| e-texts navigator |
| Wylie |
298b1 ཐུན་ལ་བྱང་ཆུབ་སེམས་དཔའ་ནམ་མཁའི་སྙིང་པོ་ལ་ཕྱག་འཚལ་ཏེ་མཆོད་པ་ཅི་ནུས་ཀྱིས་བྱའོ། །སེམས་ཅན་ཐམས་ཅད་ལ་བྱམས་པའི་སེམས་ཉེ་བར་གཞག་སྟེ་འདི་སྐད་ཅེས་བརྗོད་དོ། །དགོངས་ཤིག་དགོངས་ཤིག་།ནམ་མཁའི་སྙིང
298b2 པོ་ཐུགས་རྗེ་ཆེན་པོ་བརྙེས་པ། བདག་ལ་དྲན་པ་དང་། ཏིང་ངེ་འཛིན་གྱི་རྣལ་འབྱོར་སྩོལ་ཅིག་།འདི་ལྟ་སྟེ། ཨུ་མུ་ར་ཎ་ཁེ། བཀྵ་མ་ནི་ལེ། ས་མུ་དྲ། ཨ་བ་ད་རེ་ན། ན་ཡ་ན་ཡ། མ་ཧཱ་ཀཱ་རུ་ཎི་ཀཱ། ཨ་ནུ་པ་མ་ཛམ་བྷ་སྨྲྀ་ཏི། ཨ་ཀྲ
298b3 ཛམ་བྷ་སྨྲྀ་ཏི། བཛྲ་ཛམ་བྷ་སྨྲྀ་ཏི། ཀོ་ཥ་སྨྲྀ་ཏི། ཨ་ནུ་པ་མ་སྨྲྀ་ཏི། བྷཱུ་ཏ་ཀོ་ཊི་སྭཱ་ཧཱ། དེ་ལ་དྲན་པ་དང་ཏིང་ངེ་འཛིན་ལ་འཇུག་པ་སྦྱིན་པར་བྱེད་དོ། །གང་ཡང་སངས་རྒྱས་ཀྱི་བཀའ་ཡང་རུང་། ཉན་ཐོས་ཀྱིས་བཤད་པ་ཡང་རུང
298b4 སྟེ། བསྟན་བཅོས་སྣ་ཚོགས་ཀློག་པར་འདོད་ན། དེས་ཁྲུས་བྱས་ཏེ་སྐྱ་རེང་འབྱུང་བའི་ཚེ་བྱང་ཆུབ་སེམས་དཔའ་ནམ་མཁའི་སྙིང་པོ་ལ་ཕྱག་བྱའོ། །མཆོད་པ་ཅི་ནུས་ཀྱིས་བྱའོ། །སེམས་ཅན་ཐམས་ཅད་ལ་བྱམས་པའི་སེམས་སུ
298b5 བྱའོ། །འདི་སྐད་ཀྱང་བརྗོད་པར་བྱའོ། །དགོངས་ཤིག་དགོངས་ཤིག་།མཁས་པ་ཆེན་པོ་སེམས་ཅན་ཐམས་ཅད་ཀྱི་ནང་ན་བསམ་གྱིས་མི་ཁྱབ་པའི་རིགས་ཀྱི་བུ་ནམ་མཁའི་སྙིང་པོ་གང་ཟག་གི་མཆོག་།དྲན་པ་དང་ཏིང་ངེ་འཛིན་གྱི་རྣལ
298b6 འབྱོར་བདག་ལ་སྩོལ་ཅིག་། འདི་ལྟ་སྟེ། ཨི་ནཱི་ལ་ཛ། བི་ཥན་དུ་ཥ་ཛ། བི་ཡ་བ་ན་ཛ། བི་བཀྵི་ས་མེ། པཱ་ཤ་ལ་ཛ་སི། སྠཱ་ན་ཤ་ར་བེ། ཤསྟྲ་ཀརྞྞེ། ཧུ་མ་ཧུ་མ། མ་ཧཱ་ཀཱ་རུ་ཎི་ཀ་སྭཱ་ཧཱ། གང་རྒྱ་མཚོ་ཆེན་པོར་འཇུག
298b7 འདོད་པ་དང་། གང་ཁུང་དུ་འཇུག་འདོད་པ་དང་། གང་བཅུད་དམ་པ་སྤྱོད་པར་འདོད་པར་གྱུར་པ་དང་། གང་བཙོན་རར་བཅུག་པ་དང་། གང་མཛའ་བ་དང་བྲལ་བ་དང་། གང་མི་མཛའ་བ་དང་ཕྲད་པ་དང་། གང་དག་མེས་འཇིགས
298b8 པ་དང་། ཆུ་དང་། མཚོན་དང་། དུག་དང་། བྱད་དང་། སྟག་དང་། སེང་གེ་དང་། དུག་དྲག་པོ་དང་། རྐུན་པོ་དང་། གཡོན་ཅན་གྱིས་འཇིགས་པར་འགྱུར་བ་དང་། གང་དམ་དུ་བཅིངས་པ་དང་། གང་ཆད་པས་བཅད་པ་དང་། གང
iiif viewer powered by OpenSeadragon
