| e-texts navigator |
| Wylie |
318b1 མོའི་གཡོག་འདི་ལྟ་བུ་སྤངས་ཏེ་རབ་ཏུ་བྱུང་ན། བདག་ཅིའི་ཕྱིར་རབ་ཏུ་མི་འབྱུང་ཞེས་དེ་སྙམ་དུ་སེམས་པར་འགྱུར་ཞིང་ཡང་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱད་པ་སྤྱོད་པ་ན། གང་བུད་མེད་གཞོན་ནུ་དག
318b2 ཡོངས་སུ་སྨིན་པར་བྱས་ནས་དེ་དག་ཀྱང་མཛའ་བ་ཡིད་གཅུགས་པས་སྲིད་པ་ཐ་མའི་བར་དུ་བདག་ཅག་ནི་ཁྱོད་ཀྱི་ཆུང་མར་གྱུར་ཅིག་ཅེས་སྨོན་ལམ་བཏབ་ལ། དེ་དག་གིས་ཆོས་དཀར་པོ་དེ་རྣམས་ཀྱང་ཤིན་དུ་ཡོངས་སུ་སྨིན་པར་བྱ་བའི
318b3 ཕྱིར་བྱང་ཆུབ་སེམས་དཔའ་གཡོག་ལན་ཏེ། དེ་ལ་བྱང་ཆུབ་སེམས་དཔའ་སླས་ཀྱི་ནང་ན་གནས་ནས་བུད་མེད་བཞི་ཁྲི་ཉིས་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །ལྷག་མ་དག་ཀྱང
318b4 མི་ལྟུང་བའི་ཆོས་དང་ལྡན་པར་བྱས་སོ། །རྣམ་གྲངས་དེའི་ཕྱིར་ཡང་བྱང་ཆུབ་སེམས་དཔའ་གཡོག་ལེན་གྱི། གང་བུད་མེད་འདོད་ཆགས་ཀྱིས་ཡོངས་སུ་གདུངས་པས་ཡོངས་སུ་གདུང་བ་དེ་ཡང་བྱང་ཆུབ་སེམས་དཔའ་མཐོང་མ
318b5 ཐག་ཏུ་བདག་ཏུ་འདོད་ཆགས་དང་བྲལ་བར་ཤེས་སོ། །ཡང་བྱང་ཆུབ་སེམས་དཔའ་ནི་བདག་གི་ཆུ་ཞེང་དང་འདྲ་བར་སྤྲུལ་པ་དག་སྤྲུལ་ནས་བུད་མེད་དེ་དག་སྤྲུལ་པ་དེ་རྣམས་དང་རྩེ་དགའ་ཡོངས་སུ་སྤྱོད་ཅིང་བདག་ཅག་ནི་བྱང་ཆུབ་སེམས
318b6 དཔའ་དང་ལྷན་ཅིག་ཏུ་རྩེ་དགའ་ཞིང་ཡོངས་སུ་སྤྱོད་དོ་སྙམ་དུ་སེམས་མོད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང་ཏིང་ངེ་འཛིན་གྱི་དགའ་བ་དང་བདེ་བ་ལ་གནས་སོ། །འདི་ལ་སྤྲུལ་པ་རྣམས་ཀྱི་འདོད་པ་ལ
318b7 དགའ་བ་དང་ཡོངས་སུ་སྤྱོད་པ་ཇི་ལྟ་བ་མར་མེ་མཛད་ཚུན་ཅད་ཀྱི་བྱང་ཆུབ་སེམས་དཔའི་འདོད་པ་ལ་ཡོངས་སུ་སྤྱོད་པ་ཐམས་ཅད་ཀྱང་དེ་བཞིན་དུ་བལྟའོ། །བྲན་ཙན་ཏ་ཀ་དང་། ཏ་ཀན་ཏ་ཀ་ཡང་སྔོན་གྱི་སྨོན་ལམ་ལས་གྱུར་པར་བལྟའོ། །
318b8 ཅིའི་ཕྱིར་ན་བྱང་ཆུབ་སེམས་དཔའ་ཤིང་འཛམ་བུའི་གྲིབ་མ་ན་བསམ་གཏན་བྱེད་ཅེ་ན། བྱང་ཆུབ་སེམས་དཔའ་དེ་ན་གནས་པས་ལྷ་བྱེ་བ་ཕྲག་བདུན་བཅུ་བརྟུལ་ཞིང་དེ་ངེས་པར་མངོན་པར་ཁྱིམ་ནས་འབྱུང་བར་ཕ་མ་ལ་བསྟན
iiif viewer powered by OpenSeadragon
