| e-texts navigator |
| Wylie |
299a1 གསད་པ་ལ་ཐུག་པ་དང་། གང་ནད་ཀྱིས་བཏབ་པ་དང་། ནད་ཀྱིས་འཇིགས་པ་དང་། གང་དག་ཆོས་གོས་དང་། བསོད་སྙོམས་དང་། མལ་ཆ་དང་། སྟན་དང་། ན་བའི་གསོས་སྨན་དང་། ཡོ་བྱད་ཀྱིས་ཕོངས
299a2 པ་དེ་དག་གལ་ཏེ་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ནས་བརྗོད་ཅིང་། མཆོད་པ་ཅི་ནུས་ཀྱིས་བྱེད་ལ་སེམས་ཅན་ཐམས་ཅད་ལ་བྱམས་པའི་སེམས་ཀྱིས་གཞོག་ཅིང་འདི་སྐད་དུ་ཡང་སྨྲ་སྟེ། དགོངས་ཤིག་དགོངས་ཤིག་།
299a3 ཐུགས་རྗེ་ཆེན་པོ་དང་ལྡན་པ་གྲགས་པ་ཆེན་པོ་ནམ་མཁའི་སྙིང་པོ་འགྲོ་བའི་དོན་བཞེད་པ། ཐུགས་རྗེ་ཆེན་པོ་དང་ལྡན་པ་བདག་ལ་གཟིགས་ཤིག་།བདག་འདི་ལྟ་བུ་ལས་རབ་ཏུ་ཐར་པར་མཛོད་ཅིག་།སྐལ་བ་སྩོལ་ཅིག་།
299a4 མཐུ་ཆེན་པོ་བདག་ནི་སྡུག་བསྔལ་གྱིས་ཉམ་ཐག་གོ། །ཤིན་དུ་དབུལ་ལོ། །བདག་ནི་ཁྱོད་ལ་བརྟེན་ནས་ཞི་བ་དང་བདེ་བ། ཚེ་འདི་དང་ཚེ་རབས་གཞན་དུ་ཐོབ་པར་འགྱུར་རོ། །ཞེས་སྨྲས་པ་དང་། བྱང་ཆུབ་སེམས་དཔའ་ནམ
299a5 མཁའི་སྙིང་པོ་གཟུགས་ཐ་མལ་པ་ནས་བུ་མོའི་གཟུགས་ཀྱི་བར་གྱིས་སེམས་ཅན་དེ་དག་གི་མདུན་དུ་འདུག་སྟེ། དབུགས་འབྱིན་པར་བྱེད་དོ། །གང་དག་ཅི་ལས་འཇིགས་པ་དེ་དག་དེ་ལས་རབ་ཏུ་ཐར་བར་བྱེད་དོ། །གང་དག
299a6 དབུལ་བ་གོས་མེད་པ་ནས་གང་དག་ཡོ་བྱད་ཀྱིས་བྲེལ་བ་དག་གི་བར་དུ་དེ་དག་ལ་དེ་ལྟ་དེ་ལྟར་བསམ་པ་ཡོངས་སུ་རྫོགས་པར་བྱེད་དོ། །ཡོ་བྱད་ཐམས་ཅད་ཕུན་སུམ་ཚོགས་པའི་བར་དུ་འགྱུར་རོ། །རྒྱལ་པོའི་བུ་ལ་ལ་ཞིག་གནས
299a7 ཆེན་པོའི་དབང་བསྐུར་བ་ཐོབ་པར་སེམས་པ་དེ་གལ་ཏེ་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་བརྗོད་ཅིང་ཕྱག་འཚལ་ལ། མཆོད་པ་དང་རིམ་གྲོ་བྱེད་པ་ལ་སོགས་ཏེ། བྲམ་ཟེའི་གནས་ཆེན་པོ་དང་། ཁྱིམ་བདག
299a8 གི་གནས་ཆེན་པོ་དང་། བཟོའི་གནས་ཆེན་པོ་དང་། ཐོས་པའི་གནས་ཆེན་པོ་དང་སྒོམ་པའི་གནས་ཆེན་པོ་དང་། གང་མོས་པའི་གནས་ཆེན་པོའི་བར་དུ་འདོད་པ་དེ་དག་གལ་ཏེ་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ཐོས་ནས་ཕྱག་འཚལ་བར
iiif viewer powered by OpenSeadragon
