| e-texts navigator |
| Wylie |
307b1 སྐད་ཅེས་སྨྲས་སོ། །གལ་ཏེ་བདག་ཁྱོད་དང་མཇལ་བར་མི་འགྱུར་ན་བདག་འགུམ་པར་འགྱུར་རོ། །དེ་ནས་ཁྱེའུ་སྐར་མས་འདི་སྙམ་དུ་བསམས་སོ། །གང་བདག་གིས་ལོ་བཞི་ཁྲི་ཉིས་སྟོང་གི་བར་དུ་ཚངས་པར་སྤྱོད་པ་སྤྱད་ནས་བརྟུལ
307b2 ཞུགས་གཞིག་པ་ནི་བདག་གིས་མི་ཆའོ་སྙམ་ནས་ནན་གྱིས་འཐེན་ཏེ་བུད་མེད་དེས་བཏང་ནས་གོམ་པ་བདུན་འཕགས་པ་དང་། དེ་གོམས་པ་བདུན་པ་ལ་གནས་ནས་སྙིང་རྗེ་སྐྱེས་ཏེ། བདག་གིས་བརྟུལ་ཞུགས་འདི་བཤིག་ནས་སེམས་ཅན
307b3 དམྱལ་བར་སོང་བར་གྱུར་ཀྱང་སེམས་ཅན་དམྱལ་བའི་སྡུག་བསྔལ་དེ་མྱོང་བར་བཟོད་ཀྱི། བུད་མེད་འདི་ཤིར་འོང་གིས་བདེ་བར་གྱུར་ཅིག་ཅེས། རིགས་ཀྱི་བུ་ཁྱེའུ་སྐར་མ་དེ་ཁ་སླར་ལོག་སྟེ། བུད་མེད་དེ་ལག་པ་གཡས་པས་བཟུང
307b4 ནས་སྲིང་མོ་ཁྱོད་ཅི་འདོད་པ་བྱས་ལོངས་ཤིག་ཅེས་དེ་སྐད་སྨྲས་སོ། །དེ་ནས་ཁྱེའུ་སྐར་མ་ལོ་བཅུ་གཉིས་ཀྱི་བར་དུ་ཁྱིམ་ན་གནས་ནས་སླར་ཡང་མངོན་པར་བྱུང་སྟེ། ཚངས་པའི་གནས་བཞི་བསྐྱེད་ནས་ཤི་འཕོས་པ་དང་།
307b5 ཚངས་པའི་འཇིག་རྟེན་དུ་སྐྱེས་སོ། །རིགས་ཀྱི་བུ་ཁྱོད་དེའི་ཚེ་དེའི་དུས་ན་ཁྱེའུ་སྐར་མ་ཞེས་བྱ་བ་དེ་གཞན་ཡིན་སྙམ་དུ་དེ་ལྟར་མ་ལྟ་ཞིག་།དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན་ང་ནི་ཁྱེའུ་སྐར་མར་གྱུར་ཏོ། །གྲགས
307b6 འཛིན་མ་ནི་ཆུ་ཆུན་དུ་གྱུར་ཏོ། །རིགས་ཀྱི་བུ་ང་འདོད་པ་ངན་པ་དང་ལྡན་པའི་སྙིང་རྗེ་ཆེན་པོའི་སེམས་བསྐྱེད་པས་ཀྱང་བསྐལ་པ་སྟོང་ཕྲག་བཅུའི་བར་དུ་འཁོར་བ་ལ་རྒྱབ་ཀྱིས་ལྟས་ཤིང་སྤངས་པར་གྱུར་ཏོ། །རིགས
307b7 ཀྱི་བུ་ལྟོས། གང་སེམས་ཅན་གཞན་དག་སེམས་ཅན་དམྱལ་བར་སྐྱེ་བར་འགྱུར་བ་དེ་བྱང་ཆུབ་སེམས་དཔའ་ཐབས་མཁས་པ་ནི་ཚངས་པའི་འཇིག་རྟེན་དུ་སྐྱེ་བར་འགྱུར་རོ། །རིགས་ཀྱི་བུ་གལ་ཏེ་དགེ་སློང་མཽད་གལ་གྱི་བུ་དང་།
307b8 ཤཱ་རིའི་བུ་ཐབས་མཁས་པ་དང་ལྡན་དུ་ཟིན་ན་ནི་དགེ་སློང་ཀོ་ཀ་ལི་ཀ་དེ་སེམས་ཅན་དམྱལ་བར་འགྲོ་བར་མི་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་ངས་མངོན་པར་ཤེས་པ་འདས་པའི་དུས་ན་དེ་བཞིན་གཤེགས་པ་ལོག
iiif viewer powered by OpenSeadragon
