| e-texts navigator |
| Wylie |
301b1 འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་གཅིག་ལ་གཅིག་མི་རྟེན་ཏོ། །གཅིག་ལ་གཅིག་སྤྱོད་ཡུལ་མ་ལགས་སོ། །
301b2 བཅོམ་ལྡན་འདས་ཆོས་ཐམས་ཅད་ནི་རྟོག་པ་མ་མཆིས་པ། སྟོང་པ་ཉིད་དང་། སྒྲོ་མ་བཏགས་པ། ཡང་དག་པའི་མཐའ་དེ་བཞིན་ཉིད་དུ་རྟོགས་པར་བགྱིའོ། །བཅོམ་ལྡན་འདས་ནམ་མཁའི་སྙིང་པོ་ནི
301b3 འདི་ལྟ་སྟེ། རང་གི་མཚན་ཉིད་ཐ་མི་དད་པ། མི་རྟོག་པ། རྣམ་པར་མི་རྟོག་པ། མི་གཡོ་བ། གསོབ་ལགས་ཏེ། མྱུ་གུ་མ་མཆིས་པ། ས་བོན་མ་མཆིས་པ། འབྲས་བུ་མ་མཆིས་པ། རྣམ་པར
301b4 སྨིན་པ་མ་མཆིས་པ། ཡི་གེ་མ་མཆིས་པ། རློམ་སེམས་མ་མཆིས་པ་ལགས་སོ། །བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ལ་དེ་ལྟར་རྟོགས་ན་མི་སྐྱེ
301b5 བའི་ཆོས་ལ་བཟོད་པ་ཐོབ་པར་འགྱུར་རོ། །འདི་ལྟ་སྟེ། བཅོམ་ལྡན་འདས། བྱ་བ་རཱ་ཛ། མན་ཏ་ཀྵཱ་ཡ། ཛི་ན་ཛ་ཡ། ཛ་ན་ནི་མ་མུ་ནི་ཧ་ར། ཨ་ན་ཡ་ཕ་ལ། གུ་ཎ་གརྦྷ། ནི་ཡ་མ་སུ་རི
301b6 ནཱ་ཡ། བུ་པ་ཤ་།ཤ་ཏ་ཤ་པ། ཤ་མ་ཤ་ན། ཏ་ཐ་ཀ་མ། ཤ་མཾ་གུ། མཱ་ཏུ་ཤི་ཥ། ཤ་མ་ཙེ་ཏ་ནཱ་ཡ། ཀླེ་ཤཱན་ཏ་སཾ་ཤོ་ཥ་ཎེ་སྭཱ་ཧཱ། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ
301b7 ལེགས་སོ། །རིགས་ཀྱི་བུ་ཁྱོད་ཀྱིས་མིག་ལས་རྒྱལ་བར་བྱེད་པ་སེང་གེའི་འགྲོས་ཀྱི་ཕྱིར་བསྒྱིངས་པའི་གཟུངས་འདིས་སེམས་ཅན་དག་འཆི་བའི་ཚེ། ཐ་མའི་རྣམ་པར་ཤེས་པ་ཉོན་མོངས་པའི་སྒྲིབ་པ
301b8 དང་། ལས་ཀྱི་སྒྲིབ་པ་དང་། ཆོས་ཀྱི་སྒྲིབ་པ་ཡོད་པ་སྤྲུག་པ་དང་། སངས་རྒྱས་ཀྱི་ཞིང་ཡོངས་སུ་དག་པར་གཏོང་ནུས་སོ། །ཁྱོད་ནི་འཇིག་རྟེན་གྱི་ཁམས་དཔག་ཏུ་མེད། གྲངས་མེད་པར་འགྲོ་བ
iiif viewer powered by OpenSeadragon
