| e-texts navigator |
| Wylie |
313a1 དཔའ་ཆེན་པོ་རྣམས་ནི་ཞི་བའི་ཏིང་ངེ་འཛིན་ལ་གནས་ཀྱང་སེམས་ཅན་རྣམས་ལ་སྙིང་བརྩེ་བའི་སླད་དུ་སླར་ཡང་འདོད་པའི་ཁམས་སུ་ཡང་གདའོ། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ
313a2 ལ་གནས་ཤིང་ཉན་ཐོས་དང་རང་སངས་རྒྱས་ཀྱི་ཆོས་རྣམས་ལ་ཡང་མ་རེག་ལ་ཐམས་ཅད་མཁྱེན་པའི་སེམས་ལ་ཡང་འབབ་པར་བགྱིད་དོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བསམ་གྱིས་མི་ཁྱབ་པའི
313a3 ཐབས་མཁས་པ་ལ་གནས་ལ་དེ་ནི་འདི་ལྟ་སྟེ། ཆགས་པར་འགྱུར་བའི་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ཐམས་ཅད་ལ་སྤྱོད་ཀྱང་དེ་དག་ལ་ཆགས་པར་མི་བགྱིད་དོ། །བྱང་ཆུབ་སེམས་དཔའ་སེམས
313a4 དཔའ་ཆེན་པོ་རྣམས་ལས་བརྩམས་ཏེ། དཔེ་ཆུང་ཟད་ཅིག་གསོལ་བར་བཅོམ་ལྡན་འདས་བདག་སྤོབས་སོ། །བདེ་བར་གཤེགས་པ་བདག་སྤོབས་སོ། །བཀའ་སྩལ་པ། འོད་སྲུང་ཁྱོད་སྤོབས་པར་གྱིས་ཤིག་།
313a5 བཅོམ་ལྡན་འདས་འདི་ལྟ་སྟེ། དཔེར་ན་འབྲོག་དགོན་པ་ཞིག་མཆིས་ལ། འབྲོག་དགོན་པ་དེ་ན་བརྩིག་པས་འཁོར་བའི་རྩེ་མོའི་བར་དུ་ཕྱིན་པ་ཞིག་ཀྱང་མཆིས་པར་གྱུར། དགོན་པ་དེ་ན་ཆབ་སྒོ་ཡང་གཅིག་པུ་ཞིག་མཆིས་པར
313a6 གྱུར། འབྲོག་དགོན་པ་དེ་ན་སྲོག་ཆགས་བརྒྱ་སྟོང་དུ་མ་ཡང་མཆིས་པར་གྱུར། འབྲོག་དགོན་པ་དེ་ནས་ཤིན་དུ་རྒྱང་མི་རིང་བ་ཞིག་ན་གྲོང་ཁྱེར་ཞིག་ཀྱང་མཆིས་ལ་འབྱོར་པ་དང་། བདེ་བ་དང་ལོ་ལེགས་པ་དང་མིའི་སྐྱེ་བོས་གང་བར་གྱུར།
313a7 གང་དག་གྲོང་ཁྱེར་དེར་མཆིས་པ་དེ་དག་ཀྱང་རྒ་བ་དང་འཆི་བར་མི་འགྱུར་ལ། གྲོང་ཁྱེར་ཆེན་པོ་དེའི་ཤུལ་ནི་མཐོ་གང་ཙམ་དུ་གྱུར་ལ། དེ་ན་གཡས་གཡོན་དུ་གཡང་ས་ཁྲུ་འབུམ་མཆིས་པར་གྱུར་ཅིང་། འབྲོག་དགོན་པ་དེའི་དབུས
313a8 ན་སེམས་ཅན་མཁས་པ། ཞི་བ་པ་ཡིད་གཞུངས་པ་དོན་འཚལ་བ། ཕན་པར་འཚལ་བ། འབྱོར་པ་དང་བདེ་བར་འཚལ་བ་གཅིག་ཅིག་སྐྱེས་ལ་དེས་འབྲོག་དགོན་པ་དེར་སེམས་ཅན་དེ་དག་ལ་འབྲོག་དགོན་པ་འདི་ནས་ཤིན
iiif viewer powered by OpenSeadragon
