| e-texts navigator |
| Wylie |
34b1 བུ་དེ་ནི་ཤིན་ཏུ་སྨད་པར་བྱ་བ་ཡིན་ཏེ། ཁྱི་རོ་དེ་ལ་འཁྱུད་པར་བྱེད་པའམ། སྐྱོད་པར་བྱེད་པའམ། མངོན་པར་དགའ་བར་བྱེད་པ་ནི་དེ་ལྟ་མ་ཡིན་ནོ། །ཤཱ་རིའི་བུ་འདི་ཇི་སྙམ་དུ་སེམས། ཁྱི་རོ་ལ་འཁྱུད་པའམ། རེག
34b2 པས་སེམས་ཅན་དམྱལ་བར་འགྲོ་བར་འགྱུར་རམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། ཤཱ་རིའི་བུ་འདི་ལྟར་དགེ་སློང་གིས་འདོད་པ་རྣམས་ལ་ཉེས་དམིགས་ཀྱི་འདུ་ཤེས་བསྐྱེད
34b3 པར་བྱའོ། །ཤཱ་རིའི་བུ་ཇི་ལྟར་ན་དགེ་སློང་གིས་ལུས་ལ་ཉེས་དམིགས་ཀྱི་འདུ་ཤེས་བསྐྱེད་པར་བྱ་ཞེ་ན། ཤཱ་རིའི་བུ་ལུས་འདི་ནི་གནོད་པ་མང་བའོ། །འཁྲུག་པ་མང་བའོ། །ཤཱ་རིའི་བུ་བུད་མེད་ཀྱི་ལུས་ལ་ནི་སྐྱེས་པའི
34b4 ལུས་ལ་ཡོད་པ་ལྟ་བུ་མ་ཡིན་པ་ཆེས་ལྷག་པ་སྲིན་བུའི་ཚོགས་ཉི་ཤུ་རྩ་ལྔ་ཡོད་དེ། ཤཱ་རིའི་བུ་བུད་མེད་ཀྱི་མགོ་གླད་པའི་ནང་ན་སྲིན་བུའི་ཚོགས་འཕྲོག་བྱེད་ཅེས་བྱ་བ་དག་ཡོད་དེ། དེ་དག་བུད
34b5 མེད་ཀྱི་གླད་པ་ལ་ཟ་བར་བྱེད་དོ། །ཤཱ་རིའི་བུ་བུད་མེད་ཀྱི་སྣའི་ནང་ན་སྲིན་བུའི་ཚོགས་ཁ་རྫོགས་ཤེས་བྱ་བ་དག་ཡོད་དེ་དེ་དག་བུད་མེད་ཀྱི་ཁ་སྤུ་ལ་ཟ་སྟེ། དེས་ན་བུད་མེད་ལ་ཁ་སྤུ་མི་སྐྱེའོ། །ཤཱ་རིའི་བུ་བུད་མེད་ཀྱི་རྣ
34b6 ཁུང་ན་སྲིན་བུའི་ཚོགས་ཟ་བར་བྱེད་པ་ཞེས་བྱ་བ་དག་ཡོད་དེ། དེ་དག་བུད་མེད་ཀྱི་རྣ་བ་ལ་ཟ་ཞིང་བུད་མེད་ཀྱི་རྣ་བ་འབིགས་པར་བྱེད་དོ། །ཤཱ་རིའི་བུ་བུད་མེད་ཀྱི་མགྲིན་པའི་མཚམས་དང་མགོ་བོའི་མཚམས་ལ་སྲིན
34b7 བུའི་ཚོགས་ཞེན་བྱེད་ཅེས་བྱ་བ་དག་ཡོད་དེ། དེ་དག་བུད་མེད་ཀྱི་རྣ་བ་ཟ་ཞིང་བུད་མེད་ཀྱི་རྣ་བ་འབིགས་པར་བྱེད་ལ་མིག་ཀྱང་རྣ་བར་བྱེད་དོ། །ཤཱ་རིའི་བུ་སྐྱེས་པའི་རྣ་བ་ལ་མི་འབིགས་ཀྱི་བུད་མེད་ཀྱི་རྣ་བ་ལ་འབིགས་སོ། །
34b8 ཤཱ་རིའི་བུ་བུད་མེད་ལ་སྲིན་བུའི་ཚོགས་ཨ་བ་རེ་བ་ན་ཞེས་བྱ་བ་དག་ཡོད་དེ། དེ་དག་རྟག་ཏུ་རྒྱུན་མི་འཆད་པར་བུད་མེད་ཀྱི་ཁ་ལ་ཟ་སྟེ། དེས་ན་བུད་མེད་ཀྱི་མགུལ་དམའ་བ་ཡིན་ཏེ། སྐྱེས་པ་ལ་ནི་དེ་ལྟ་བུ་མེད་དོ། །
iiif viewer powered by OpenSeadragon
