| e-texts navigator |
| Wylie |
316b1 ཆུབ་སེམས་དཔའ་ནི་ཕ་མའི་མེར་མེར་པོ་ལས་གྱུར་པ་ཡིན་གྱི། རྫུས་སྟེ་སྐྱེས་པ་ཡིན་ནོ་སྙམ་དུ་སེམས་པའི་སེམས་ཅན་དེ་དག་གི་ཐེ་ཚོམ་བཅད་པའི་ཕྱིར་བྱང་ཆུབ་སེམས་དཔའ་མའི་དཀུ་བརྟོལ་ཏེ་ཞུགས་སོ། །ཞུགས་ནས་རྨ་དང་བུ་གར
316b2 མ་གྱུར་ལ་ཡུམ་སྒྱུ་མ་ཡང་དེའི་ཚེ་བདེ་བ་མྱོང་བ་ལྟ་བུ་སྔོན་མ་མྱོང་ངོ་། །ཅིའི་ཕྱིར་ཞེ་ན་བྱང་ཆུབ་སེམས་དཔའི་མ་ཤིང་བླག་ཤའི་ཡལ་ག་ལ་འཇུས་ཏེ། ཤ་འཆུས་སུ་བྱས་ནས་བྱང་ཆུབ་སེམས་དཔའ་སྐྱེས་ཤེ་ན། སེམས་ཅན་གང་དག་ལྷ་མོ་སྒྱུ
316b3 མ་ཨ་ནི་བུད་མེད་གཞན་བཞིན་དུ་སྡུག་བསྔལ་བའི་ཚོར་བས་བྱང་ཆུབ་སེམས་དཔའ་བསྐྱེད་དོ་སྙམ་དུ་དེ་ལྟར་སེམས་པའི་སེམས་ཅན་དེ་དག་ལ་བདེ་བར་བསྟན་པའི་ཕྱིར་བྱང་ཆུབ་སེམས་དཔའི་མས་ཤིང་བླག་ཤའི་ཡལ་ག་ལ་འཇུས་ནས་ཤ་འཆུས་སུ
316b4 བྱས་ཏེ་བྱང་ཆུབ་སེམས་དཔའ་བསྐྱེད་དོ། །ཅིའི་ཕྱིར་ན་བྱང་ཆུབ་སེམས་དཔའ་སྐྱེ་གནས་དང་ལུས་ཀྱི་ཕྱོགས་གཞན་ནས་མི་འབྱུང་བར་མའི་མངལ་བརྟོལ་ཏེ་དྲན་བཞིན་དུ་ཤེས་བཞིན་དུ་མངལ་གྱི་ལམ་ནས་བྱུང་ཞེ་ན། བྱང་ཆུབ་སེམས་དཔའ་ནི
316b5 གཙང་མར་སྤྱོད་ལ་འཇིག་རྟེན་གསུམ་པོ་ཐམས་ཅད་ཀྱི་མཆོག་ཡིན་པས། དེ་སྐྱེ་གནས་ལའང་མི་གནས་ཤིང་སྐྱེ་བ་བསྟན་དགོས་ལ་སེམས་ཅན་ཐ་མ་གཞན་དག་དང་ཡང་མི་འདྲ་སྟེ། དེ་བས་ན་བྱང་ཆུབ་སེམས་དཔའ་མའི་དཀུ་བརྟོལ་ནས
316b6 མངལ་གྱི་མལ་ནས་འབྱུང་ཞིང་སྐྱེས་མ་ཐག་ཏུ་དེའི་ཚེ་ན་གློ་ལ་རྨ་ཡང་མེད་དོ། །ཅིའི་ཕྱིར་ན་བྱང་ཆུབ་སེམས་དཔའ་སྐྱེས་མ་ཐག་ཏུ་བརྒྱ་བྱིན་ལྷའི་དབང་པོས་བླངས་ཀྱི་མིར་གྱུར་པ་གཞན་དག་གིས་མ་ཡིན་ཞེ་ན། བྱང་ཆུབ་སེམས་དཔའི
316b7 དགེ་བའི་རྩ་བ་ཤིན་དུ་འབར་བ་དང་བྱང་ཆུབ་སེམས་དཔའ་སྐྱེས་མ་ཐག་ཏུ་དེ་ལྟར་བརྒྱ་བྱིན་ལྷའི་དབང་པོས་བླངས་པར་ཤོག་ཤིག་ཅེས་སྨོན་ལམ་བཏབ་པའི་ཕྱིར་རོ། །ཅིའི་ཕྱིར་ན་བྱང་ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་གོམ་པ
316b8 བདུན་བོར་གྱི། དྲུག་དང་བརྒྱད་མ་ཡིན་ཞེ་ན། རྫུ་འཕྲུལ་དང་རྣམ་པར་འཕྲུལ་པ་དང་། སྐྱེས་བུ་དམ་པར་སྔོན་སུས་ཀྱང་མ་བསྟན་པ་བསྟན་དགོས་ལ་སེམས་ཅན་གང་དག་གི་དོན་གོམ་པ་བདུན་བོར་ཏེ་བྱ་བ་དེ་གོམ་པ་དྲུག་གིས་ཀྱང་མི
iiif viewer powered by OpenSeadragon
