| e-texts navigator |
| Wylie |
301a1 མངོན་དུ་འགྱུར་ཏེ། འདི་ལྟ་སྟེ། དྲན་པ་ཉེ་བར་གཞག་པ་བཞི་ནས་འཕགས་པའི་ལམ་ཡན་ལག་བརྒྱད་པའི་བར་ལ་གནས་པར་འགྱུར་རོ། །སངས་རྒྱས་ཀྱི་ཆོས་མ་འདྲེས་པ་བཅཝ་བརྒྱད་ཀྱི་བར་ལ་གནས
301a2 པར་འགྱུར་རོ། །སེམས་ཅན་ཐམས་ཅད་སྙིང་རྗེ་ཉིད་ལ་ཤིན་དུ་གནས་པར་འགྱུར་རོ། །དེ་དག་ལས་ཀྱང་འཇིག་རྟེན་དུ་དགྲ་བཅོམ་པ་རྣམས་འབྱུང་བར་འགྱུར་རོ། །རང་སངས་རྒྱས་རྣམས་དང་། བྱང་ཆུབ
301a3 སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་དུ་འབྱུང་བར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བར་འགྱུར་རོ། །རིགས
301a4 ཀྱི་བུ་འདི་ཇི་སྙམ་དུ་སེམས། ནམ་མཁའ་མིག་ལ་གནས་སམ། གསོལ་པ། བཅོམ་ལྡན་འདས་དེ་མ་ལགས་སོ། །ཅི་མིག་གི་རྣམ་པར་ཤེས་པ་ལ་གནས་སམ། བཅོམ་ལྡན་འདས་དེ་མ་ལགས་སོ། །
301a5 ཅི་མིག་གིས་ཀུན་དུ་རེག་པ་ལ་གནས་སམ། བཅོམ་ལྡན་འདས་དེ་མ་ལགས་སོ། །གང་ཡང་ནང་དུ་མིག་གིས་ཀུན་དུ་རེག་པའི་རྐྱེན་གྱིས་ཚོར་བ་གསུམ་འབྱུང་བ་དེ་ལ་ནམ་མཁའ་གནས་སམ། གསོལ་པ་བཅོམ་ལྡན
301a6 འདས་དེ་མ་ལགས་སོ། །དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་ལ་ཡང་བརྗོད་པར་བྱའོ། །རིགས་ཀྱི་བུ་འདི་ཇི་སྙམ་དུ་སེམས། ནམ་མཁའ་ཡིད་ལ་གནས་པ་ནས་ཡིད་ཀྱིས་ཀུན་དུ་རེག་པའི་རྐྱེན་གྱིས་ཚོར་བ
301a7 གསུམ་འབྱུང་བ་དེ་ལ་ནམ་མཁའ་གནས་སམ། གསོལ་པ། བཅོམ་ལྡན་འདས་དེ་མ་ལགས་སོ། །རིགས་ཀྱི་བུ་འདི་ཇི་སྙམ་དུ་སེམས། སེམས་ཅན་ནམ་མཁའ་ལ་གནས་སམ། གསོལ་པ། བཅོམ་ལྡན
301a8 འདས་དེ་མ་ལགས་སོ། །རིགས་ཀྱི་བུ་འདི་ཇི་སྙམ་དུ་སེམས། ནམ་མཁའ་སེམས་ཅན་ལ་གནས་སམ། གསོལ་པ། བཅོམ་ལྡན་འདས་དེ་མ་ལགས་སོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན
iiif viewer powered by OpenSeadragon
