| e-texts navigator |
| Wylie |
330b1 ལས་ཀྱི་རྒྱུད་བཅུ་པོ་ཐམས་ཅད་ཀྱང་དེ་བཞིན་གཤེགས་པའི་ཐབས་མཁས་པར་ཤེས་པར་བྱ་སྟེ། ལས་ཀྱི་བྱ་བ་ཤིན་དུ་སྟོན་པའི་སེམས་ཅན་ལས་ཀྱི་རྣམ་པར་སྨིན་པ་ལ་མི་འཇུག་པའི་སེམས་ཅན་རྣམས་ལ་ཆེ་གེ་མོ་ཞིག་གིས་ལས་ཀྱི་རྣམ
330b2 པར་སྨིན་པ་ནི་འདིའོ། །ཆེ་གེ་མོ་ཞིག་གིས་ལས་ཀྱི་རྣམ་པར་སྨིན་པ་ནི་འདིའོ་ཞེས་དེ་བཞིན་གཤེགས་པ་ཐབས་མཁས་པས་ལས་ཀྱི་རྒྱུད་བསྟན་ཏེ། དེ་ཐོས་ནས་ཕན་པ་བྱད་པར་འགྱུར་རོ། །དེ་ལྟ་བས་ན་རིགས་ཀྱི་བུ་ཐབས་མཁས
330b3 པ་བསྟན་པ་འདི་གསང་བར་གྱིས་ཤིག་། སེམས་ཅན་དགེ་བའི་རྩ་བ་ཆུང་ངུ་དང་ལྡན་པ་རྣམས་ཀྱི་མདུན་དུ་མ་འཆད་ཅིག་།དེ་ཅིའི་ཕྱིར་ཞེ་ན། བསྟན་པ་འདི་ནི་ཉན་ཐོས་དང་། རང་སངས་རྒྱས་ཀྱི་ས་ཡང་མ་ཡིན་ན། སེམས
330b4 ཅན་དགེ་བའི་རྩ་བ་ཆུང་ངུ་དང་ལྡན་པ་རྣམས་ཀྱི་ལྟ་ཅི་སྨོས། དེ་ཅིའི་ཕྱིར་ཞེ་ན། དེ་དག་ཐབས་ལ་བསླབས་པ་མ་ཡིན་པས་འདི་ནི་དེ་དག་ལ་མི་དགོས་སོ། །བྱང་ཆུབ་སེམས་དཔའ་གང་དག་བསྟན་པ་འདི་ལ་སློབ་པར་འགྱུར་བ་མ་གཏོགས
330b5 པར་གཞན་ཐབས་མཁས་པ་འདིའི་སྣོད་དུ་གྱུར་པ་གང་ཡང་མེད་དོ། །འདི་ལྟ་སྟེ། རིགས་ཀྱི་བུ་མཚན་མོ་ས་སྲོས་པའི་མུན་པར་མར་མེ་བུས་ན་ཁྱིམ་ན་སྣོད་ཐམས་ཅད་སྣང་བར་འགྱུར་བ་དེ་བཞིན་དུ་བྱང་ཆུབ་སེམས་དཔའ་ཡང་ཐབས
330b6 མཁས་པ་བསྟན་པ་འདི་ཐོས་ཏེ་མོས་པར་གྱུར་ནས་སངས་རྒྱས་ཀྱི་སྤྱོད་པ་ཐམས་ཅད་མཐོང་བར་འགྱུར་ཞིང་སེམས་ཅན་དག་ལ་ཡང་སློབ་པར་འགྱུར་རོ། །རིགས་ཀྱི་བུ་ཁྱོད་ལ་བསྒོའོ། །ཁོང་དུ་ཆུད་པར་བྱའོ། །བྱང་ཆུབ་འདོད་པའི
330b7 རིགས་ཀྱི་བུ་འམ། རིགས་ཀྱི་བུ་མོས་ཐབས་མཁས་པས་འདི་གང་ན་རྣར་གྲག་པར་འགྱུར་ན། དཔག་ཚད་འབུམ་དུ་ཡང་འགྲོ་བར་བྱའོ། །དེ་ཅིའི་ཕྱིར་ཞེ་ན། དེ་ལྟར་བསྟན་པ་འདི་ཐོས་ན་སྣང་བ་ཐོབ་པར་འགྱུར།
330b8 སངས་རྒྱས་ཀྱི་ཆོས་ཐམས་ཅད་འགྱོད་པ་མེད་པར་འགྱུར། ཐེ་ཚོམ་དང་བྲལ་བར་འགྱུར་རོ། །དེ་ནས་ལྷ་དང་འཇིག་རྟེན་དུ་བཅས་པའི་འཁོར་བཞི་ལས་སེམས་ཅན་གང་དག་སྣོད་དུ་གྱུར་པ་དེ་དག་གིས་ནི་ཆོས་ཀྱི་རྣམ་གྲངས་འདི
iiif viewer powered by OpenSeadragon
