| e-texts navigator |
| Wylie |
298a1 བྱེད་དེ། སེམས་ཅན་གང་སྔོན་བྲམ་ཟེ་ལ་གུས་པར་གྱུར་པ་དེ་དག་གི་རྣམ་པར་ཤེས་པ་ལ་ནི་རིགས་ཀྱི་བུ་བྲམ་ཟེའི་གཟུགས་སུ་སྟོན་ཏོ། །གང་འདོད་པའི་དབང་ཕྱུག་ལ་གུས་པ་དེ་དག་ལ་ནི་འདོད་པའི་དབང་ཕྱུག
298a2 གི་བར་དུ་སྟོན་པ་ནས། གང་སྲེད་མེད་ཀྱི་བུ་ལ་གུས་པ་དང་། གང་དབང་ཕྱུག་ཆེན་པོ་ལ་གུས་པ་དང་། བརྒྱ་བྱིན་ལ་གུས་པ་དང་། འཁོར་ལོས་སྒྱུར་བ་ལ་གུས་པ་དང་། ཉི་མ་དང་། ཟླ་བ་དང་། ཡུལ་འཁོར་སྲུང་དང་། འཕགས
298a3 སྐྱེས་པོ་དང་། མིག་མི་བཟང་དང་རྣམ་ཐོས་ཀྱི་བུ་ལ་གུས་པ་དང་། གང་དག་ལྷ་དང་། རི་དང་། ཤིང་དང་། ཆུ་མིག་དང་། མཚེའུ་དང་། ལྟེང་ཀ་སྣ་ཚོགས་ལ་གུས་པའི་བར་དུ་གང་དང་གང་གི་སྐྱབས་སུ་སོང་བའི་སེམས་ཅན་དེ་དག་གི
298a4 མདུན་དུ་བསྟན་ནས། གང་གི་བསམ་པ་ཅི་འདྲ་བ་བཞིན་དུ་དེའི་གཟུགས་ཀྱིས་འདི་སྐད་ཅེས་སྨྲའོ། །འཕགས་པའི་བདེན་པ་བཞི་དག་ལ། །གང་དག་ཤེས་རབ་ཀྱིས་མཐོང་བ། །འཁོར་བའི་སྲིད་པ་སྒྲོལ་བའི་ཕྱིར། །འཁོར་བ་ན་ནི་དེ་ཀུན
298a5 ཤེས། །སེམས་ཅན་དེ་དག་གིས་ཆོས་འདི་དག་རྣམ་པར་ཤེས་པས་ཤེས་པར་བྱས་ནས་མཐོ་རིས་ལ་གཞོལ་བར་འགྱུར་རོ། །སེམས་ཅན་གང་དག་སངས་རྒྱས་ལ་མངོན་པར་དད་པ་དེ་དག་གི་མདུན་དུ་འདུག་སྟེ། སངས་རྒྱས་ཀྱི་གཟུགས་བསྟན་ནས
298a6 འདི་སྐད་ཅེས་སྨྲའོ། །སངས་རྒྱས་ཡེ་ཤེས་བདེན་པ་ཡིས། །སྲིད་པའི་རྒྱ་མཚོ་གང་སྒྲོལ་བ། །ཡེ་ཤེས་དེ་ལ་མྱུར་དུ་རེག་།སྡུག་བསྔལ་ཀུན་ལས་འགྲོལ་བར་འགྱུར། །དེའི་ཚེ་སེམས་ཅན་དེ་དག་སངས་རྒྱས་ཡིད་ལ་བྱེད་པའི་སྒྲས་དགའ་ཞིང་རངས
298a7 ནས་འཆི་བའི་དུས་བྱས་ཏེ། སངས་རྒྱས་ཀྱི་ཞིང་རྙོག་པ་མེད་པ་ཡོངས་སུ་དག་པ། གང་ན་སངས་རྒྱས་བཅོམ་ལྡན་འདས་བཞུགས་པ། འཚོ་བ། གཞེས་པ། ཆོས་ཀྱང་སྟོན་པ་དེར་སྐྱེ་བར་འགྱུར་རོ། །དེ་བཞིན་དུ་ཆོས་དང་། དགེ་འདུན་ལ
298a8 བརྗོད་པར་བྱའོ། །དེ་ལྟ་བས་ན་བྱང་ཆུབ་སེམས་དཔའ་ནམ་མཁའི་སྙིང་པོ་ནི་ཡོན་ཏན་གྱི་ཆོས་བསམ་གྱིས་མི་ཁྱབ་པ་དང་ལྡན་ནོ། །གང་ཡང་ཏིང་ངེ་འཛིན་རྣམ་པ་སྣ་ཚོགས་ལ་སེམས་ཀྱིས་ཤིན་དུ་དབང་བྱ་བར་འདོད་ན། དེས་ཐོ་རངས་ཀྱི
iiif viewer powered by OpenSeadragon
