| e-texts navigator |
| Wylie |
297b1 རྫོགས་པར་འགྱུར་བ་དང་། རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེ་ལྟ་བུའི་ཐབས་དང་ཤེས་རབ་ཀྱང་དེ་ལ་སྟོན་ཏོ། །དེ་བས་ན་རིགས་ཀྱི་བུ་བྱང་ཆུབ་སེམས
297b2 དཔའ་སེམས་དཔའ་ཆེན་པོ་ནམ་མཁའི་སྙིང་པོ་འདི་ནི་ཤིན་དུ་དཔའ་བ་ལས་བྱུང་བའི་ཡིད་བཞིན་གྱི་ནོར་བུ་རིན་པོ་ཆེ་ཡན་ལག་གི་དམ་པ་མགོ་བོ་ལ་འདུག་པར་སྣང་ངོ་། །དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ནམ
297b3 མཁའི་སྙིང་པོ་ནི་ཡོན་ཏན་བསམ་གྱིས་མི་ཁྱབ་པ་དང་ལྡན་ནོ། །རིགས་ཀྱི་བུ་གཞན་ཡང་སེམས་ཅན་གང་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ཐོས་སམ། གཟུགས་འདྲིར་འཇུག་གམ། དེ་ལ་མཆོད་པ
297b4 བྱེད་དམ། རིམ་གྲོ་བྱེད། བསྟི་སྟང་བྱེད། བཀུར་སྟི་བྱེད། མཆོད་པ་བྱེད་ཅིང་། མེ་ཏོག་དང་། སྤོས་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་རྣམ་པ་དུ་མ་དག་གིས་བཀུར་སྟིར་བྱེད། ཕྱག
297b5 འཚལ་བར་བྱེད། བདག་གི་སྲོག་ཀྱང་དེ་ལ་འབུལ་བར་བྱེད་ན་སེམས་ཅན་དེ་དག་ནི་མེས་འཆི་བའི་དུས་བྱེད་པར་མི་འགྱུར། ཆུས་མ་ཡིན། མཚོན་གྱིས་མ་ཡིན། དུག་གིས་འཆི་བར་མི་བྱེད་དེ། དེ་དག་ཚེ་ཟད་པ་མ་གཏོགས
297b6 པར་མི་འམ་མི་མ་ཡིན་པ་སུས་ཀྱང་དེ་དག་གི་སྲོག་དབྲོག་པར་མི་ནུས། དུས་མ་ཡིན་པར་མི་འཆི། ནད་བུ་ཅན་དུ་མི་འགྱུར། བཀྲེས་པ་དང་སྐོམ་པས་འཆི་བའི་དུས་བྱེད་པར་མི་འགྱུར། རྒྱལ་པོའི་ཆད་པས་ཆོད་པར
297b7 མི་འགྱུར། འཆི་བའི་དུས་ལ་བབ་ཀྱི་བར་དུ་ལྟུང་བའི་རྩ་བ་འབྱུང་བར་མི་འགྱུར། དེ་དག་མིག་གིས་གཟུགས་མི་མཐོང་། རྣ་བས་སྒྲ་མི་ཐོས། སྣས་དྲི་མི་ཚོར། ལྕེས་རོ་མི་མྱོང་། ལུས་ཀྱིས་རེག་བྱ་མི་ཤེས་ཤིང་།
297b8 ད་དུང་དུ་དབུགས་ཕྲ་མོ་འབྱུང་བ་དང་འཇུག་པར་བྱེད། ད་དུང་དུ་དེའི་ལུས་ལ་ཚེ་དང་། དྲོད་དང་། རྣམ་པར་ཤེས་པ་འཇུག་པར་འགྱུར་བ་དེའི་ཚེ། དེ་དག་ལ་བྱང་ཆུབ་སེམས་དཔའ་ནམ་མཁའི་སྙིང་པོ་ཐ་མལ་པར་སྟོན་པར
iiif viewer powered by OpenSeadragon
