| e-texts navigator |
| Wylie |
27a1 དེ་ལ་བྱང་ཆུབ་སེམས་དཔས་བག་ཡོད་པར་བྱ་ཞིང་བག་མེད་པའི་སེམས་དང་མ་འདྲེས་པར་བྱའོ། །དུག་མེད་པ་རྣམས་ཤེས་བྱ་བ་ནི་ཉན་ཐོས་རྣམས་ཏེ། དེ་དག་དང་བསྟེན་པར་མི་བྱའོ། །དུག་དང་ལྡན་པ་ཞེས་བྱ་བ
27a2 ནི་སོ་སོའི་སྐྱེ་བོ་རྣམས་ཏེ། དེ་དག་ལ་བདུད་རྩི་བསྟན་པར་བྱ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་མངོན་པར་དགའ་བར་བྱ་བ་ལ་ནི་མངོན་པར་དགའ་བར་མ་བྱེད་ཅིག་།མངོན་པར་དགའ་བར་མི་བྱ་བ་ལ་ནི་མངོན
27a3 པར་དགའ་བར་གྱིས་ཤིག་། དགའ་བ་དང་འདོད་ཆགས་དང་ལྡན་པར་ཡང་གྱིས་ཤིག་།དགའ་བ་དང་འདོད་ཆགས་ཡོངས་སུ་བཅད་པར་ཡང་གྱིས་ཤིག་།གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ
27a4 སེམས་དཔའ་རྣམས་མངོན་པར་དགའ་བར་བགྱི་བ་ལ་མངོན་པར་དགའ་བར་མི་བགྱིད་པ་ལགས། ཇི་ལྟར་ན་མངོན་པར་དགའ་བར་མི་བགྱི་བ་ལ་མངོན་པར་དགའ་བར་བགྱིད་པ་ལགས། ཇི་ལྟར་ན་དགའ་བ་དང་འདོད
27a5 ཆགས་དང་ལྡན་པ་ལགས། ཇི་ལྟར་ན་དགའ་བ་དང་འདོད་ཆགས་ཡོངས་སུ་གཅོད་པ་ལགས། བཀའ་སྩལ་པ། མངོན་པར་དགའ་བ་ཞེས་བྱ་བ་ནི་ངར་འཛིན་པ་དང་ང་ཡིར་འཛིན་པ་སྟེ། དེ་དག་ལ་མངོན་པར་དགའ
27a6 བར་མི་བྱའོ། །མངོན་པར་མི་དགའ་བ་ནི་བདུད་རྣམས་ཀྱིས་སངས་རྒྱས་ཀྱི་ཡེ་ཤེས་ལ་སྟེ། དེ་ལ་མངོན་པར་དགའ་བར་བྱའོ། །དགའ་བ་དང་འདོད་ཆགས་དང་ལྡན་པར་བྱ་བ་ནི་འཁོར་བ་ན
27a7 སྲེད་པ་ནི་ཟླ་ཡིན་པའོ། །དགའ་བ་དང་འདོད་ཆགས་ཡོངས་སུ་ཅད་པ་ནི་འགོག་པ་ཡོངས་སུ་ཤེས་པར་བྱ་བ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་བཅིང་བས་བཅིངས་པར་ཡང་གྱིས་ཤིག་།
27a8 བཅིང་བས་བཅིངས་པ་རྣམས་ཀྱང་ཁྲོལ་ཅིག་།གྲོལ་བ་རྣམས་ལའང་བསྙེན་བཀུར་གྱིས་ཤིག་།མ་གྲོལ་བ་རྣམས་ཀྱི་རྗེས་སུ་འབྲང་བར་གྱིས་ཤིག་།གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ
iiif viewer powered by OpenSeadragon
