| e-texts navigator |
| Wylie |
299b1 བྱེད། ཁྲུས་བྱས་ཏེ་གོས་གཙང་མ་བགོས་ནས་ཐོ་རངས་ཀྱི་ཐུན་ལ་བྱང་ཆུབ་སེམས་དཔའ་ནམ་མཁའི་སྙིང་པོ་ལ་སྐྱབས་སུ་སོང་ནས་གསོལ་བ་གདབ་པ་འདི་སྐད་དུ་བརྗོད་པར་བྱེད་དེ། ནམ་མཁའི་སྙིང་པོ་ཐུགས་རྗེ་ཆེན་པོ་དང་ལྡན
299b2 པ་བདག་ལ་སྐལ་བ་སྩོལ་ཅིག་། བསམ་པ་དང་། སེམས་པ་ཐམས་ཅད་དང་། བསམ་པ་ཡིད་བཞིན་དུ་རབ་ཏུ་རྫོགས་པར་མཛོད་ཅིག་།གང་སེམས་ཤིང་གང་གསོལ་བ་ཐུགས་རྗེ་ཆེན་པོ་དང་ལྡན་པ་ཁྱོད་ཀྱིས་མཛོད་ཅིག་ཅེས
299b3 བརྗོད་ན། དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་ལྷའི་རྣ་བའི་ཁམས་རྣམ་པར་དག་པ། མིའི་ལས་འདས་པས་སྒྲ་དེ་ཐོས་ནས་སེམས་ཅན་དེ་དག་ལ་བདག་ཅི་རིགས་པར་སྟོན་ཏེ། དེ་དག་ལ་དེ་ལྟར་ཐབས་ཀྱང
299b4 སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དེ་ནི་དེ་ལྟ་བུའི་ཐབས་ཀྱི་ཡོན་ཏན་གྱི་ཆོས་དང་ལྡན་ནོ། །བློ་རྒྱ་མཚོ་ཆེན་པོ་དང་ལྡན་ནོ། །རིགས་ཀྱི་བུ་རྒྱ་མཚོ་ཆེན་པོའི་ཆུའི་ཐིག་པ་ནི་ལ
299b5 ལ་ཞིག་གིས་ཚད་བཟུང་བར་ནུས་སྲིད་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ཐབས་དང་ཡེ་ཤེས་ལ་མཁས་པ་དང་། ཐབས་ཀྱིས་སེམས་ཅན་ཡོངས་སུ་སྨིན་པར་བྱ་བའི་ཚད་ནི་བཟུང་མི
299b6 ནུས་སོ། །རིགས་ཀྱི་བུ་ཕྱོགས་བཅུའི་ནམ་མཁའ་མཐའ་ཡས་མུ་མེད་པ་ཐམས་ཅད་ཀྱི་ཚད་ནི་ལ་ལས་གཟུང་བར་ནུས་སྲིད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་སེམས་ཅན་ཡོངས་སུ
299b7 སྨིན་པར་བྱ་བའི་ཕྱིར་རྣམ་པ་སྣ་ཚོགས་སུ་སྤྲུལ་པར་བྱེད་པ་ནི་ཚད་བཟུང་མི་ནུས་ཏེ། ལ་ལར་ནི་སེམས་ཅན་ཡོངས་སུ་སྨིན་པར་བྱ་བའི་ཕྱིར་སངས་རྒྱས་ཀྱི་གཟུགས་སུ་སྤྲུལ་པར་བྱེད་དོ། །ལ་ལར་ནི་བྲམ་ཟེའི་གཟུགས་སུ་བྱེད
299b8 ཅིང་། སེམས་ཅན་ཇི་ལྟ་བུས་འདུལ་བ་དེ་ལྟ་བུའི་གཟུགས་ཀྱི་བར་དུ་སྤྲུལ་པར་བྱེད་དེ། དེ་དུད་འགྲོའི་སྐྱེ་གནས་སུ་སྐྱེས་པ་རྣམས་ཀྱི་ནང་དུ་ནི་དུད་འགྲོའི་གཟུགས་སུ་སྤྲུལ་པར་བྱེད་དོ། །སེམས་ཅན་དམྱལ་བ་པ་རྣམས
iiif viewer powered by OpenSeadragon
