| e-texts navigator |
| Wylie |
306b1 པའི་བྱང་ཆུབ་ཏུ་སེམས་བསྐྱེད་དོ་སྙམ་དུ་དེ་ལྟར་སེམས་པར་གྱུར་ཏོ། །དགའ་བོ་དེ་ནས་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོའི་སེམས་ཀྱིས་སྲིང་མོ་དེའི་སེམས་ཀྱི་ཡོངས་སུ་རྟོག་པ་ཤེས་ནས་དེ་ཉིད་ཀྱི་ནུབ་མོ་འདས་པ་དང་།
306b2 དེའི་ཁྱིམ་དུ་འོངས་ཏེ། གང་ནང་གི་སའི་ཁམས་དང་། གང་ཕྱིའི་སའི་ཁམས་སུ་གཅིག་པའི་ཆོས་ཀྱི་སྒོ་ས་འདྲ་བའི་སེམས་དེས་སྲིང་མོ་དེ་ལག་པ་གཡས་པས་བཟུང་སྟེ། ཁྲི་གཅིག་ལ་འདུག་གོ། །འདུག་མ་ཐག་ཏུ་ཚིགས་སུ་བཅད
306b3 པ་འདི་སྨྲས་སོ། །སངས་རྒྱས་འདོད་པ་བསྔགས་མི་མཛད། །དེ་ནི་བྱིས་པའི་སྤྱོད་ཡུལ་ཏེ། །འདོད་པའི་སྲེད་པ་སྤངས་ནས་ནི། །སངས་རྒྱས་མི་ཡི་མཆོག་ཏུ་འགྱུར། །དགའ་བོ་དེ་ནས་སྲིང་མོ་དེ་དགའ་ཞིང་རབ་ཏུ་མགུ་བ་སྐྱེས་ནས
306b4 ཁྲི་དེ་ལས་ལངས་ཏེ། བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོའི་རྐང་པ་ལ་ཕྱག་འཚལ་ནས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཀྱིས་ནི་གང་སྨད་པ། །འདོད་པ་སླན་ཆད་བདག་མི་འཚལ། །འདོད་པའི
306b5 སྲེད་པ་སྤངས་ན་ནི། །སངས་རྒྱས་མི་ཡི་མཆོག་ཏུ་འགྱུར། །བདག་གི་སེམས་ཀྱིས་གང་བསམས་པའི། །ནོངས་པ་དེ་ནི་ཁྱེད་ལ་བཤགས། །སྲོག་ཆགས་ཀུན་ལ་བདེ་བའི་ཕྱིར། །བྱང་ཆུབ་ཏུ་ནི་མོས་བསྐྱེད་དོ། །དགའ་བོ་འདི་ལྟ་སྟེ།
306b6 བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་ཐབས་མཁས་པ་དེས་སྲིང་མོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བསླབས་ནས་སྟན་ལས་ལངས་ཏེ་སོང་ངོ་། །དགའ་བོ་ལྷག་པའི་བསམ་པའི་ཁྱད་པར་ལ་ལྟོས། ངས་སྲིང་མོ་དེ་ལུང
306b7 བསྟན་ཏོ། །འདི་ནས་ཤི་འཕོས་ནས་བུད་མེད་ཀྱི་ལུས་བརྗེས་ཏེ། བསྐལ་པ་གྲངས་མེད་པ་བརྒྱ་སྟོང་ཕྲག་དགུ་བཅུ་རྩ་དགུ་ན་ཀུན་ནས་ལྡང་བ་དང་བྲལ་བ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
306b8 སངས་རྒྱས་འཇིག་རྟེན་དུ་འབྱུང་བར་འགྱུར་ཏེ། དགའ་བོ་ཁྱོད་རྣམ་གྲངས་དེས་ཀྱང་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་བར་སྣང་དེ་ལས་བབས་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས། བཅོམ་ལྡན་འདས
iiif viewer powered by OpenSeadragon
