8 སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་བཀའ་སྩལ་ཏོ། །དེ་དག་སངས་རྒྱས་ཀྱིས་བསྔགས་པའི། །ཚུལ་ཁྲིམས་མ་ཉམས་མ་རལ་སྲུང་། །ཚུལ་ཁྲིམས་ཕུང་པོ་དག་པ་ལ། །
iiif viewer powered by OpenSeadragon
