| e-texts navigator |
| Wylie |
329b1 ཞེས་དེ་སྐད་ཀྱི་ཚིག་གསུང་སྟེ། རིགས་ཀྱི་བུ་གང་གི་ཚེ་ན་དེ་བཞིན་གཤེགས་པས་གནས་བརྟན་དགའ་བོ་ལ་ང་ནི་གླད་པ་ན་སྟེ་མི་བཟོད་དོ་ཞེས་དེ་སྐད་ཀྱི་ཚིག་གསུངས་པ་དེའི་ཚེ། ལྷའི་བུ་ཆད་པར་སྨྲ་བ་སུམ་སྟོང་དང་།
329b2 སེམས་ཅན་སྲོག་གཅོད་པར་བྱེད་པ་མང་པོ་ལྷགས་ནས། ལྷའི་བུ་དེ་དག་དང་། སེམས་ཅན་དེ་དག་ལས་ཀྱི་ལམ་ལ་གཞུག་པའི་ཕྱིར། དེ་བཞིན་གཤེགས་པས་སྲོག་བཅད་པའི་ལྷག་མ་ལུས་པས་དེ་བཞིན་གཤེགས་པའི་དབུ
329b3 བསྙུང་བར་གྱུར་ཏོ་ཞེས་ལས་ཀྱི་རྒྱུད་དེ་བསྟན་ཏེ། དེ་བསྟན་པའི་ཚེ་དེ་བཞིན་གཤེགས་པས་ལྷ་དང་མིའི་སྐྱེ་དགུ་སྟོང་ཕྲག་བཅུ་བཏུལ་ཏེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི། ལས་ཀྱི་སྒྲིབ་པ་ནི
329b4 མ་ཡིན་ནོ། །ཅིའི་ཕྱིར་ན་བྲམ་ཟེ་བ་ར་དྭ་ཛས་དེ་བཞིན་གཤེགས་པ་ལ་མི་སྙན་པ་ལྔ་བརྒྱ་སྨྲས་ན་དེ་བཞིན་གཤེགས་པ་ཡང་བཟོད་པར་མཛད་ཅེ་ན། དེ་བཞིན་གཤེགས་པ་ནི་བྲམ་ཟེ་བ་ར་དྭ་ཛས་མི་སྙན་པར་སྨྲ་བ་ཕྱོགས་གཞན
329b5 དུ་འཕང་བ་འམ། ངག་གི་ལས་གཅིག་འབྱུང་བར་ཡང་མི་ནུས་མོད་ཀྱི། འཁོར་དེའི་ནང་ན་ལྷ་དང་མི་མང་པོ་ཚོགས་པར་གྱུར་པས་དེ་དག་གིས་དེ་བཞིན་གཤེགས་པའི་བཟོད་པའི་སྟོབས་བསྐྱེད་པར་མཐོང་སྟེ། དེ་བཞིན
329b6 གཤེགས་པ་མ་ཁེངས་མ་དུད་ཅིང་སེམས་མཉམ་པ་བདེ་བའི་དངོས་པོ་དང་ལྡན་པ། སེམས་བརྟན་པ། སེམས་མཉན་པ་དེས་པར་མཐོང་ནས་སྲོག་ཆགས་བཞི་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས
329b7 བསྐྱེད་པར་གྱུར་ཏེ། དོན་དེ་གཟིགས་ནས་དེ་བཞིན་གཤེགས་པས་བྲམ་ཟེ་བ་ར་དྭ་ཛས་མི་སྙན་པར་སྨྲ་བ་བཏང་སྙོམས་སུ་བཞག་གི། དེ་བཞིན་གཤེགས་པ་ལ་གང་ན་ཡང་ལས་ཀྱི་སྒྲིབ་པ་མེད་དེ། དེ་ཡང་དེ་བཞིན
329b8 གཤེགས་པའི་ཐབས་མཁས་པ་ཡིན་གྱི། ལས་ཀྱི་སྒྲིབ་པ་ནི་མ་ཡིན་ནོ། །གང་ཡང་ལྷ་སྦྱིན་ཚེ་རབས་ཐམས་ཅད་དུ་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་འབྲང་བར་འགྱུར་བ་དེ་ཡང་བྱང་ཆུབ
iiif viewer powered by OpenSeadragon
