| e-texts navigator |
| Wylie |
327b1 བསྲུངས་པར་འགྱུར་རོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པས་ནི་སེམས་ཅན་གང་ཡང་ཡོངས་སུ་གཏང་བ་མེད་པའི་ཕྱིར་རོ། །ཅིའི་ཕྱིར་ན་མཛེས་མ་ཀུན་དུ་རྒྱུ་བ་སྲོག་དང་བྲལ་ནས་འཛེ་ཏའི་ཚལ་དུ་སྦས་ན་དེ་བཞིན
327b2 གཤེགས་པ་ཐམས་ཅད་མཁྱེན་པས་ཀྱང་གཡེལ་བར་བོར་ཞེ་ན། དེ་བཞིན་གཤེགས་པ་ནི་ཐོགས་པ་མེད་པའི་ཡེ་ཤེས་དང་ལྡན་པས་དེ་འདྲ་བར་འགྱུར་བར་ཡང་མཁྱེན་ལ་དེ་བཞིན་གཤེགས་པས་ཅི་ནས་ཀྱང་མཛེས་མ་ཀུན་དུ་རྒྱུ་བ་མཚོན
327b3 གྱིས་མི་ཟུག་པ་དང་། གཞན་དུ་འཕང་བར་བྱ་བ་དེ་ལྟ་བུའི་རྫུ་འཕྲུལ་བྱིན་གྱི་བརླབས་ཀྱང་ནུས་མོད་ཀྱི། དེ་བཞིན་གཤེགས་པ་མཛེས་མ་ཀུན་དུ་རྒྱུ་ཚེ་ཟད་པས་དེ་ངེས་པར་འཆི་དགོས་ལ། རྣམ་གྲངས་དེས་ཀྱང་མུ་སྟེགས་ཅན་གཞན
327b4 དག་རང་གིས་ཉེས་པས་ཤིན་དུ་ཚར་གཅོད་པར་འགྱུར་བར་མཁྱེན་ཏེ། ཆོས་དཀར་པོ་རྣམས་འཕེལ་བར་བྱ་བའི་ཕྱིར་གང་དེ་བཞིན་གཤེགས་པས་བྱིན་གྱིས་བརླབས་པ་དེ་ནི་སངས་རྒྱས་ཀྱི་ཡེ་ཤེས་སོ། །དེ་བས་ན་དེ་བཞིན་གཤེགས་པ
327b5 ཞག་བདུན་དུ་གྲོང་དུ་མ་གཤེགས་ཏེ། ལྷ་བྱེ་བ་ཕྲག་དྲུག་བཅུའང་བཏུལ་ལོ། །ཞག་བདུན་པོ་དེ་འདས་ནས་འཁོར་བཞི་བཅོམ་ལྡན་འདས་ཀྱི་དྲུང་དུ་ལྷགས་ནས། དེ་བཞིན་གཤེགས་པས་ཅི་ནས་ཀྱང་སྲོག་ཆགས་བརྒྱད་ཁྲི་བཞི་སྟོང
327b6 གིས་ཡེ་ཤེས་རྟོགས་པར་འགྱུར་བ་དེ་ལྟ་དེ་ལྟར་དེ་དག་ལ་ཆོས་བཤད་དོ། །ཅིའི་ཕྱིར་ན་དེ་བཞིན་གཤེགས་པས་ཟླ་བ་གསུམ་རྟའི་ཆས་ཀྱི་ནས་གསོལ་ཅེ་ན། དེ་བཞིན་གཤེགས་པས་བྲམ་ཟེ་དང་། ཁྱིམ་བདག་འདི་དག་ང་སྤྱན་དྲངས
327b7 ནས་མི་སེམས་པར་འགྱུར་རོ་སྙམ་དུའང་མཁྱེན་མོད་ཀྱི། དེ་བཞིན་གཤེགས་པས་མཁྱེན་བཞིན་དུ་དེར་ཚུལ་དུ་ཞུགས་སོ། །ཅིའི་ཕྱིར་ན་གང་རྟ་ལྔ་བརྒྱ་པོ་དེ་དག་གི་ཆས་ལ་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས
327b8 པས་ཟླ་བ་གསུམ་དུ་གསོལ་ཏེ། རྟ་དེ་དག་ཐམས་ཅད་ཀྱང་བྱང་ཆུབ་སེམས་དཔའི་ཐེག་པ་ལ་གནས་པ་སྔོན་གྱི་རྒྱལ་བ་ལ་བསྙེན་བཀུར་བྱས་པ་ཡིན་ན། དེ་དག་སྡིག་པའི་གྲོགས་པོའི་དབང་དུ་སོང་བས་སྡིག་པའི་ལས་བྱས་ཏེ།
iiif viewer powered by OpenSeadragon
