| e-texts navigator |
| Wylie |
316a1 མི་གཡོ་ལ་སྤྲུལ་པས་བྱ་བ་ཐམས་ཅད་དང་། མངལ་དུ་འཇུག་པ་དང་། སྐྱེ་བ་དང་། མངོན་པར་འབྱུང་བ་དང་། དཀའ་བར་སྤྱོད་པ་ཐམས་ཅད་སྟོན་ཏེ། དེ་ཐམས་ཅད་ནི་བྱང་ཆུབ་སེམས་དཔའི་སྤྲུལ་པ་ཡིན་ནོ། །དེ་ཅིའི
316a2 ཕྱིར་ཞེ་ན། བྱང་ཆུབ་སེམས་དཔའ་ནི་གཙང་མར་སྤྱོད་པས་སླར་ཡང་མངལ་གྱི་མལ་དུ་མི་འཇུག་སྟེ། དེ་ཡང་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་བན་གླང་གི་བུ་དཀར་པོར་བསྒྱུར
316a3 ཏེ་མའི་མངལ་དུ་འཇུག་པར་སྟོན་ཅེ་ན། དཀར་པོའི་ཕྱོགས་ཡིན་པའི་ཐ་ཚིག་སྟེ། བྱང་ཆུབ་སེམས་དཔའ་སེམས་ཅན་ཐམས་ཅད་དང་། ཁྱད་ཞུགས་པས་དེའི་ཕྱིར་ཅི་ནས་ཀྱང་ལྷ་དང་ཡང་མི་འདྲ། མི་དང་ཡང་མི་འདྲ་བར་དེ་ལྟར་འཇུག་པ
316a4 བསྟན་པར་བྱ་དགོས་ཏེ། དེ་ཡང་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ། །ཅིའི་ཕྱིར་ན་བྱང་ཆུབ་སེམས་དཔའ་མའི་མངལ་ན་ཟླ་བ་དགུར་མི་གནས་པར་ཟླ་བ་བཅུར་གནས་ཤེ་ན་སེམས་ཅན་ཁ་ཅིག་ཀྱེ་མའོ་འདི
316a5 ནི་མངལ་ན་གནས་པའི་དུས་མ་ཚང་བས་དབང་པོ་ཉམས་པ་ཞིག་བྱུང་ངོ་། །ཞེས་དེ་ལྟར་སེམས་པའི་ཕྱིར་མངལ་ན་དབང་པོ་ཡོངས་སུ་རྫོགས་པར་སྟོན་པས་ཟླ་བ་བཅུར་གནས་ཀྱི་དགུར་མ་ཡིན་ཏེ། དེ་ཡང་བྱང་ཆུབ་སེམས་དཔའི་ཐབས
316a6 མཁས་པར་ཤེས་པར་བྱའོ། །ཅིའི་ཕྱིར་ན། བྱང་ཆུབ་སེམས་དཔའ་གྲོང་དང་གྲོང་ཁྱེར་དུ་མ་སྐྱེས་ཀྱི་དགོན་པར་སྐྱེས་ཤེ་ན། བྱང་ཆུབ་སེམས་དཔའ་ནི་ཡུན་རིང་པོ་ནས་དགོན་པ་ཤིན་དུ་དགོན་པའི་བསྔགས་པ་བརྗོད་པར་བྱེད
316a7 ལ་དབེན་པ་ན་གནས་ཤིང་གཙང་མར་སྤྱོད་པ་དང་། ཁྱིམ་གྱི་ནང་དུ་སོང་བར་གྱུར་ན། ལྷ་དང་ཀླུ་དང་། གནོད་སྦྱིན་རྣམས་ཀྱིས་ལྷའི་དྲི་དང་། ཕྱེ་མ་དང་། མེ་ཏོག་དག་གིས་རྒྱུན་མ་ཆད་པར་མཆོད་པ་བྱེད་མི་ནུས་པ་དང་། གྲོང་ཁྱེར་སེར
316a8 སྐྱའི་སེམས་ཅན་དག་རབ་ཏུ་དགའ་བར་གྱུར་པས་རྒྱུ་དང་རྐྱེན་དེའི་ཕྱིར་བྱང་ཆུབ་སེམས་དཔའ་དགོན་པར་སྐྱེས་སོ། །ཅིའི་ཕྱིར་ན་བྱང་ཆུབ་སེམས་དཔའ་མའི་དཀུ་བརྟོལ་ཏེ་མངལ་གྱི་མལ་དུ་ཞུགས་ཤེ་ན། སེམས་ཅན་གང་དག་བྱང
iiif viewer powered by OpenSeadragon
