| e-texts navigator |
| Wylie |
315a1 བྱང་ཆུབ་ནི་ཤིན་དུ་དཀོན་པའོ་ཞེས་ཚིག་སྨྲས་པར་འགྱུར། བཅོམ་ལྡན་འདས་དེ་སྐད་ཅེས་སྨྲས་པའི་དོན་གང་ལགས། དེ་སྐད་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཡེ་ཤེས་བླ་ལ
315a2 འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཆོག་གོ། །དེ་བཞིན་གཤེགས་པ་དང་བྱང་ཆུབ་སེམས་དཔའ་ལ་དྲོད་མ་འཛིན་ཅིག་།དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་ཐབས་མཁས་པ་བསམ་གྱིས་མི་ཁྱབ་པ་དང་ལྡན་པ་ཡིན་ཏེ།
315a3 སྐྱེས་བུ་དམ་པ་དེ་དག་ནི་ཇི་ལྟར་ཅི་ནས་ཀྱང་སེམས་ཅན་འདུལ་བར་འགྱུར་བ་དེ་ལྟ་དེ་ལྟར་གནས་པ་ཡིན་ནོ། །རིགས་ཀྱི་བུ་ལེགས་པར་ཤིན་དུ་ཉོན་ལ་ཡིད་ལ་ཟུང་ཤིག་དང་། ཐབས་མཁས་པ་ཞེས་བྱ་བའི་ཆོས་ཀྱི་རྣམ་གྲངས་ཁྱོད་ལ་བཤད་དོ། །
315a4 ཇི་ལྟར་བྱང་ཆུབ་སེམས་དཔས་མར་མེ་མཛད་ཚུན་ཆད་བསམ་གྱིས་མི་ཁྱབ་པའི་ཐབས་བསྟན་པ་དེ་ལས་ཅུང་ཟད་ཙམ་ཞིག་བསྟན་ཏོ། །རིགས་ཀྱི་བུ་གང་གི་ཚེ་ན་བྱང་ཆུབ་སེམས་དཔས་མར་མེ་མཛད་མཐོང་མ་ཐག་ཏུ་མི་སྐྱེ་བའི་ཆོས
315a5 ལ་བཟོད་པ་ཐོབ་པ་ཚུན་ཆད་བྱང་ཆུབ་སེམས་དཔའ་ལ་འཁྲུལ་པ་མེད་ཅ་ཅོ་མེད། དྲན་པ་ཉམས་པ་མེད་དེ། རིགས་ཀྱི་བུ་བྱང་ཆུབ་སེམས་དཔའ་བཟོད་པ་ཐོབ་པ་ནི་འདོད་ན་ནུབ་བདུན་གྱིས་བྱང་ཆུབ་ཐོབ་པར་འགྱུར། །འདོད་ན་སེམས་ཅན་ཡོངས་སུ
315a6 སྨིན་པར་བྱ་བའི་ཕྱིར་བསྐལ་པ་བརྒྱས་བྱང་ཆུབ་ཐོབ་པར་འགྱུར་རོ། །གལ་ཏེ་སླར་ཡང་སྲིད་པར་འོངས་ན་ཤེས་རབ་ཀྱི་སྟོབས་ཀྱིས་མཐུ་བསྐྱེད་པས་གང་གི་ཚེ་འདོད་པ་དེའི་ཚེ་འཚང་རྒྱའོ། །འདོད་ན་ཕྱི་མའི་མཐར་ཐུག་པར་གནས་ཀྱང་སྐྱོ་བར
315a7 མི་འགྱུར་ཏེ། དེ་ནི་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ། །རིགས་ཀྱི་བུ་གཞན་ཡང་ཉན་ཐོས་ནི་ཇི་ལྟར་བྱང་ཆུབ་སེམས་དཔའ་ཞི་བའི་ཏིང་ངེ་འཛིན་ལ་སྙོམས་པར་འཇུག་པ་བཞིན་དུ་ཏིང་ངེ་འཛིན་ཞི་བ་ཡིན་ཏེ། དེའི་ལུས་ཀྱང
315a8 མི་གཡོ་དེའི་སེམས་ཀྱང་མི་གཡོ་ཞིང་བདག་ཡོངས་སུ་མྱ་ངན་ལས་འདས་པར་འཛིན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཞི་བའི་ཏིང་ངེ་འཛིན་དེ་ལ་སྙོམས་པར་ཞུགས་ནས་སེམས་ཅན་ཡོངས་སུ་སྨིན་པར་བྱེད་ཅིང་བསྡུ་བའི
iiif viewer powered by OpenSeadragon
