| e-texts navigator |
| Wylie |
313b1 དུ་རྒྱང་མི་རིང་བ་ཞིག་ན་གྲོང་ཁྱེར་ཞིག་ཡོད་དེ། དེར་སུ་འགྲོ་བ་དེ་ནི་རྒ་བ་དང་འཆི་བར་མི་འགྱུར་གྱིས། ཀྱེ་སེམས་ཅན་དག་ཚུར་ཤེག་གྲོང་ཁྱེར་ཆེན་པོ་དེར་འདོང་ངོ་། །ངས་ནི་ཁྱེད་ཡོངས་སུ་དྲང་ངོ་ཞེས་དེ་སྐད་སྒྲ་བསྒྲགས། དབྱངས
313b2 ཀྱིས་བསྙད་པ་དང་། དེ་ན་གང་དམན་པ་ལ་མོས་ཤིང་འབྱུང་བའི་བསམ་པ་མཆིས་པ་དེ་དག་ནི་བདག་ཅག་བསྟན་པ་དེ་དང་། ཡུལ་དེར་མཆི་ཡང་འཚལ་ན་འདི་ནས་ཀྱང་མི་འཕག་ལ་གང་གྲོང་ཁྱེར་དེ་ན་ཡོན་ཏན་མཆིས་པ་དེ་དག་ཀྱང་འདི་ན
313b3 མཆིས་བཞིན་དུ་འབྱུང་བར་གྱུར་ཅིག་ཅེས་མཆིའོ། །གང་ཆེན་པོ་ལ་མོས་པ་དེ་དག་ནི་བདག་ཀྱང་མཆི་སྟེ། ཁྱོད་ཇི་ལྟ་བ་བདག་ཅག་ཀྱང་དེ་འདྲའོ་ཞེས་དེ་སྐད་མཆིའོ། །གང་བསོད་ནམས་ཆུང་བ་དེ་དག་ནི་སྒྲ་དེ་ཐོས་པ་དང་། ཐོས
313b4 ནས་ཡིད་ཆེས་པར་མི་བགྱིད་དོ། །དེ་ནས་སྐྱེས་བུ་མཁས་པ་དེ་འབྲོག་དགོན་པ་དེ་ནས་བྱུང་ནས་ལམ་དེ་མཐོང་ངོ་། །དེས་ཤུལ་མཐོ་གང་ཙམ་པོ་དེ་མཐོང་ནས་སོང་བ་དང་ལམ་གྱི་གཡས་ཕྱོགས་ན་གཡང་ས་ཁྲུ་འབུམ་དང་། གཡོན
313b5 ཕྱོགས་ན་གཡང་ས་ཁྲུ་འབུམ་མཆིས་ནས། དེའི་ལམ་གཡས་གཡོན་དུ་དེས་བརྩིག་པའི་རྟེན་བཅས་ཏེ། གྲཝ་བཞིས་ཤུལ་དེ་རྒལ་བར་བགྱིད་ཅིང་གཡས་སུ་འང་མི་བལྟ། གཡོན་དུའང་མྱི་བལྟ། དེའི་རྒྱབ
313b6 ནས་དགྲ་རྣམས་སྒྲ་སྒྲོག་ཅིང་འཇིགས་པར་སྟོན་ཀྱང་དེ་ཁ་ཕྱིར་ཡང་མི་བལྟ་སྟེ། ལམ་དུ་ཞུགས་པ་དང་། ཇི་ལྟ་ཇི་ལྟར་མཆི་བ་དེ་ལྟ་དེ་ལྟར་གྲོང་ཁྱེར་ཆེན་པོ་མཐོང་ངོ་དེ་ལྟ་དེ་ལྟར་དེའི་འཇིགས་པ་ཐམས་ཅད་ཀྱང་མ་མཆིས་སོ། །
313b7 གྲོང་ཁྱེར་ཆེན་པོ་དེར་ཕྱིན་ནས་སེམས་ཅན་དཔག་ཏུ་མ་མཆིས་པ་རྣམས་ཀྱི་དོན་ཡང་བགྱིད་དོ། །བཅོམ་ལྡན་འདས་འབྲོག་དགོན་པ་ཞེས་བགྱི་བ་ནི་དེ་ལྟར་འཁོར་བའི་འབྲོག་དགོན་པར་བལྟ་བར་བགྱིའོ། །བརྩིག་པ་འཁོར
313b8 བའི་རྩེ་མོའི་བར་དུ་ཕྱིན་པ་ཞེས་བགྱི་བ་ནི་དེ་ལྟར་མ་རིག་པ་དང་། སྲེད་པ་དང་སྲིད་པར་བལྟ་བར་བགྱིའོ། །སྲོག་ཆགས་བརྒྱ་སྟོང་མང་པོ་འབྲོག་དགོན་པ་དེ་ན་མཆིས་ཤེས་བགྱི་བ་ནི་དེ་ལྟར་བྱིས་པ་ལྟ་བུ་སོ་སོའི་སྐྱེ་བོ་ཐམས
iiif viewer powered by OpenSeadragon
